النهارده الصبح كنت رايح الأسم عشان أخلص ورقه التجنيد عشان أجدد جواز السفر ,,,
وأنا داخل الشارع بتاع الأسم كان فيه بلاعه مفتوحه وطبعا" مخدتش بالى منها
( كذلك كل العربيات اللى داخله الشارع ) ,,,
المهم لبست البلاعه و الكاوتش اللى قدام يمين نزل فيها وهبد هبده سمعت فى العربيه كلها ,,,
والله أنا اتخضيت خضه ما يعلم بيها الا ربنا :fdsa:
وكان معايا واحد صاحبى ( كان تقريبا نايم لسه ) كويس أنه منزلش وجرى :C_laugh[1]:
ركنت ونزلت أبص على العربيه لقيت الكساحه منفصله عن الاكصدام وفيها خبطه من قدام قصاد الفوج لايت ,,,
وديه الصور ( يارب تظهر )
http://dl103.herosh.com/18b04c813454.../Photo0029.jpg
http://dl104.herosh.com/5cdb1686436b.../Photo0030.jpg
طبعا" الحمدلله وقدر الله وماشاء فعل ,,,
الجنط تقريبا" سليم برغم أن صدى البلاعه باين فيه ( مافيش غربله ولا حدفه ) وتقريبا" مفيش حاجه تانى بس فيه مياه بتنزل من الناحيه الشمال قصاد الفرده ( تقريبا" والله أعلم مياة التكييف )...
الغريب فى الموضوع بقى ,,,
العسكرى واقف جنب الحاجز (الحاجز مافيش بينه وبين البلاعه متر ) وشايف الموقف كله ومتكلمش ولا قال أى حاجه.....ولما عربية الشرطه دخلت ورايا وقفه وقاله على البلاعه ,,,
بتاع المجارى سايب البلاعه مفتوحه ( برغم انه خلصها ) وشغال فى بلاعه تانيه ,,,
صاحبى نزل من العربيه على صوت واحد من الناس اللى واقفه بيقوله لسه عربيه واقعه فيها وطلعت بالعافيه ,,,, ومن غير ما يبص على العربية أداهم الطريحه الصح ,,,
العسكرى قلق وراح حاطط الحاجز على البلاعه ,,,
وبرغم انى كنت راكن فى الممنوع مفتحش بقه ,,,
أنا مش عارف الناس ديه بتفكر ازاى ....فيها أيه لو كان حط الحاجز من الأول ....ولا بتاع المجارى قفل البلاعه بعد ماتنيل خلصها ,,,
أضعف الأيمان يحذر الناس اللى داخله الشارع ,,,