ممكن أعرف سعر الاكسدام الامامى فى الدايو لانوس 1 موديل 2000 و هل موجود منه الوان بحيث يكون موجود لون العربية و لا هيتجاب ويترش بلون العربية وممكن أعرف بيتباع فين و شكرا ليكم
عرض للطباعة
ممكن أعرف سعر الاكسدام الامامى فى الدايو لانوس 1 موديل 2000 و هل موجود منه الوان بحيث يكون موجود لون العربية و لا هيتجاب ويترش بلون العربية وممكن أعرف بيتباع فين و شكرا ليكم
الجديد بحوالي 180 جنيه و بيكون اسود
الاستيراد بيكون اغلى بكتير
الاكصدام مكون من 3 قطع ,
الصدادة الحديد اللي بتتركب في الشاسية و دي جديدة عاملة في حدود 200ج و استيراد عاملة نفس المبلغ ,
القشرة الخارجية و دي فبر و الجديد يعمل في حدود 175 بس لون اسود فقط و فيه استيراد يعمل في حدود 200 أو 175 ,
طبقة فل بتبقى بين الجزئين السابقين و دي في حدود 50 ج ,
بس رأي السمكرية هات استيراد ,
أولاً الصداد الحديد هتلاقيه اقوي من الجديد ,
ثانياً ممكن تلاقي نفس درجة اللون ,
ثالثاً ممكن تلاقي الاكصدام معاه كشافات شبورة و تاخدها فوق البيع ,
و تقريباً الاستيراد بيعمل من 400 الى 500 و انت و شطارتك .........
بالنسبة للمكان هتلاقي بتوع الاستيراد في ش العشرين في فيصل ,
و في الحرفيين (مدينة السلام) ,
الجديد: موجود في التوفيقية أو عند بتوع قطع الغيار الجديد ,
سألت مرة على واحد لقيته استيراد ب 300 جنيه عند تجار الاستعمال
كامل بالحديد و الفبر من الحرفيين و دة احسن مكان و ارخص اسعار للمستعمل ... يعمل حوالى 350 جنيه .. و على فكرة الأستيراد احسن و اقوى بكتييييييير من الجديد
شكرا جدا ليكم ولردكم يا خبراء المنتدى