حسبنا الله و نعم الوكيل............
عندي كلام كتييييييييييييييييييير عاوز أقوله في الناس دي بس ماينفعش على المنتدى!!
في رعاية الله...
عرض للطباعة
حسبنا الله و نعم الوكيل............
عندي كلام كتييييييييييييييييييير عاوز أقوله في الناس دي بس ماينفعش على المنتدى!!
في رعاية الله...
انا فى نفس موقفك يا باشمهندس سمير كل يوم فى مدخل مطلقة البحر الابيض المتوسط الاسكندرية سابقا
مدخل اسكندرية من الصحراوى عبارة عن خمس حارات تضيق ليصبح 3 ثم 2 عندى مطلع كوبرى محرم بك و من هنا تبدأ المهزلة
عربيات نازلة من فوق الكوبرى الجديد على عربيات جاية من الصحراوى و كل ده عايز يطلع الكوبرى القديم اللى ينزل على شارع قناة السويس
ال500 متر دول بياخدوا منى كل يوم 20 دقيقة تقريبا فى وقت الذروة من 3 و نص لغاية 4 الا ربع 4 الا عشرة
و كله بيحدف على كله علشان يطلع الكوبرى و البقاء للاقدم و الاكبر و الاشجع اخيرا
كل حاجة فى المخروبة دى بقت بالدراع
إزيك يا باشمهندس سمير ,
انا طريقي كل يوم الدائري و بقيت قبل ما اطلع الدائري بستعد علشان الناس اللي بتفور الدم دي ,
عربيات نقل ماشية في اليمين ,
ناس جاية بسرعة و عايزاك توسع و حتى مش مديك فرصة انك تتركله الحارة اللي انت ماشي في بأمان ,
أو تلاقي ناس ماشية من اليمين للشمال و بعدين لليمين , المهم يجري بسرعة كأنه في سبق ,
و اللي فجأة يجي أدامك من غير اشارة أو انه يراعي المسافة اللي بينكم ,
دا غير الفواصل و الحفر و المطبات اللي الواحد بقى بيحفظها و بيحاول يتفاداها ,
يعني أول ما ألاقي عربية نقل ابعد عنها ,
أول ما ألاقي موتوسيكل أبعد عنه ,
أول ما ألاقي عربية سايقاها واحدة أبقى حريص جداً ,
يعني بصراحة ضغط أعصاب كل يوم ,
بس بحاول مع كل ده إني أهدي نفسي و أمشي بالمعقول و اللي عايز يعدي يعدي ,
و اللي ماشي غلط بحاول أنبهه و أكمل طريقي ,
و ربنا يسترها معانا جميعاً في السيرك اليومي اللي احنا عايشين فيه.
عايز تعرف فى اية ؟؟
اقولك انا
في قلة حياء
فى انانية
فى ان محدش بيفكر ان اللى الاسعاف رايح يجيبة ممكن يبقى حد عزيز عليك
فى ان الى معاة فلوس افتكر انة اشترى البلد
فى ان مفيش احساس بالمسؤلية تجاة المجتمع
فى ان نفسى ثم نفسى ثم نفسى ثم طظ فى الاخريين
فى ان حالة اللامبالاة بقت شئ عادى
فى ان البلد دى هتفضل كدااا طول مافيها ناس كدااااا
فى ان كل الناس بتفكر فى دلوقتى و بينسوا يوم القيامة او حتى بينسوا ان كما تدين تدان
فى ان اللانانية بقت مطلقة و غطت الناس كلها
فى ان ان لم تستحى افعل ما شئت
فى ان حسبى الله ونعم الوكيل
اخى الفاضل بجد حاجة تحرق الدم انا من المنصورة والمنصورة دلوقتى بقت اصعب من القاهرة حصل موقف لا انساه ما حيت الى يعرف المنصورة يعرف الزحمة اللى موجودة فى المنصطة اللى قدام مدرسة صلاح سالم وانت داخل على الكوبرى المهم انا راكب عربية مع واحد صاحبى وراكب فى الكرسى اللى ورائ المهم فى اسعاف جاى من بعيد ومشغل السرينة وشغال شتيمة فى الناس المهم صاحبى عمال سضحك ويقول ياعم تلاقية رايح يجيب عيش وكلام من النوعية دى المهم كل العربيات وسعت له هو فى الحارة اللى جنب الرصيف ويقوم صاحبى قافل علية وداخل قدامة والطريق واقف المهم الاسعاف طلع صابع وواحد فتحلة اليمين وقام داخل منه والاسعاف معدى لمحت واحد راكب فى الاسعاف بيعيط من وراة مع المريض طلع مين أخو صاحبى اللى انا راكب معاه واللى تعبان والدة تخيل الموقف بقى نزلنا من العربية وبقبنا نزق فى العربيات ونجرى زى الهبل على الكبرى علشان نفتح الطريق لغاية لما دخل عكس ومشى وحنا وراه الموقف دة خلى صاحبى لمدة حوالى سنة ميسقوش عربية ولما بداء بقى مجر لما يسمع سريبنة يبقى عايز يشيل العربيات اللى قدامة علشان يفتح طريق للسرينة فياريت كلنا نحافظ على الطريق لللاسعاف او اى سرينة وسيبك من الكلام العبيط اللى بيقول انا مش بفتحرالطريق والكلام دة بتاع كل من هب ودب ركب سرينة
ممكن حال البلد يتصلح في حالة لو كلمت حد و قولت له كدة غلط و مقلكش يا عميييييي .....