العربية بتسخن لما بشغل المكيف (لانسر 2009 - 1300 سي سي)

**hawkeye** · 06-07-2010 04:02 PM

صديقي عنده عربيه لانسر موديل 2009 1300 سي سي .. كل ما بيشغل المكيف العربية بتسخن و لما يقفله العربيه بترجه لوضعها الطبيعي مع العلم ان مروحة السربنتينه بتشتغل و مفيهاش مشكلة .. راح بيها لميكانيكي و كهربائي قالوله العربيه ما فيهاش حاجه .. محتاج رأي الاخوة في الموضوع ده و ياريت لو حد يدلنا على ميكانيكي او بتاع مكيفات كويس يقدر يروحله في منطقة الهرم و الجيزة لان -للاسف- معظم اللي بيروحلهم اما انهم مش بيكونوا امناء معاه و عايزين يفتحوا شغل او انهم مش بيفهموا في الموضوع

جزاكم الله خيرا مقدما

**wael2sh** · 06-07-2010 04:16 PM

2009 يعني لسة في الضمان طب ليه مرحش التوكيل
العربية جديدة

**أبو إياد** · 06-07-2010 10:23 PM

المشكله كلها فى الريداتير
الريداتير محتاج يتفك وتتفك العلبه اللى فوق وتتسلك كل مواسيره
الموضوع بياخد من ساعه لساعتين وبيكلف 50ج
بس محتاجه حد بتاع ريداتير كويس

**أبو إياد** · 06-07-2010 11:52 PM

المشاركة الأصلية كتبت بواسطة hawkeye

اكيد لو كانت في الضمان ما كانش احتاس الحوسة دي :)
شكرا على مرورك و اهتمامك

يعني اخليه يركز بس في موضوع الريدياتير و ما يشيكش على اي حاجه تانيه؟ طب بس ايه اللي يخلي الريدياتير يتسد و العربية لسه موديل حديث

!!
اشكرك على اهتمامك و ردك

قبل ما يفك اى حاجه بتاع الريداتير هايفيده
وحاله العربيه مش مقياس بالنسه لعوامل الجو والتراب والحراره اللى احنا فيها
ومش بعيد صديقك يكون زود مياه عاديه للعربيه ودى كارثه لوحدها على مواسير الريداتير

**hawkeye** · 07-07-2010 04:50 PM

المشاركة الأصلية كتبت بواسطة pharonicking

عرفت منين انها بتسخن
مؤشر الحرارة بيعدى النص؟

ايوة بيعدي و بيكمل بعد النص كمان

**hawkeye** · 07-07-2010 04:51 PM

المشاركة الأصلية كتبت بواسطة أبو إياد

قبل ما يفك اى حاجه بتاع الريداتير هايفيده
وحاله العربيه مش مقياس بالنسه لعوامل الجو والتراب والحراره اللى احنا فيها
ومش بعيد صديقك يكون زود مياه عاديه للعربيه ودى كارثه لوحدها على مواسير الريداتير

خلاص انا حخليه يروح لبتاع الريدياتيرات و ربنا يكرم .. ربنا يبارك فيك يا ابو اياد .. جزاك الله خيرا

**Ahmed Amin** · 08-07-2010 12:38 PM

علي فكرة لو العربية لسه جديدة أحتمال مستبعد جداً أن الرادياتير يكون فيه مشكلة.
إلا لو كان صاحبك فتح الرادياتير قبل كدا ودخله هوا ، أو زودة مية من الحنفية ساعتها ممكن تبقا فيه مشكلة.

وأنا من رأيي مادام العربية لسه في الضمان أو لو كانت خليجي أكشف عليها بس في التوكيل وأعرف السبب بدل ما تروح لواحد بره يفك لك في الحاجة ويطلع لك الرادياتير ويسلك ويحور والرادياتير أصلا لسه بشوكه والعربية فبريكة !!

عمتاً أنت ممكن مبدئياً تقوله يزود الأربة اللي متوصلة بالرادياتير مية خضرا ياباني لو لقيت ، لو ملقتش أي نوع للرادياتير بس مش مية حنفيه.