تيل فرامل الـ gen.2

**Abouelwafa** · 06-07-2010 03:50 PM

السلام عليكم ورحمة الله وبركاته
أنا كنت في التوكيل من أكتر من أيبوع بعمل صيانة الـ 10,000 كم وكان عندي مشكلة في الفرامل وحبيت أناقش الموضوع معاكوا وأعرف رأيكوا

الموضوع أنا عرضته قبل كده في الموضوع ده

http://www.nilemotors.net/Nile/157294-2.html

وحبيت إني أفرد له مساحة هنا يمكن نعرف نوصل لحل زي الشباب بتوع كيا

الموضوع بإختصار إن تيل الفرامل في الـ Gen.2 بيخلص على 10,000 كم أو 15,000كم وثمنه 1330 جنيه (كلام وسعر الوكيل)
وطبعاً دي حاجة ولا في الخيال
والمشكلة إني بحب أحافظ على عربيتي وطبعا بحب أركب لها كل حاجة الأصلي
بس بطريقتهم دي عمري ما هفكر إني أركب التيل إللى بـ 1330 جنيه ده
والمشكلة الأكبر إني مقتنع إن التوكيل هو أحسن حل للزيرو بدل الصنايعية إللى هيبيعوا ويشتروا في الواحد
فبصراحة مش عارف ‘يه الحل!!!
حالياً أنا مركب التيل إللى بـ 330 جنية وطبعاً ماشي بموسيقى حصبلة وأنا نفسي متضايق من الصوت فما بالكم بالناس إللى بفرمل جنبهم
+ إن الفرامل مش ولابد ومحتاجة دوسة ثقيلة شويتين

فكروا معايا أكرمكم الله

**midosalah** · 06-07-2010 03:54 PM

هوا التيل اللى بـ 330 جنية ده نوعه ايه ؟؟

**TrickyAhmed85** · 06-07-2010 04:44 PM

فى تيل حلو أوى عند الدوليه موتورز ب 250 طقم كامل أمامى وخلفى وممكن تشترى الأمامى بس أو الخلفى بس ب 125 جنيه

انما تيل ب 1330 ده خيال شوية هيا مش bm

معرفش ليه التزكيل بيستهبل أوى كده, قالولى برضو محتاج تيل بس ساعتها قاللى ب 350 جنيه قلت لأ وركبتة برا ب 120 جنيه على ما أفتكر

**MaGiC** · 06-07-2010 05:17 PM

ركب التيل الي بيركب على الفيات برافا والابول فيكترا الجديده انا مركبو عندي وشغال زي الفل الامامي سعرو 180 ونضيف جدا

**weeja** · 07-07-2010 12:41 AM

المشاركة الأصلية كتبت بواسطة magic

ركب التيل الي بيركب على الفيات برافا والابول فيكترا الجديده انا مركبو عندي وشغال زي الفل الامامي سعرو 180 ونضيف جدا

اسمه ايه ده ياباشا و جنسيته ايه ؟؟؟؟؟
وياترى يركب قدام وورا ؟
وياترى حضرتك مركبه من قد ايه ؟
وبيطلع صوت معاك ولا لأ ؟؟؟

**midosalah** · 07-07-2010 04:37 AM

المشاركة الأصلية كتبت بواسطة weeja

اسمه ايه ده ياباشا و جنسيته ايه ؟؟؟؟؟
وياترى يركب قدام وورا ؟
وياترى حضرتك مركبه من قد ايه ؟
وبيطلع صوت معاك ولا لأ ؟؟؟

متابع بإهتماااااام

**A. Ibrahim** · 07-07-2010 08:12 AM

بص
انا معاك طول ما العربيه جديده و بحالتها بستحرم اعمل اي حاجه بره
بس موضوع التيل غريب شويه 1300 فعلا كتير و لكن تركيبه سهل و مش صعب خصوصا الامامي اما الخلفي يبقي التوكيل او الورشه بتاعت فيصل
انا عن نفسي مركب من اول ال 12000 fbk و عامل 25000 و التيل زي الفل بتابع الدسكات الامامي و الاداء كويس ايوه صفر شويه و لكن بطل و شغال زي الفل

اما الخلفي فنصيحه ياما التوكيل يا اما الورشه بتاعت فيصل لان له رجلاش عاوز عده مخصوصه

التيل الرمسا الاسباني موجود عند المدينه في دمشق و سعره من 170 الي 190 و زي الفل و شغال

**RedBull_30** · 07-07-2010 10:14 AM

انا ركبت بتاع التوكيل ومنصحش اي حد بيه اللي هو 230 جنيه.. على فكرة مصنعية تركيبه في التوكيل ب 100 جنيه .. بس انا ركبته برة ولما سئلت مدير المركز ليه مصنعيته غالية كده قالي عشان احنا بنركبه بطريقة تانية .. بجد ناس تجيب شلل..

**RedBull_30** · 07-07-2010 10:19 AM

المشاركة الأصلية كتبت بواسطة magic

ركب التيل الي بيركب على الفيات برافا والابول فيكترا الجديده انا مركبو عندي وشغال زي الفل الامامي سعرو 180 ونضيف جدا

طب دي معلومة زي الفل لانك مركبه عندك ومجربه .. يا ريت اسم المحل اللي انت اشتريته منه و شكرا

**Mustafa_Farouk** · 07-07-2010 12:44 PM

المشاركة الأصلية كتبت بواسطة weeja

اسمه ايه ده ياباشا و جنسيته ايه ؟؟؟؟؟
وياترى يركب قدام وورا ؟
وياترى حضرتك مركبه من قد ايه ؟
وبيطلع صوت معاك ولا لأ ؟؟؟

need to know too and which Vectra, A, B or C ??

مشاهدة نتائج الإستطلاع: هتركب أي تيل في عربيتك؟

الموضوع: تيل فرامل الـ gen.2

LinkBack

أدوات الموضوع

عرض

تيل فرامل الـ gen.2 - انشر الموضوع فى :

-

-

-

المواضيع المتشابهه

اخيرا تعديل فرامل الفيرنا امامى وخلفى (سكاكين)الى فرامل رياضية

اخيرا تعديل فرامل الفيرنا امامى وخلفى (سكاكين)الى فرامل رياضية ( منقول )

اخيرا تعديل فرامل الفيرنا امامى وخلفى (سكاكين)الى فرامل رياضية

هل صوت الطقه في فرامل النترا2012 اما تدوس فرامل علي اخر ده عادي

نور فرامل الكليو مش شغال لما بدوس فرامل..ساعدوني

الكلمات الدلالية لهذا الموضوع

المفضلات

المفضلات

ضوابط المشاركة