فين ممكن اتعلم السباحة

**chicobon** · 06-07-2010 06:08 PM

السلام عليكم

كنت عاوز اعرف فين ممكن اروح في القاهرة عشان اتعلم السباحة يعني مكان للكبار و الاطفال عشان عاوز اعلم ابن اخويه السباحة و انا كمان بس مش عارف فين ينفع طبعا مش هقدر اشترك في نادي و سئلت في كام نادي اذا كانو بيقبلو اي حد بس يدخل يدرب قالو لاء مافيش يعني لو حد عنده فكرة ياريت يقولي عشان الواحد بيتكسف انه مش عارف يعوم واحنا اهو في الصيف فرصة اتدرب هل في مكان زي ده ولا مافيش هنا ارجو الرد و شكرا

**ghada_zaky** · 06-07-2010 06:18 PM

ممكن كلية تربية رياضية ...بيعملوا تدريب كنشاط خدمة للمجتمع
هنا فى اليكس ده موجود وبيتهألى اكيد موجود فى القاهرة

**kemoelord** · 06-07-2010 06:31 PM

انا دلوقتي يا جماعه مشترك مثلا في النادي الاهلى , هل ممكن اروح اقولهم انا عاوز اتعلم سباحه ولا تعليم السباحه يقتصر فقط على الصغار
انا عاوز الفكره او المبدا نفسه بدل ما اروح احرج نفسي على الفاضي

**chicobon** · 06-07-2010 06:44 PM

المشاركة الأصلية كتبت بواسطة ghada_zaky

ممكن كلية تربية رياضية ...بيعملوا تدريب كنشاط خدمة للمجتمع
هنا فى اليكس ده موجود وبيتهألى اكيد موجود فى القاهرة

يعني حضرتك تقصد اروح كلية التربية و اسئل اذا كان في تعليم للكبار ولا لاء مش عارف مسمعتش قبل كده انهم بيدربو حد طيب حد عنده معلومة عن الكلام ده ولا هو الواحد طول عمره ما هيعرف يتعلم السباحة

**نور القمر** · 06-07-2010 07:06 PM

انا بودي ولادي نادي الظباط في الهرم ( قصر الاهرام)
مكنش عاجبني في الاول عشان زحمة بس لما لقيت مستوى ولادي بيتقدم بسرعة قلت هو ده المطلوب مدام في اهتمام فعلي من المدربين
لاحظت كذا شاب بيتعلموا كنت فاكراهم مدربين في الاول وبعد كدة عرفت انهم بيتعلموا بس مش عاملين كورس مخصوص لكبار وكورس للصغار انما التقسيم بيكون على حسب المهارة ومستوى التعلم

**chicobon** · 06-07-2010 07:13 PM

المشاركة الأصلية كتبت بواسطة نور القمر

انا بودي ولادي نادي الظباط في الهرم ( قصر الاهرام)
مكنش عاجبني في الاول عشان زحمة بس لما لقيت مستوى ولادي بيتقدم بسرعة قلت هو ده المطلوب مدام في اهتمام فعلي من المدربين
لاحظت كذا شاب بيتعلموا كنت فاكراهم مدربين في الاول وبعد كدة عرفت انهم بيتعلموا بس مش عاملين كورس مخصوص لكبار وكورس للصغار انما التقسيم بيكون على حسب المهارة ومستوى التعلم

شكرا للرد انا من القاهرة معرفش كتير عن الهرم و الجيزة ممكن توضيح اكتر فين المكان ده لو تكرمت و بكام التكاليف

**نور القمر** · 06-07-2010 07:29 PM

اخر الهرم محطة مشعل بس المشوار هابقه صعب عليك
الدفع 70 جنيه لكل 8 حصص والحصة ساعة
وممكن تاخد 8 حصص او مضاعفاتها في خلال الشهر

**ghada_zaky** · 06-07-2010 09:07 PM

المشاركة الأصلية كتبت بواسطة chicobon

يعني حضرتك تقصد اروح كلية التربية و اسئل اذا كان في تعليم للكبار ولا لاء مش عارف مسمعتش قبل كده انهم بيدربو حد طيب حد عنده معلومة عن الكلام ده ولا هو الواحد طول عمره ما هيعرف يتعلم السباحة :t_thum1[1]:

كلية تربية رياضية اللى فى اليكس بتعلم اطفال و كبار ليها واعيد لكل سن
مش عارفة القاهرة بس بيتهيألى ان اكيد القاهرة كمان لان ده يعتبر نشاط لخدمة المجتمع فى كل كليات كتير

**chicobon** · 06-07-2010 11:47 PM

شكرا لرد و من الواضح ان صعب ان الواحد يتعلم السباحة في الكبر لو مش مشترك في النادي شي يزعل بجد

**Akram** · 07-07-2010 12:19 AM

نادي قصر الأهرام لضباط القوات المسلحة ,
انا رحت اتفرجت عليه و بصراحة معجبنيش خالص و مفيش اي نظام أو اهمام ,
في نادي الرماية و طبعاً مكانه معروف (ميدان الرماية آخر فيصل و أول طريق القاهرة الاسكندرية الصحراوي) بيعلموا السباحة للكبار و الصغار ,
و فيه حمامين سباحة ,
التاكليف للصغار 100ج في الشهر و للكبار 170ج ,
بس لازم تقابل المدرب الأول ....