الموضوع: "بنتلى" مصر الأولى فى مبيعات الشرق الأوسط

ياجماعة اصلا شركة بنتلى دية عدد سياراتها محدود جدا

بنتلى كونتينتال وفية منها النسخة الكابورلية والنسخة الرياضية الgt

وبنتلى ارناج ودية اللى بتتحدى المايباخ وفية منها بردة نسخة كابورلية

والجديد بتاعها بنتلى موسيلينى ودية من افخم سيارات العالم وتمنها حوالى 340 الف جنية استيرلينى

وجميع سيارات بنتلى بتتصنع يدويا وتقريبا بتعمل بس 150 عربية ماعدا الكونتينتال بتتعمل منها اعداد زيادة باعتبارها سيارة رياضية

ومواتير البنتلى بتبقى 6200 سى سى بتخرج قوة تصل الى 621 حصان وبتوصل لسرعة 320 كيلو

دية كدة نبزة خفيفة عن سيارات بنتلى
وبالنسبة لمبيعاتها طبعا سيارة بالتمن دة ماتحلمش انها تبيع اكتر من 30 وحدة فى بلد دة ان جابتهم عشان كدة بالنسبالهم لما يبيعوا مثلا 15 عربية فى مصر يبقى كدة مبيعاتهم خرافية لان تمن العربية الواحدة بيوصل ل3 مليون وازيد مع الفئات والتجهيزات وفى العربية دية كل حاجة ليها تمن فتخيل بقى لما يبيعوا 10 عربيات بس ب 30 مليون جنية يعنى اللى تفضل تبيعة اى شركة تانية عادية وتحصلة من مثلا 400 عربية بتمن ال15 عربية دول
وعلى فكرة انا شوفت بنتلى كتير جدا وكانت بنتلى gt الكوبية الرياضية وبنتلى ارناج , وبنتلى كونتيننتال شوفتها 3 مرات

ياجماعة مصر الايام القادمة داخلة على انفتاح غريب فى عالم السيارات انا بشوف لامبورجينى جالاردو ومورسيلاجو , وشوفت نيسان gtr ومايباخ , ورولزرويس وفيرارى بانواعها حتى الكاليفورونيا والله شوفتها وهية لسة مابقالهاش غير شهر واحد بس نازلة برة وكانت مترخصة من مرور مصر , والبورش بانواعها كاريرا وgt وبوكستر 2010