السلام عليكم ورحمة الله وبركاته ياريت تساعدونى فى نية الشراء فى العربيه دى بسرعه

بسم الله الرحمن الرحيم... يجماعه ياأهل الدايو بعد الفادحه الكبرى وبعد فوات الإعصار وهروب الوحش الألمانى الأوبل فكترا منى والحمد لله على كل شىء قولت أشترى حاجه أقل شويه من الأوبل بس شوفت عربيه دايو إسبيييرو موديل 94 وهى 1500 سىسى كامله أتوماتيك..............................>أ� �جو منكم التقييم والتسعير والأراء وقطع الغيار وأماكن وجودها والنصيحه وكيفية الكشف مع العلم ان العربيه استعمال راقى وده قدام عنيه مش بيتلعب بيها وصيانتها كانت بتبقى فى الرواش ويااااااارييت اللى يعرف اى حاجه عن العربيه دى يتفضل يقول رايه بموضوعيه وشكرا ليكوا

يجماعه ياأهل خبرة الدايو مفيش رد ولا ايه محتاج أرئكوا لو سمحت العربيه هتتباع وأنا عايز ردود بسرعه أنا مستعجل

والله أنا معرفش حاجة عن السبيرو بس غامةكانت قدامي واحدة نضيفة قبل ما أجيب الشاهين و للأسف ربنا مسهلش ......... بس عامة مدام أنتا عارف أصلها و فصلها و عارف تاريخها أن صاحبها محافظ عليها .... و دي فرصة مبتجيش كتير أنك تبقي عارف العربية قبل ما تشتريها .... فا بص كدة علي رأي الناس في المنتدي عليها وشوف عيوبها و قرر

أسف عالاطالة و عدم الافادة ..... بس حتة أنك عارف العربية مع صاحبها الأصلي ديه هتوفر عليك بلاوي

و السلام عليكم

العربية كانت مع واحد قريبى - وهية عربية كويسة وستايل خالص بس قطع غيار مش موجودة ونار ومش إى ميكانيكى بيشتغل بيها وقريبى بعاها علشان كدة وكمان حوت بنزين
نصيحة بلاش

اقتباس:

---

المشاركة الأصلية كتبت بواسطة eng_mkhalaf

العربية كانت مع واحد قريبى - وهية عربية كويسة وستايل خالص بس قطع غيار مش موجودة ونار ومش إى ميكانيكى بيشتغل بيها وقريبى بعاها علشان كدة وكمان حوت بنزين
نصيحة بلاش

---

تلاقيها عشان كدة الناس بتبعها رخيصة نسبيا .... أقلك علي فكرة .... أنا بالنسبالي لما جيت أفكر في عربية مستعملة و مكنتش مستقر و كله كان بيخوفني من قطع الغيار .... كتبت لستة بكام حاجة الواحد عارف أنها ممكن يحتاج يغيرها و أٍسأل عليها في التوفيقية مثلا لكل العربيات اللي في دماغك و اعمل مقارنة .... و ربنا يوفقك:)

شكرا ليكوا ياجماعه بس هى العربيه نضيفه بس برده انا اكيد مش هسيبها الا لما أفلييييها حته حته بس متهيألى ان العربيه قطع غيارها موجوده فى الحرفيين او فى بورسعيد وكمان فى ميكانيكيه كتير اعرفهم بيشتغلوا فيها وازاى يامحمد حوت بنزين دى 1500 سىسى ......شكرا ليكوا ياجماعه والله بس أرجو مزيد من التوضيحات للعربيه وايه قطع الغيار اللى بتبقى دايما محل شراء وتبديل ؟؟؟؟؟؟؟

اسف نسيت ان كمان هنا فى قسم الدايو مفيش كلام على العربيه دى كتير او يعتبر مفيش خالص غير مجرد راى غير توضيحى لأى حاجه زى باقى العربيات التانيه مثلا

لو العربية مش منتشرة يبقي بلاش احسن اخى ربنا يوفقك

ربنا يكرمك يامسلم..........هى بصراحه العربيه إنتشارها أقل نسبيا طبعا عن أخواتها من عائلة الدايو والله أنا محتار أنا قولت أجيبها مؤقتا

العربية مش منتشرة و بالتالى قطع غيار كتير ممكن متلاقيهاش بسهولة و لو لقيتها حتبقى غالية... و القطع اللى حتلاقيها فى الغالب هى القطع المشتركة مع اللانوس او النوبيرا و كدة

الاكسسوارات الخارجية (فوانيس و اكصدامات و رفارف و كدة) حتبقى قليلة جدا و غالية و حتضطر تجيبها استيراد و برضة حتبقى غالية

العربية شخصيا ممكن تكون حلوة جدا لكن مصاريفها حتبقى اعلى من اى عربية دايو تانية

MMamdouh

شكرا لردك ياmmamdouh طب رأيك ايه أنا كنت هجيب أوبل بس للأسف المبلغ مبقاش جاهز معايا دلوقتى ياريت تقولى رأيك يعنى أكشف على العربيه طيب ولو كانت كويسه أتكل على الله ولا ايه انا عارف ان قطع الغيار بتاعتها مقرفه شويه بس موجوده وغاليه وكمان المشكله إن الناس خوفتنى من الأوتوماتيك بتاعها واللى مخلينى شايف العربيه كويسه وبفكر فى شرائها انها استخدام خفيف مش ملعوب بيها وعربيه بيتى أوى...يريت أعرف برده أراء الناس اللى فى المنتدى؟

