انا عربتى لانوس جديدة كيف انظفها من الخارج بالرش بالخرطوم ولا اية:satelite:
عرض للطباعة
انا عربتى لانوس جديدة كيف انظفها من الخارج بالرش بالخرطوم ولا اية:satelite:
انت هتغسل بنفسك ولا هتودى بنزينة
وهل ده للغسيل ولا التنظيف اليومى
حضرتك هاتجيب فوط ناعمة (يفضل اسفنج ) و لو عندك خرطوم يبقى قوة اندفاع المية تكون متوسطة اقرب الى ضعيفة عشان تحافظ على الدهان و طبعا السائل المنظف اللى هاتغسل بيه ( انا عن نفسى بستخدم بتاع غسيل المواعين بحط منه شوية على جردل مية و اقلبه كويس لحد ما يعمل الرغوة )
الخطوات بقى
1 حضرتك هاتمسح العربية كلها بالفوطة (ناشفة و ناعمة ) عشان تشيل بيها التراب على قد ما تقدر و بعد كده بترش مية بس على العربية عشان تشيل بيها اكبر قدر ممكن من التراب او الطين قبل الغسيل بالصابون
2 هاتسخدم فوطة تانية للصابون و هاتمسح العربية من السقف الاول و انتا نازل ( يفضل السرعة فى الخطوة دى عشان الصابون لو فضل كتير على العربية بيضر الدهان على المدى البعيد )
3 بعد ما تنضف العربية كلها بالصابون و تتأكد انك نضفت كل البقع كويس بتجيب فوطة تانية نضيفة و بالخرطوم بتبدأ من السقف برده و انتا نازل بتشيل اى اثر للصابون من على العربية و بالذات من على اى كاوتش فى العربية ( ازاز -ابواب -اى حاجة فيها كاوتش )
4 بعد ما تنضف العربية من الصابون كويس ترش عليها مية تانى كنوع من التأكيد ( متنساش المية لازم تكون ضعيفة ولو مش متوفر يبقى ترش المية على العربية بزاوية مش عمودى )
5 و دى اخر مرحلة و هيا مرحلة التجفيف هاتحتاج فوطة او اتنين ذات قدرة عالية على امتصاص المية هاتمسح بيهم العربية و تعصرهم كذا مرة لحد ما تنشف العربية كلها ( خلى فيه فوطة مخصوص للزجاج )
....* ملحوظة هامة ....* حاول متركنش العربية فى الشمس بعد الغسيل ( او حتى فى الاوقات التانية ) و طبعا متركنش فى مكان فى تراب كتبر و الا مش هاتستمتع بعد المجهود ده
هاغسل السيارة بنفسى للتنظيف اليومى:Ta_clap[1]:
ما ينفعش تغسل كل يوم بالمياة
اولا هتعرض العربية للبارومة
ثانيا المحافظة على المياة
ثالثا
متغسلش والدهان ساخن سواء من الشمس او من مشوار وبرده ما تغسلش وانت راجع من مشوار قبل ساعة او نصف علشان الطنابير
رابعا
يفضل استعمال شامبو غسيل او شامبو اطفال للحفاظ على الدهان
شامبو غسيل ممكن تجيب رابيدو العلبة ب 5 جنيه وممتاز
- أنا بأغسل العربية كل 6 شهور في المحطة (العناية الفائقة) و بأضع طبقة من الشمع لحماية الدهان من الشمس و الاتربة و في نفس الوقت بيتم غسيل الموتور بالفوم (بدون مياه) مع الهواء
- خلال مدة ال 6 شهور العربية بتتمسح مرتين في اليوم بفوطة ناعمة مبللة لأزالة أي اتربة او أوساخ من الطريق لأن العربية لونها غامق
ممكن اعرف اسم الشمع ده ايه وبيتباع فين علشان انا عاوز اشوف العربيه بتلمع