اسكندرية - الغردقة

**budokonta** · 06-07-2010 11:04 PM

السلام عليكم

انشاء الله ناوى اطلع الغردقة من الاسكندرية بالعربية ياريت حد يوصفهالى براحة و حبة حبة عـشان افهم يا ملوانى

**budokonta** · 06-07-2010 11:12 PM

اين الرد يا جماعة الخير افيدونا مغ العلم لا يوجد مشكلة من الاسكندرية صحراوى - القاهرة المهم بعد بوابة الرسوم ايه الوضع ؟

**Samir Elshahawy** · 06-07-2010 11:17 PM

1- بعد البوابة حضرتك هاتكمل لحد مطلع الطريق الدائري (بعد كوبري المحور)
2- بعد ماتطلع الدائري خليك علي اليمين و خد وصلة كوبري المريوطية هاتنزلك علي الدائري قبل كارفور المعادي اللي هايكون كده علي يمينك
3- كمل علي طول بعد كارفور هاتلاقي منزل طريق القطامية / السخنة علي اليمين
4- هاتنزل من الدائري و تكمل هاتلاقي علي يمينك محطة بنزين وطنية و بعدها علي طول يمين أول طريق القطامية / السخنة و منه الي الغردقة أن شاء الله

مع خالص تحياتي
م/ سمير الشهاوي

**Samir Elshahawy** · 06-07-2010 11:22 PM

أه نسيت أقولك ...
في طريقك محطات البنزين التالية ممكن تمون منها و أنت مطمئن :
- محطة أمارات مصر (علي الدائري) قبل كارفور المعادي
- محطة وطنية (قبل طريق القطامية / السخنة

غير كده بلاش تغامر مع المحطات اللي علي الطريق و أنت راجع من الغردقة مون من الغردقة نفسها (محطة موبيل) اللي علي أول طريق الغردقة / رأس غارب

**mohamed_selim** · 06-07-2010 11:30 PM

و موبيل الزعفرانه مضمونه عن تجربه

و خلى بالك بعد الزعفرانه الطريق مغرى للجرى بس بيكون فيه رادار بين الزعفرانه و غارب و واحد تانى او اتنين بين غارب و الغردقه و السرعه 110 و بيشتغلو ليلى كمان (بكمين ليلى متحرك)
بعد كمين الجونه الطريق 90 و عليه رادار

**Samir Elshahawy** · 06-07-2010 11:44 PM

المشاركة الأصلية كتبت بواسطة mohamed_selim

و موبيل الزعفرانه مضمونه عن تجربه

و خلى بالك بعد الزعفرانه الطريق مغرى للجرى بس بيكون فيه رادار بين الزعفرانه و غارب و واحد تانى او اتنين بين غارب و الغردقه و السرعه 110 و بيشتغلو ليلى كمان (بكمين ليلى متحرك)
بعد كمين الجونه الطريق 90 و عليه رادار

- الاضمن تمون من المحطات اللي قولت لك عليها و موبيل الزعفرانة كويسة
- اما بالنسبة للرادارات فبيغيروا اماكنها لكن تقريبا بتكون في الاماكن التالية :
1- قبل غارب بحوالي 15-30 كم
2- قبل رأس شقير
3- قبل جبل الزيت (محطة البنزين)
4- قبل كمين الاحياء (مدخل الغردقة الرئيسي)

كمان فيه رادارات ثابته داخل الغردقة
- طريق المطار
- طريق الغردقة / سفاجا (قبل خليج مكادي)
- طريق الهضبة

**usama7499** · 07-07-2010 10:49 AM

بسم الله ماشاء الله...والله ناس ذى العسل وكلام اكثرمن ممتاز....احباضيف معلومة ان
1-طريق القطامية السرعة120بس اول متدخل القطاميةخليك على سرعة90لغايه متعدى الكارتة الاولى (البوابة) وبعد كدة امشى120ميش مشكلة وفى القطامية الردار ساعات قبل البوابة الاولى وبعد البوابة من15 -30كم .وبعد البوابة التانية امشى على90وبعد كدةحيبلك كمين سومد اربط الحزام انت ولو فية حد جابك لانهم ساعات بيغلسو انت كدة فى طريق عين السخنة والطريق اصبح رايح جاى وديق وخصوصا انه فى منحنايات كتير طول الوصلة لحدالزعفرانة والمسافة70كم وفية منحى خطر شوية لازم تعملة حساب قبل برتو السخنة لزم تهدى على الاخر وفية واحد زية اقبلية بشوية خلى بالك بس انت حتكون شايفة وبعد كدة الزعفرنة السرعة110 والمسافة 105لحد كمين راس غارب وانا ساكنا هناك لو فيه اى حاجة انا تحت امرك انا شغال مديرادارة فى الشركة العامة للبترول وبعد كدة الغردقةالمسافة150اكم السرعة110وذى متفضلوا الاخوة الكرام وشرحوا لك يبقى كدة كلة تمام وتروح وترجع لنا بالف سلامة .....وشكرا

**budokonta** · 07-07-2010 05:10 PM

و الله العظيم انتم احلى صحبة و شاكر افضالكم و يا ريت تستحملوا غلاستى يا ترى فى حد عنده فكرة عن قرية هناك اسمها ليلي لاند ( يعنى كويسة ولا ايه النظام؟)

**mohamed_selim** · 07-07-2010 05:34 PM

مسمعتش عنها قبل كده (بس ده مش معناه انها وحشه)
مقالولكش فين او جنب ايه؟

**budokonta** · 07-07-2010 05:51 PM

بعد المطار 6 كم طريق سفاجا

الموضوع: اسكندرية - الغردقة

LinkBack

أدوات الموضوع

عرض

-

-

-

المواضيع المتشابهه

فى الغردقة

يا اهالى اسكندرية اروح ازاى من اسكندرية لرشيد وطنطا

انا من حلوان وعايز اروح الغردقة طريق حلوان الكريمات الغردقة

محل في الغردقة

الغردقة

الكلمات الدلالية لهذا الموضوع

المفضلات

المفضلات

ضوابط المشاركة