تجربتى فى الحرفيين

**Dodo2009** · 06-07-2010 07:23 PM

أخيرا غيرت الرشاشات النهارده وقبل أى حاجه أحب اشكر المهندس ممدوح على مساعدته الكبيره جزاه الله كل خير وكمان كل أعضاء المنتدى اللى ساعدونى واللى استفدت من خبرتهم زى العضو الفاضل batviser وتجربته فى تغيير رشاشات اللانوس.....طبعا رحت للميكانيكى وأكد ان الرشاشات عايزه تغيير توكلت على الله وقمت بطباعة رد المهندس ممدوح اللى كان فيه نوع ورقم وشكل رشاشات البى ام واتجهنا للحرفيين الى محل المتحده واشتريناهم ب 180 جنيه وهما ناس محترمه ومعاملتهم كويسه وبعدها روحنا لمحل لقياس وتنظيف الرشاشات وطلعوا الحمد لله زى الفل ما شاء الله والراجل صاحب المحل قمه فى الذوق والاخلاق وكمان قام بتركيبهم وجربنا العربيه ودارت الحمد لله تمام بالنسبه بأه لانطباعى بعد تغيير الرشاشات فبصراحه فرق شاسع وخاصة ان طريق رجوعى من الحرفيين للهرم طريق طويل يسمح بتجربة العربيه .....سحب العربيه أصبح أحسن بكتير يعنى كان أقصى سرعه للتانى 40 بالعافيه النهارده ما شاء الله وصل ل60 و70 .....السرعه لو دوست شوية بنزين بسيطه ألاقيها 110 وهى على الرابع
الصراحه تغيير شامل وسحب ممتاز أتمنى اللى عنده نفس المشكله يقدر يحلها والعمليه مش صعبه بفضل ربنا سبحانه وتعالى واخواننا الافاضل فى المنتدى .....وربنا يخليلنا نايل موتورز
وألف شكر للجميع

**M.Zaher** · 06-07-2010 07:33 PM

مبروك الرشاشات الجديدة

**hanycapoo** · 06-07-2010 08:16 PM

باشا الاول مبروك الرشاشت الجديدة ثانيا هى رشاشات بى ام صح ؟؟ ثالثا انهى محل اللى قيست فية الرشاشات ؟؟

**mmd3** · 06-07-2010 08:55 PM

1000 مبروك وعقبالنا

لو ممكن لينك للموضوع الاصلي بتاعك من اولة لاخرة

**mahmoudysf** · 06-07-2010 08:56 PM

مبروك على الرشاشات الجديدة
ولو سمحت ازاي قاسو الرشاشا الجديدة وكام التكلفة

**Dodo2009** · 06-07-2010 09:47 PM

المشاركة الأصلية كتبت بواسطة hanycapoo

باشا الاول مبروك الرشاشت الجديدة ثانيا هى رشاشات بى ام صح ؟؟ ثالثا انهى محل اللى قيست فية الرشاشات ؟؟

الله يبارك فيك الرشاشات بى ام مكنه M40 1600 ال part number بتاعهم هو 0280150715 وده اللى نصحنى بيهم المهنس ممدوح ربنا يكرمه والمحل اللى قيست فيه فى الحرفيين بردوا بعد المتحده فى اخر الشارع بعد عبده السمكرى وهو محل خاص بالرشاشات فقط وصاحب المحل اسمه نور

**Dodo2009** · 06-07-2010 09:50 PM

المشاركة الأصلية كتبت بواسطة mmd3

1000 مبروك وعقبالنا

لو ممكن لينك للموضوع الاصلي بتاعك من اولة لاخرة

الله يبارك فيك لينك الموضوع هو سؤال لأهل الخبره وعقبالك ان شاء الله

**M.Zaher** · 06-07-2010 09:59 PM

هما اخدوا الرشاشات القديمة ؟؟

وده اللينك المطلوب
http://www.nilemotors.net/Nile/16039...post3872805143

**Dodo2009** · 06-07-2010 10:06 PM

المشاركة الأصلية كتبت بواسطة mahmoudysf

مبروك على الرشاشات الجديدة
ولو سمحت ازاي قاسو الرشاشا الجديدة وكام التكلفة

الله يبارك فيك ....أنا بعد ما اشتريت الرشاشات والراجل فكهم قدامى من مكنه جديده وتمنهم 180 جنيه أخدتهم وبناءا على موضوع (تجربتى فى تغيير رشاشات اللانوس) للعضو batviser كان لازم أقيسهم من خلال جهاز بيحط فيه الرشاشات ويضخ البنزين ويشوفهم شغالين كويس ولا لأ ولو فيهم مشكله بينضفهم أنا طبعا مش عارفه أشرح قوى اسلوب عمل الجهاز انتم عارفين بردوا المسائل الفنيه مع الستات ممكن تكون صعبه شويه
المهم هوه المحل ده تخصص رشاشات فقط وكمان ركبهم واخد 100 جنيه الصراحه مش عارفه السعر ده كويس ولا لا بس انا ما صدقت اخلص وكل حاجه بقت كويسه والحمد لله
مش عارفه لو ينفع اكتب اسم المحل هو اسمه انجيكشين اند انجيكشن وصاحيه اسمه نور

**Dodo2009** · 06-07-2010 10:10 PM

المشاركة الأصلية كتبت بواسطة m.zaher

هما اخدوا الرشاشات القديمة ؟؟

وده اللينك المطلوب
http://www.nilemotors.net/nile/16039...post3872805143

لأ طبعا أنا اخدتهم ما حدش عارف لحسن نحتاج لهم فى يوم من الايام

الموضوع: تجربتى فى الحرفيين

LinkBack

أدوات الموضوع

عرض

-

-

-

-

-

المواضيع المتشابهه

الحرفيين

لسه جاى من الحرفيين

تجربتى اليوم الجمعة فى الحرفيين

الحرفيين فين

الحرفيين

الكلمات الدلالية لهذا الموضوع

المفضلات

المفضلات

ضوابط المشاركة