الموضوع: الالنترا الشكل الجديد 2011 ب 111 الف

السلام عليكم يا رجاله

طبعا المتابع لملاحق الاهرام و الاخبار هبلاحظ اعلان الحملى موتورز اللى فيه الالنترا 2011 الشكل الجديد و فيها كماليات رهيبه (بلوتوث - كارت ميمورى - تاتش سكرين - تكييف تتش - سينسور - كاميرا خلفيه - gbs - dvd)

و المعرض كمان عنده تقسيط مباشر فقلت اديلهم تليفون اسأل الاول عن التقسيط المباشر

طبعا واضح انهم بقاله و ربنا فتح عليهم لأنى بتصل من الساعه 10 الصبح لحد الساعه 12:30 و محدش بيرد و لما ردوا كان رد اللى بيتكلم ايوه يا باشا كأنى امين شرطه... المهم سألت عن التقسيط المباشر قالى لآ دا فى الفرع التانى اتصلت بالفرع التانى قالى معندناش تقسيط مباشر قولتله الاعلان فيه تقسيط مياشر قال ايوه بس بمقدم 50% (قولت اجاريه فى الكلام) طب ال الورق المطلوب قال صوره البطاقه و ايصال كهرباء و بس طيب الفايده كام قالى و انت مالك تعرف الفايده كام قولتله علشان احسب قسطى قالى انت عايز بنك ايه قولتله يا عم انا يسأل على التقسيط المباشر قالى الفايده هتكون عاليه طب كام يا عم قالى هى ايه اللى كام قولتله الفايده رجع قالى انت عايز بنك ايه (اقسم ان ده اللى حصل بالحرف)

قولتله طيب لازم تأمين قالى ايوه لازم طب حد اقصى كام سنه قالى هما 3 سنين بس انت مش عايز تقسط مع بنك ليه قولتله اصل معايا قرض سياره فى بنك تانى و بتاع قالى بس الفايده هاتبقة عاليه قوى سألته كام يعنى قالى 15% فى السنه ثابته طبعا استغربت و قولتله بمقدم 50% قالى ايوه

قولتله ليه يا عم ده فى العالميه مقدم 10% على انواع سيارات معينه و فايدتهم 9% قالى مستحيل قولتله و الله انا قعدت مع الناس و الكلام حقيقى قالى روح اشترى منهم قولتله لآ انت واضح انكم معندكوش تقسيط مباشر انما اتحطت كلمه كده فى الاعلان لزوم الاشتغالات قالى لأ عندنا قولتله و الفايده كام فى السنه قولى تانى قالى انت عايز بنك ايه؟ قولتله سلام عليكم و قفلت

اتصلت بالفرع التانى اسأل بقى على الالنترا يا عم هى موديل 2011 الشكل الجديد قالى ايوه قولتلى هى خليجى ايوه يا باشا منين فى الخليج سعودى و لا كويتى قالى سعودى طب ايه الاوبشنز اللى فيها قالى زى اللى فى الاعلان بس هو هو الشكل القديم زياده عليه عتب و سيويلر و ب 111 الف بصراحه تفيت عليه و قفلت فى وشه

يا جماعه النصب بقى على ودنه و لازم يكون فى حاكمم للأعلانات ديه انا قلت اكون ايجابى و احذر الناس من المعرض ده

و مع السلامو عليكو

فى شركه فى ش السودان احدى شركات عبد اللطيف الجميل بتقسط تقسيط مباشر واذا دفعت اكتر من 50% بيكون التأمين مش اجبارى
احد الاخوه من فتره طويله كان عمل موضوع عليها هى قصاد معرض جابر عبد الشهيد ش الودان