تعمل ايه لو اتاخدت عكس اتجاه من عسكرى المرور وانت ماشى صح فى اتجاهك السليم ايه رد فعلك معاه وهو بينصب عليك انك ماشى عكس اتجاه وبيدون ده فى الدفتر قدامك وبيبصلك :H_angry[1]:
مع العلم انك ماشى بمبدأ لا للرشاوى
:B4_592:
تعمل ايه لو اتاخدت عكس اتجاه من عسكرى المرور وانت ماشى صح فى اتجاهك السليم ايه رد فعلك معاه وهو بينصب عليك انك ماشى عكس اتجاه وبيدون ده فى الدفتر قدامك وبيبصلك :H_angry[1]:
مع العلم انك ماشى بمبدأ لا للرشاوى
:B4_592:
هضربه ,,,
هطلع كل الغل اللى جوايا فيه ,,,
من كام يوم معدى عادى ولقيت عسكرى بيبص على النمره وبيكتبها ,,,
والله العظيم ماعملت حاجه غلط ومافيش فى العربيه أى حاجه ( مفيش فواحه حتى ) ,,,
أقسم بالله كنت هنزل أطحنه وأموته و لولا واحد كان راكب معايا كنت زمانى دخلت فيه السجن ....
ومش قادر أنسى الموقف (بقاله أكتر من 10 أيام ) وبندم أنى منزلتش ضربت تيت............
طيب أيه رأيك انها حصلت معايا مرة علي المحور .... أه و الله علي المحور
كنت راجع من أسكندرية و انا علي المحور جت لي مكالمة تليفون فوقفت علي جنب و شغلت الانتظار و أذا بأمين شرطة بيخبط لي علي الازاز و لما فتحت لاقيته بيقولي الرخص علشان أنت ماشي عكسي !!!!
عارفين عملت أيه ؟؟؟؟
نزلت من العربية و معايا كاميرا ديجيتال (دايما بتكون معايا علشان شغلي) و صورت العربية و أمين الشرطة و الطريق
و قولت له "يالابينا علي أقرب قسم و هناك بقي هانشوف أذا كنت انا ماشي عكسي و لا لأ لأنك مابتشوفش و مابتفهمش"
بصراحة أمين الشرطة لاقيته أتلجلج في الكلام و أتلخبط ووشه جاب ألوان و أداني الرخص و قالي أتفضل ياباشا
بصراحة البلد دي مافيهاش قانون و انا بقيت مقتنع 100% ان المرور بيمارس دور قطاع الطرق
و في الحالة دي من حقك تستخدم كافة الوسائل المتاحة للدفاع عن نفسك و حقك
مع خالص تحياتي
م/ سمير الشهاوي
برافو م/ سمير اتصرفت صح ,, شكله كان عايز سبوبة من وراك
انا حصلت بقه معايا على طريقة النصاب المحترف دخلت شارع طول عمرى بدخله وعربيات كتير بتتدخله فى هذا الاتجاه عشان نعمل يوتيرن وندخل الطريق الزراعى المهم انا لابس الحزام وملتزم وبعد ما دخلت فتحة الطريق لقيت العسكرى بيبصلى وبيقولى يا استاذ بصيت انا فى المرايا ولقيته بيكتب نمر العربيه قمت واقف وقلته خير فيه حاجه قالى انت ماشى عكسى قلته ازاى طول عمرى بدخل الشارع ده وبعمل يوتيرن عشان اطلع على الزراعى قلتله و مفيش حاجه كمان بتشير الى عدم الدخول قالى انت ما بصيتش ورا وبكلمنى من ورا نضاره شمس وبيبتسم بلقم ومكر قلتله لا ما شوفتش اى حاجه للامانه انا قلت يمكن كلامه يطلع صح ويكون فى لوحة او اى اشاره انا مش واخد بالى منها فاخدت بعضى ومشيت عالطول احسن ما الموضوع يكبر لو نزلت من العربيه واطلع انا الغلطان بس حطيت فى دماغى انى لازم اشوف اللوحه الى بتقول عدم الدخول واتأكد بنفسى من كلامه المهم عديت على نفس الشارع تانى يوم وانى الاقى اى اشاره او لوحة او اى دليل على عدم الدخول ملقيش اى حاجه والاقى الناس بتدخل عادى زى ماانا عملت بالضبط يعنى اتاخدت مخالفه ظلم وعدوان ونصب علنى عشان حضرته مستنى رشوه منى عشان يشطب المخالفه من الدفتر طبعا انا ضد مبدأ الرشوه وحتى ولو عطيته رشوه ايه الى يضمنى انه يلغى المخالفه مش همه بياخدو علي فلوس المخالفات نسبه يبقى ازاى يلغى مخالفه سمينة زى دى
