المقدمة
شعار المقابلة
مكان التجمع : بنزينة شيل على طريق اسماعلية الصحراوي الساعة : 8
اتحركنا على الساعة 8 ونص واتوجهنا لقرية الشموسة في فايد
وصلنا بالسلامة ودخلنا القرية وكان عددنا 35 فرد , وقعدنا مع بعض كلنا لفترة عشان نتعرف على بعض وكان الكلام ده قبل صلاة الجمعة
واثناء التعارف شربنا قهوة عربي كنا جايبنها معانا .... ودي كانت البداية..
وبعد القهوة اتجهنا لصلاة الظهر وبعد الصلاة انطلقنا الي حمام السباحة وبدا منتخب كرة الماء بالتسخيييين
وانطلقت المباراة.... واول مرة اشوف كرة ماء اصول اللعب فيها قائم على تغريق الخصم المنافس هههههههههههههههه
وبصراحة استمتعنا جداااااا كنا عاملين شغل جامد في حمام السباحة .
وبعد كدة جه موعد الغدا كان على الساعة 4 تقريبا ....والاكل كان ممتاز والاحلى كانت لمتنا في المطعم.
وبعد الغدا جيه بقا وقت الحلو ..... كانت كما عودناكم في المقابلة الاولى ... تورتة فواكه وعليها شعار قسم نيسان واحتفلنا بنجاح المقابلة التانية وبالاخص احتفلنا بعيد ميلاد سبعاوي باشا اللي صادف عيد ميلاده نفس يوم المقابلة وعقبال مليون سنة يا خالد باشا
وبعد التورتة عملنا تكريم رمزي لكريم منير لدعمه للاعضاء والمنتدى بكل حب ومجهود وعطاء وافر ..
وكرمنا ايضا العضو المحترم حاتم فوزي لاجل تعاونه مع الاعضاء بكل ود وحب .
وبعد التكريم قمنا بتوزيع هدايا رمزية ( معطر للسيارة ) لكل عضو ودي حاجات بسيطة للتذكار ولو طلنا نهادي بلبن العصفور مش كتير عليهم لانهم اعضاء محترمين يستاهلو كل خير
بعد كدة اتجمعنا قدام الشاطئ وابتدت الاحاديث الودية بينا بوجود اسر الاعضاء والشباب وكانت القعدة كلها ضحك وسرد لمواقف مرت لكل واحد فينا .. وبجد حسيت اننا كلنا اسرة وحدة ونعرف بعض من زمااااان ..
ده غير انه ما انسيناش جو الطفولة وراحت مجموعة منا على المراجيح تتمرجح . ومجموعة اتمشت على الشاطئ الجو كان ساعتها تحفففففة ..... بجد كانت لحظات حلوة ..
وعلى الساعة 8 غادرنا القرية ولولا انه كان معانا اعضاء وراهم سكة سفر وعشان منتاخرهش ... كان القعدة مدت لساعات كمان لانه الصحبة الحلوة والله ما تتعوضش...
وطلعنا على الطريق اسماعلية وطبعا بما اننا بالاسماعلية بلد المانجة فكان لازم نوقف على الطريق نشتري مانجة...
وبكدة اسدل الستار على احلا مقابلة جمعت احلا ناس في المنتدى .... وبعد الرغي ده كله انا عارف انكم متشوقين للصور
اعرفكم على الاعضاء فى البداية
من عند السهم حنبتدى كل صف
محمد رماح - وائل ميجا - محمد مصطفى -محمد فوزى - د.عيد -محمد قاسم -احمد عادل -كريم - عمرو عباس -احمد سعد - محمد سليمان - احمد مصطفى - خالد عمر - محمد شنورى -وليد- كريم منير - بيشوى- حاتم فوزى- محمد علاء - احمد ابراهيم-مجدى رسلان - محمد قاسم
نبتدى بقا اليوم وكان كالاتى زى ما وصفت قبل كدا
تعليقي على الاعضاء
كل الناس اللي حضروا في منتهى منتهى الاخلاق والطيبة والاحترام
ولما تقعد معاهم تحس انك تعرفهم من زمان الصغير والكبير ما فيش فرق بينهم
الجديد في المقابلة دي انها كانت الاولى في المنتدى في تجميع كل من اسر الاعضاء واخواتنا العضوات في المنتدى
وحابب اوجه شكر خاص للاعضاء اللي شرفونا من اسكندرية وجم من اخر الدنيا
عشان يكونوا معانا وده بيدل ع اصالتهم وبيدل على هدف المقابلة وهو تاكيد وتعميق اواصر الصداقة والاخوة في المنتدى
وبكل امانة بكن ليكم كل احترام ....
