-
Fiat Tipo !!!!J
عارف طبعا ان الموضوع مش مكانه بس لازم أخد رأي الرجاله المهندسين بتوعنا وبرده عشان معرفش حد في منتدي فيات
أخويا اشتري عربيه لمراته وكان فيها مشكله كده نخعه
الناس نصحوه يقلب العربيه من هاف إنجيكشن لكاربرتير !!!!
طبعا إتحرق دمي من الكلام بس بيقولو ان الهاف إنجيكشين صناعه هم في الموديل ده
هي تيبو 89
وفعلا ركبولها كاربرتير فيات 128 ههههههههههههههه كنافه وربنا
العربيه ب 15 الف ,,,يابلاش والله
-
نسيت أسألكم ,,,,,,هو الكلام ده مظبوط انه يضيع الإنجيكشن منها ؟ بالمنظر ده؟
-
عادي جدا
فيه ناس بتعملها في الشاهين موديلات 2006 و2007 واللادا الانجيكشن بيلغوا نظام الاشعال الاليكتروني وتقريبا الانجيكشن مش عارف التفاصيل بالظبط وده لان الشعب المصري عامه دايما بيحب القديم ويكره الجديد
-
عادى بيلغى التحكم الألكترونى و يحوله لتحكم ميكانيكى يدوى
نفس الفكره
بس المشكله العربية مش مصممه لكده
-
طب تمام متشكرين لردودكو يارجاله ,,,,,,فهمت من كلامكو انها حاجه عاديه ماتقلقش
-
لا هي مش حاجه عاديه خالص طبعا
كده عامل زي اللي يبقي في بيتهم تليفزيون ملون ويروح للكهربائي علشان يخليهوله ابيض واسود واللي ابتكر الحكايه دي الكفتجيه المصريين لانهم مابيعرفوش يصلحوا الانجيكشن ولا بيفهموش في اعطاله علشان كده بيستسهلوا وكله علي حساب الزبون
-
بس انا سمعت ان الهاف إنجيكشن في التيبو مقرف بجد
-
انا بتكلم عن المبداء عامه
لكن بالنسبه للتيبو فبصراحه انا معرفش فيها علشان ما ابقاش بفتي
-
انت بترجع بتكونوجيا لورا عشان مش عارف تصلحها ادى كل الفكره
فكرة احسن او اوحش
صح او غلط
انت ونصيبك فيها يعنى تتعدل و تمشى يا تتعدل و تبوظ خالص
-
اسمحولى يا رجاله العصابه اذا كانت التكنولوجيا اللى فى عربيتى هتجيبلى وجع الدماغ يبقى فى ستين داهيه التكنولوجيا و انا اتكلمت فى الموضوع ده قبل كدهكل الموديلات الجديده مليانه حساسات لكل جزء فى العربيه علشان تفيدنا لكن العكس هو اللى بيحصل لما الاقى ان الحساسات هى اللى بتخرب من غير مايكون فى عطل فى العربيه يبقى انا اتنصب عليا تكنولوجيا يعنى زى ما نجيب الريحانى كان بيقول دهان وش اول و دهان وش تانى و حبل لزوم الخروف و دى وجهه نظر تحتمل الخطأ و شكراً .
Content Relevant URLs by
vBSEO 3.6.0 PL2