السؤال دلوقتى ماهى اختصاصات عسكرى المرور وهل له السلطه على اخد اى عربيه مخالفه ظلم وعدوان دون رادع وازى نحمى نفسنا من الابتزاز ده:majd(4):
ولا ليها لازمه مخالفات العسكرى ودى بالذات لو نزلت فى ملفك
ردك الوحيد على وكيل النيابه أزاى موقفنيش وسحب الرخص
ووكلاء النيابه عارفين كويس قوى انهم مش بيسيبو حد فى المخالفه دى بالذات وعن نفسى حصلت قدام عينى واحد حاول يهرب
طلع وره عربيتين دوريه وموتوسيكل وجابوه
اقتباس:
المشاركة الأصلية كتبت بواسطة m.mostafa80
الله يطمن قلبك طمنتنى
:satelite:
حصل معايا نفس الموقف على المحور بس كان معايا اخويا معاه كارنيه من اللي عليه حمامه وطلع عين اهلهاقتباس:
المشاركة الأصلية كتبت بواسطة SE_coralsea
بس اللي مدايقني اني لو معاييش واسطه كان هيتنصب عليا كده عادي :majd(4):
وكمان موضوع التوكيل انا راكب عربيه باسم والدي ومعايا رخصة العربيه وواحد في المنصوره شاف العربيه جيزه راح موقفني وقالي فين التوكيل قلتلو توكيل ايه لقيته بينادي على الونش وبيقولي انزل من العربيه وبرضو الكارنيه ابو حمامه اول ما طلع اتلم واتأسف ووسع الطريق :shine[1]:
هانزل اضربه
و بالنسبة للمهندس سمير و Ralliart .... يعني الواحد يركن و يدي فلاشر عشان يرد و ما يخالفش القانون (الكلام في الموبايل اثناء القيادة) يقوم يلبسوه مصيبة !!!!!!!
@$#@$@#$!@!@ّ!@##$@%@$#^#$%^$#%^
لو مكانك هضربه و اطير .
من يومين امين شرطة وقف صاحبي و قاله الرخص فى كمين احمد سعيد .
خد الرخصة الشخصية و رخصة العربية و بص فيهم و بعدها سرح شوية مع نفسه و قالى ممكن بطاقتك ؟؟
فطلعتهاله ووريتهاله من بعيد , قالى هاتها قلت له لا مش هتلمسها قالى طب انزل .
نزلت له , قلت له خيرررر ؟؟ قالى ده كمين تفتيش , قلت له فتش العربية قدامك لكن انا ملكش انت تفتشنى و لا تلمسنى حتى .
صوتنا على و رحت للظابط و هو شاب صغير مش فاهم اى حاجة فى اى حاجة , رحت قله خير حضرتك ؟
قالى انت عندك كام سنة ؟ قلت له ده سؤال يهمك يعنى !
قلت له سنى بعدها بيقولى انت بتدرس ايه ؟ قلت له برده ده يهمك يعنى ؟ قالى اه قلت له بدرس ايه و بعدها قلت له ممكن الرخص علشان الوقت الضايع ده بس ؟؟
قالى بس ده كمين تفتيش و لازم اشوف بطاقتك , قلت له تفتيش يبقي تفتيش للعربية لكن لو عايز تفتشنى هات اذن من النيابة و بعدين انت شايفنى شكلى مجرم لا سمح الله علشان تشك ان معايا حاجة ؟ و اتعصبت عليه جامد .
راح مدينى الرخص و قالى طيب اتفضل .
يا جماعة دول شوية صيع مكلفين انهم يرجعوا للقسم بفلوس او بمجرمين اى حاجة يعنى , و ارجوكم الرشوة هى اللى وصلتنا لكده .
الخمسة جنيه و العشرة جنيه اللى مش بتفرق مع ناس كتير و بتدفعها عادى جدا هى اللى خلت امناء الشرطة و الظباط اللى لسه متخرجين يتنططوا على الناس .
البلد بقت غابة ملهاش كبير .
الله يخربيت أم المخالفات على إلى بيعملها على كل واحد لابس بدله حلوة شيك بيضة فى الصيف و سودا فى الشتا
من النهايه دول شوية حراميه من كبيرهم و المسؤل عن النقل و الطرق بأكلمها لأمين الشرطة أو العسكرى
أنا لسه راكب تاكسى مع راجل برضة بيقولى أنه معموله مخالفتين عكس سير رغم أنه أغرب سواق تاكسى شوفته فحياتى دا بيحلفلى أنه عمره ماخالف أى بند من بنود المرور قالى دا أنا عمرى مامشيت على الخط بتاع الحارات نفسه و بمشى جوة الحارة أزاى همشى عكس الأتجاة !!!!!!!