محمد شنوري ووالدته : محمد انسان جدع جدا وانا اتشرفت بمقابلته وهو انسان تلقائي عفوي والضحكة
ما بتفارقش وشه ..واكيد حشوفك تاني..
وبصراحة والدة شنوري انسانة بمعنى الكلمة حسيت اني قاعد مع امي ...
اصيلة بنت بلد وتدخل القلب على طول ...
وان شاء الله دايما معانا ومنورانا وباذن الله نشوفك باسكندرية ونطمن عليكي....ربنا يخلي هالك يا محمد
غادة زكي والدتها : غادة انسانة طيبة جدا وعشرية وبمنتهى الذوق...
ووالدتها حبوبة جدا ومتحدثة وكلامها زي العسل ويدخل القلب على طول .. ربنا يخلي هالك يا غادة...
بسكوتة: وهي بسكوتة .. بنت بلد ودمها خفيف جدا .. وبجد حسينا انا والمدام انه كنا قاعدين مع اخت لينا...
ام حماس : اتشرفنا بمعرفتك وربنا يوفقك بمجال عملك ..ونشوفك على نجوم اف ام ههههههههه
على فكرة يا جماعة بسكوتة وام حماس عندهم قدرة عالية على الاقناع فنجحوا باقناع المدام بانها تنضم للعصابة
وابتدا شغل العصابات وربنا يستر........
رنا: فداكي مليون عربية المهم انك بخير وحمدالله على سلامتك ونورتينا في المقابلة
احمد سعد والدته : انسان هادي جدا وطيب فوق الوصف ووالدته ست فاضلة ونورتنا بقعدتها الجميلة ربنا يخلي هالك يا بو حميد....
بيشوي:حبيبي واخوي اللي بعتز وبصداقته انسان ابن ناس ومحترم جدا بتحب قعدته هو المدام بتعته ...
ربنا يخليهم لبعض فعلا انت ونعم الصديق وربنا يديم علينا المحبة
وياريت اشوفك قريب,
محمد علاء : الحمدالله صفينا الاجواء بينه وبين شنوري لانهم كانوا مستحلفين لبعض ههههههههه بهزر طبعا الاتنين اطيب من بعض
ومحمد علاء شخصية محترمة جدا واحلا حاجة فيه بساطته وتقديره وحبه للناس وبعتز بصداقتك جداااااااااااااااا
في حاجة مهم لازم نذكرها وهي شكر لكريم karater اللي جه وقعد معانا ساعتين ومشي ,
كتر خيره انه ضغط على نفسه وجه وقعد معانا رغم الظروف اللي عنده بجد انت انسان رائع وابن اصل ...
وايضا استاذ سامح skarem برضه بوجه له شكر لانه بعد ما اوصلنا القرية جه من القاهرة مخصوص
وحصلنا ولما وصل سلم علينا وقعد معانا لساعتين ومشي بالذمة ده نقول عليه مش انسان راااائع وجدع واصيل ..
شفتوا هدف المقابلة كان ايه ...؟؟ ترابط اعضاء .. محبة .. اخوة.. وصداقة بمعناها الحقيقي
وكمان شرفنا استاذ اسلام من الاسماعلية واستقبلوا استاذ حاتم
وماكنتش موجود ساعتها ومشي بسرعة من غير ما التقي بيه ..
بس ملحوقة باذن الله واكيد حتشرف بيه في اقرب وقت ونورتنا بجد,...
وكان منورنا الاستاذ الكبير الجليل المحترم خالد عمر سبعاوي هو واسرته وكان عيد ميلاده في يوم 7/2 يوم المقابلة
واحتفلنا بيه وكان منورنا كعادته وعايزينك يا بشمهندس تجيب نيسان صني تاني
طبعا كريم منير غني عن التعريف كان فاكهة المقابلة بذوقة وحضوره ..
وكل الناس بتحبك ونفسها ترد لك ولو شي بسيط من خدماتك وقفتك بجانب اعضاء المنتدى كأخ بيساعد من قلبه..
ربنا يوفقك في مشارعيك اللي جايه...
واخيرا شفت القلب الطيب اللي كل الناس بتحبه واولهم انا ..