انا سألت على العربية دي عند أكتر من محل قطع غيار قبل ما اجيب اللانوس , و كل المحلات أجمعوا على ان مفيش قطع غيار ليها او انها قليلة , يعني هتتعبك في الموضوع ده خاصة لو كنت مسافر مثلاً و حصلت مشكلة يبقى هتدوخ علشان تحلها ,
نصيحة شوف عربية غيرها ,
أما لو كانت داخلة دماغك قوي يبقى لف على محلات قطع الغيار و شوف الاسعار و مدى توافرها ,

شكرا ليك ليك ياakram وعلى ردك بس أنا سمعت إن قطع الغيار بتاعة العربيه دى الإسبيرو هى هى قطع غيار اللانوس ياريت لو حد يعرف يقولى رأيه إيه فى الموضوع ده للأهميه

ممكن قطع ميكانيكية معينة لان اللى اعرفة انها 1500 زى اللانوس بس الوش 16 صباب فا ممكن حاجات من اللانوس تمشى و حاجات من النوبيرا تمشى

المشكلة فى البودى زى ما قلت قبل كدة... مينفعش تجيب فوانس و لا اكصدامات ولا كبوت او رفرف اللا بتاع سبيرو

MMamdouh

يعنى هى ياممدوح المشكله مشكله خارجيه فقط لكن لو داخليه يبقى زى مابتقول كده ان قطع الغيار اللانوس والنوبيرا يركبوا عليها يبقى مشكله لحد ما مش كبيره اوى لإن على كلامك ان المشكله على البودى وملحقاته بس......وجزاك الله خير على إهتمامك

بس ياريت حد يقول أن التوفيق بين قطع الغيار الداخليه للعربيه الأسبيرو واللانوس أو النوبيرا ده شىء أكيد عشان دى حاجه مش متاكد منها وياريت ياممدوح لو متأكد من حكايه التوفيق بين قطع الغيار الداخليه بين العربيات سالفه الذكر أو حد عنده معلومه تانيه وجزاكم الله خير

انا طبعا مس متاكد بس احتمال كبير يبقى فيه اجزاء مشتركة... و اللى مش مشترك مشكلة برضة زيه زى اجزاء البودى

اسال فى محلات الاكسسوار و انت تعرف تفاصيل اكتر

MMamdouh

طب يجماعه ممكن تسعرولى العربيه لو حالتها فعلا نضيفه مع وجود كارت هيستورى للصيانه ليها فى أبو رواش هو إتكلم فى سعر بس أحب أعرف أرئكوا والسعر الكويس للعربيه من وجهة نظركوا

شوف يا وسام
سعرها في حدود 35 الف لغاية 40 الف وعلى حسب الحالة العامة بتاعتها وعدد الكيلومترات اللى مشيتها وشكلها الخارجى
ده هوا الرينج بتاع السعر او حدوده لو عدت اكتر من كده بلاش منها احسن
اكتر من 40 الف تجيب لانوس نضيفة وممكن كمان اوتوماتيك موديل 99 او 2000
وربنا يوفقك

رامي (ابو احمد)

شكرا ليك يارامى باشا هو فعلا بيتكلم فى 38000 وماسك فيهم مش مدينى فرصه حتى بس على العموم العربيه محتاجه مصروف خفيف يعنى شويه بهدله فى البويه من بره بس لكن من جوه العربيه لسه هشوفها...قولى برده رايك فى السعر؟

السعر يعتبر كويس لو بالحالة اللى انت بتقول عليها بس خللى بالك ما خفى كان اعظم
لازم تكشف عليها كويس حتى لو اضطريت تروح التوكيل بتاعها
من الاخر هيا في مجملها عربية كويسة جدا بس لازم تاخد بالك من حاجة مهمة انك لو بأمر الله اشتريتها وصرفت عليها حبة مش هاتجيبلك اللى انت دفعته لما تحب تبيعها
يعني بالبلدي كده سوقها تقييييل جدا في البيع
على فكرة ده مش عيب في العربية ، ده عيب في السوق المنيل اللى عندنا
وربنا يوفقك وقولنا اخر الاخبار

رامي (ابو احمد)

أسف يجماعه على التأخير بس ده لإنشغالى المهم أنا سالت على العربيه فى التوكيل وقالولى إبعد عنها وقالوا ان قطع غيارها بيبعتوا يجيبوها من ليبيا واماكن تانيه وبلاد تانيه وقطع غيارها موجوده فى شامبليون بس للأسف حاجات موجوده وحاجات مش موجوده .......العربيه كويسه لكن مع كل المشاكل اللى فيها عيب قطع الغيار تبقى مش مناسبه لشاب زى بيفترى على العربيه وإن شاء الله هفكر فى حاجه تانيه و شكرا ليك ياأبو أحمد