حد يعرف هي مخالفات العربيات الجمرك اللي بتنزل من الدول العربية بتتحسب ازاي ، يعني لو عسكري شافها جمرك بيدها بردو المخالفة ولا بيكبر علي أساس انها راجعة بلدها . ولو واحد نزل بها وراجع بعد فترة قصيرة هيلحقو يحاسبوه ازاي
بيدفع المخالفات قبل ما يسلم اللوح
غير كده بيبقى مطمع لكتير من نصابي المرور
ما أنت جمرك بقى ومعاك شوال فلوس
اعتقد انه مش من حقه انه يفتش العربيه غير باذن من النيابه ومش المفروض تخلي حد يفتشها بالساهل كده لانه ممكن يحط اي حاجه ويمسكك متلبس وفي الحاله دي هتديله الحق انه يعمل اللي هو عايزهاقتباس:
المشاركة الأصلية كتبت بواسطة terrible_darsh
اللينك ده ممكن تحمل منه كتاب "عشان متتضربش علي قفاك"
"ط¹ط´ط§ظ† ظ…ط§ طھطھط¶ط±ط¨ط´ ط¹ظ„ظ‰ ظ‚ظپط§ظƒ.. ظƒطھط§ط¨ طµط§ط¯ط±طھظ‡ ط§ظ„ط¯ط§ط®ظ„ظٹط© | ط§ظ„طھط¹ط°ظٹط¨ ظپظٹ ظ…طµط±
http://www.up-eibda3.com/ma7dod/ma7d...allthebook.PDF
وده لينك تاني ط¹ظ…ط± ط¹ظپظٹظپظٹ - ط¹ط´ط§ظ† ظ…طھظ†ط¶ط±ط¨ط´ ط¹ظ„ظ‰ ظ‚ظپط§ظƒ ط§ظ„ظ†ط³ط®ط© ط§ظ„ظƒط§ظ…ظ„ط©.pdf - 4shared.com - document sharing - download
وده في كل حقوقك وكل المواقف اللي ممكن تحصل مع الشرطه وازاي تتصرف فيها
جمرك بيبقى اشتغالة بالنسبة لهم .......اقتباس:
المشاركة الأصلية كتبت بواسطة fadod
انا مرة واحد وقفنى فى وصت البلد وقالى رخصك ولما ادتهالوا قالى انت ماشى عكس قولتة ازاى كل العربيات ماشية عادى وبعدين مفيش اى يفطة او اى حاجة تقول ممنوع الدخول
المهم كان معايا واحد قريبى صحفى اول مورالو الكرنية ادانا الرخص على طول من غير كلام
حاجة تقرف ومحد عالاف يعمل معاهم ايه
احمد ، اشتغاله يعني بيدوهم مخلفات عمال علي بطال علشان عارفين انها في الهوا داه اللي إنت تقصدهاقتباس:
المشاركة الأصلية كتبت بواسطة أحمد كمال
لأاقتباس:
المشاركة الأصلية كتبت بواسطة fadod
مخالفات بالكوم و ابتزاز و حركات قذرة
مرة نازل من الدائري عالمريوطية
اتنين امناء قدامي شافوا ورايا عربية Explorer بنمر جمارك
و الله العظيم شفت في عينيهم نظرة السعار و هما رايحين عالعربية
عشان يتمصلحوا اي مصالح و يضربوا فلوس من الهوا
حصلت معايا مرة !!!
ظابط تقريبا كان نقيب او ملازم اول وقف قدام العربية وانا اصلا خارج من شارع هادي وجاي جري عليا
المهم !!! قاللي : الرخص !!!
قلتله ليه ؟ خيررررر بس ؟؟؟
قاللي : معاك رخص يعني ؟؟
قلتله : طبعا !!!
قاللي : اشوفها !!!! قلتله : اعرف طب بس في ايه !!!!!
هو كان معاه تليفون عالموبايل وواقف كل دا قدام كبوت العربية !!! جالي الأمين من جنبي بقى !!! الرخص قتلهم خير ياجماعة في ايه ؟؟؟؟ انتوا حسستوني انكوا ماسكين حرامي !!!!
قاللي الامين : مش معاك رخص ؟؟؟ هاتها اشوفها بس !!! اديتهالهم !!! وركنت اشوف في ايه !!كنت لسة شاري ايس كريم من محل وطالع !!! قلت في سري يمكن عشان باكل وانا سايق !!! كان ساعتها لسة نازل القانون الجديد لما كانوا بيقولوا الاكل والشرب والسجاير اثناء القيادة ........!!!!!
رحت للظابط والرخص مع الامين ولقيت معاه ظابط كبير قاللي: كنت ماشي عكس ليه ؟؟؟ بيرموا بلاهم والله العظيم
قلتله جاي منين عكس !!! انا الايس كريم في ايدي والمحل اهو ومن عندهم ولو عايز تشوف الريسيت اجيبهولك لسة مرميتهوش !!!!
دقيقة من المقاوحة كدة واقتنع الظابط الكبير اللي واقف وقال للامين يديني الرخص !!! الشاب الصغير بقى - الملازم - بيقولوا استنى استنى !! الرخص دي سليمة ؟؟ مرديتشي بصراحة وسيبته يبص فيهم واداهم للامين اداهوملي مشيت من غير ولا كلمة ولا سلام
لو عسكري هاعمل زي الاستاذ اللي خد صورة!!! مع التعديل!!! هاقول للعسكري او الامين هاطلب النجدة وزي ماحنا كدة نفضل واقفين لحد ماظابط ييجي يحل المشكلة دي
ربنا عالمفتري