وهو المهندس حاتم فوزي , تحس انه اخ لكل الناس اللي موجودة
, حاتم انسان طيب وجميل يدخل قلبك على طول واسرة نيسان بتكن له كل احترام وتقدير
محمد سليمان: ده بقى بنبوناية الرحلة عسوووولة جدا وطيب جدا جدا ,
فضل يلف القرية كلها عشان يدور على سكينة نقطع بيها التورتة وفي الاخر لما رجع لقى التورتة اتنسسسسسفت ههههههههههههه
بس شلناله نصيبه طبعا ...
محمد جدع جدا وانا بعتبره اخويا وربنا يديم المحبة بينا..
محمد قاسم maka ياااااااااااااه على طيبته وهدوءه وكسوفه حتى من نفسه ,
انا بعز الراجل ده بجد طيب طيب طيب ويارب دايما مع بعض يا محمد
محمد فوزي : لسة مستلم العربية الجديدة الف مبرووووك وربنا يديك خيرها ويكفيك شرها ,
محمد كان عنده برد وصمم انه يجي معانا ودي حاجة كبيرة لينا
وانا شخصيا بكنله كل احترام لانه انسان بمعنى الكلمة وبحس اني بتعامل مع اخويا ...
د عيد : ياه على جمال قلبه شخصية زي العسل وتحب تسمع له وهو بيتكلم انسان رائع
وعلى وشه الطيبة وبجد انا اتشرفت بيه ومستنين تقرير البلو بيرد زى ما وعدتنى..
محمد ابراهيم (يوكو) اتشرفت بمعرفتك ونورتنا وكان نفسي اخد لفة بالبتيناج بتاعه...هههههههههه
محمد قاسم damsary انسان طيب وجدع وهادئ ...
وبصراحة انهد حيله بنقل الكراسي للشاطئ عشان نكمل قعدة هناك , كلك ذوق يا محمد وسعيد بمعرفتك ...
استاذ مجدي : شخصية محبوبة جدا وله طابع خاص وانا بحترمه جدا وبقدره ويشرفني اني اشوفك تاني...
احمد عادل : يا خبر ابيض على الانسان ده اخ اخ بمعنى الكلمة وانا سعيد بمعرفتي بيه فعلا واكيد حنتقابل قريب يا احمد
عمرو عباس : الراجل ده هادي جدا جدا وعسل جدا وشرفتنا يا عمرو بوجودك
محمد مصطفى ابن بلد وجدع جدا ومعروف باخلاقه مع الناس وتواضعه وانا بعزك يا محمد جدااا
وائل ميجا : انا سعيد اني اتعرفت عليك شاب زي العسل خفيف على القلب جدا
وحسيت انه اخويا الصغير وباذن الله حشوفك قريب يا وائل مع مقابلة الهرم او الصحراوي اللي ممكن نعملها قريب
محمد رماح : ده عسل بجد وشاب طيب وخلوق باحترامه للناس ربنا يحميه ويوفقه بحياته
وبجد محمد انسان عزيز عليا وصديق رااائع
وانت عارف اني مقدرش استغنى عنك وعن ذوقك وان شاء الله تطمنا على نتيجتك ويكون وشنا حلو عليك
وليد وكريم : شرفتونا فعلا , وكنت وسطينا اخوة , واحلى حاجة حسينا معاكم اكننا نعرفكم من زمان وملحوقة المرة الجاية ياوليد
طالما انت مش بتعمل رجيم حجبلك عجل بحاله هههههههههه,وان شاء الله نتقابل قريب على خير تانى , وتحياتى ليكم
نبتدى بقا اليوم
كالآتى زى ما الصور هتوضح
نلقاكم بعد الصور
صور اثناء التجمع
فيديوهات التجمع
_
_
[youtube]http://www.youtube.com/watch?v=DVDzyRl0W1k&feature=player_embedded#![/youtube]
_
_
_
[youtube]http://www.youtube.com/watch?v=L27J-NgWuys&feature=player_embedded[/youtube]
-
-
-
-
[youtube]http://www.youtube.com/watch?v=T_Z6Nsj_P-0&feature=player_embedded[/youtube]
_
_
_
صور المقابلة موجودة فى الصفحة رقم
1_2_5_6_7_8_9
اللى يحب يحمل مجموعة الصورة كاملة
ده لينك فى ملف مضغوط بالمجموعة كاملة
المفضلات