كيف احول الانوس من مانيول لاتوماتيك

**fady.bekatcho** · 22-02-2008 04:11 AM

كنت عايز اعرف ازاى اقدر احول الانوس من مانيول لاتوماتيك

حد يعرف يا جماعة

**Tamer-Ezzat** · 22-02-2008 06:22 AM

الموضوع مش بالسهولة دى

دة فيلم .. هندى حتغير حاجات كتير ... وتعدل حاجات أكتر ...

لو عايز اتوماتيك ,, بيع العربية اللى معاك وهات واحدة اتوماتيك "بس مش بحبذ اللانوس الاتوماتيك"

**cpt_shawky** · 22-02-2008 08:02 AM

ياريت لو حد عندو التفاصيل الفنية يشرحها ويا ترى تتكلف قد ايه الموضوع ده

**Xpert** · 22-02-2008 04:30 PM

هايتكلف كتير و زي ما قال تي فايف فايف فايف ..فور ناين .. ايت ثري ..(حاسس ان انا باقول رقم تليفون هههه) ..
هاتحتاج تغير حاجات كتيره كتيره و فيلم هندي .. و صدقاُ الموضوع مش مستاهل (انا تاجر قطع غيار (سابق) و باقولك الكلام ده.. اي نعم تخصصي مش دايو بس الموضوع عام) ..
هايكلفك فتيس .. تمنه حسب عربيتك .. اقدر عندك انت مثلاً 1500 جنيه ..
هاتحتاج طقم بدالات .. مواسير زيت - تغيير الردياتير ..و حاجات رفايع تاني ..
يااه بقي لو الاتوماتيك عندك شغال بكنترول يونيت .. تبقي مصيبه .. هاتحتاج تغير ساعتها الكونترول يونيت و الضفيره بتاعه المكنه .. هاتحتاج تركب الدفيره بتاعه الفتيس و ليله بقي مالهاش اخر ..
بجد بجد مش مستاهله .. بيع و اشتري اسهل..

**cpt_shawky** · 22-02-2008 04:38 PM

أنا شفت صديق حول لادا نيفا لأتوماتيك وحط فيها موتور تويوتا ديزل 2000 Cc

**Xpert** · 22-02-2008 04:44 PM

صديقك ده مزجانجي قوي .. عندنا نيفا بتاعه شغل و دي بالذات اخر عربيه افكر احولها اوتوماتيك هههه .. تيوتا ديزل ده ماشي .. بس كان قبل القانون الجديد بتاع المرور .. انما اوتوماتيك دي ؟ خساره فيها ..
دي حاجه ؟؟ تاني حاجه الاتوماتيك بتاع التيوتا ال 200 الديزل ده اكيد مش كهرباء .. و ده سهل الماموريه شويه .. انا ماقلتش مستحيل .. بس هايبقي تعب علي الفاضي
انا حولت عربيه عمي بيجو 504 اوتوماتيك .. بس دس تكنولوجيا ما قبل التاريخ مافيش كهرباء ولا بتاع .. و كذلك حولت البي ام بتاعتي مانوال(نفس الخطوات بس بالعكس) ..
عموماُ انا متخوف من انه يكون بالكهرباء لسبب .. لاءن بعد 95 معظم مصنعين العربيات اضافت تكنولوجيا حديثه علي العربيات و اصبح الفتيس ليه كونترول يونيت و متصل بالكنترول يونيت بتاع الموتور و كده .. و اصبحت الليله كبيره ..

**cpt_shawky** · 22-02-2008 04:48 PM

وكمان ركبلها باور ستيرينج وعنده 3 نيفا :)

**Xpert** · 22-02-2008 04:54 PM

اه مانا عارف انها بتتقلب باور .. بعلبه دريكسيون تيوتا كرولا كمان .. و ممكن بعلبه دريكسيون ال132 ال 2000 .. و التعديلات كتيره .. بس بجد مش مستاهله ..

**fady.bekatcho** · 22-02-2008 05:02 PM

شكرا ليكم يا شباب

وعلى فكرة يا xpert انا من بنى سويف برضوا

وهشترى لانوس فكنت عايز اسال يعنى التحويل للاتوماتيك اخبارة اية

وطبعا انتوا فيكم الخير

**Xpert** · 22-02-2008 05:07 PM

يا راجل يا بتاع بني سويف .. كده بقينا 3 هههه قوللي بقي انت منين من بني سويف (انا من بني سويف نفسها - الحميات .. بيشوي اللواي ) .. (علي الخاص بقي و ابعتلي ايميلك لو بتستخدم مازنجر هه)
بالنسبه للاوتوماتيك : يا عم خليك في المانوال و اشتري دماغك .. نصيحه من اخ بلدياتك ههه المانوال مش هاينفع عندنا ..احنا استخدام شاق ... و كمان لو عاوز واحده لانوس قوللي اوريك عربيه و اقعدك مع صاحبها .. قدامي واحده بس والله ما فاكر بيانات عشان اللانوس انا مابركبوش اصلاً .. هيا حسب مانا فاكر موديل 97 باين .. هيا لانوس 2 و لونها زيتي غامق و بتاعه المحامي بتاعي اكل دماغي بيها ..