الموضوع: هام بخصوص التوكيل منصور وياريت من كل عميل لدي منصور الدخول

عاملة 13500 كيلو ... اوبترا موديل 2010 مانيوال

جوه الضمان بالثلث

طيب انا لما اقدم شكوى اقول على اللي حصل كله ... هل ممكن احدد ميعاد المهندس بتاع جينرال موتورز يشوف العربية أحسن وهو اللي يقرر ولا مينفعش ...

المشاركة الأصلية كتبت بواسطة anonasad

طيب انا لما اقدم شكوى اقول على اللي حصل كله ... هل ممكن احدد ميعاد المهندس بتاع جينرال موتورز يشوف العربية أحسن وهو اللي يقرر ولا مينفعش ...

حضرتك لما تقدم شكوي لو انت مستجل معاهم يراجع بيانات ويسجلها لو مش متسجل واول مره تتكلم هاياخد من حضرت البيانات كلها حضرتك هاستجلها وتقولهم كل اللي حصل معاك بالحرف وتبقي تقولي علي البيانات وانا هاتابع معاك وهايقول لحضرتك انتظر 48 سااعه للرد ودا الوقت اللي بتاخده الشكوي علي مانبعتها للادره وبعدين نرجع نتابع مع حضرتك لو ماحدش رد انا هابعت الشكوي بتاعت حضرتك في ميل لوحده للمركز وللاداره وهنا انا باخد عليها رد في 24 سعه وبيتم تبليغ حضرتك بيه وانا معاك خطوه بخطوه ويا نجيب حقك يا اما تدعي عليا بقي
انا بحاول اساعدكوا يا جماعه لان دا حقكم كلكم وفيه حاجه اسمها ضمان
وان شاء الله خير

المشاركة الأصلية كتبت بواسطة gabrial

في حالة إن العربية عملت حادثة أثناء النقل أو التجربة ،المفروض العربيات متأمن عليها ،لو حادثة جامدة تقريباً تتباع في مزاد ،لو حاجة ممكن تتصلح التوكيلات بتوزع العربيات ده على العاملين فيها بتسهيلات ذي كيا مبتعمل ،لو هتتباع العميل يبقى تصارحه و تخفض السعر مش تبعولوه العربية كانها سليمة تماماً بنفس السعر و العميل يكون ليه حق الاختيار .
موضوع الخدش و الحاجات البسيطة ده بتفسد فرحة العميل ،و ممكن كنت تتعمل بسهولة بحاجة ذي البولش أو الكومبود و أكيد الموضوع سهل بالنسبة التوكيل ،كان ممكن يراجعو العربية قبل ما العميلة تيجي و يعملها ،كان الموضوع هيكون بسيط .

حضرتك مردتش على كلامي يا أستاذ محمد .

شكراً ليك يا أستاذ محمد على ردودك ويارب المشاكل دي تتحل ...

المشاركة الأصلية كتبت بواسطة gabrial

حضرتك مردتش على كلامي يا أستاذ محمد .

انا اسف جدا بس بجد الردود كتير وانا مش مش ملاحق اشوف ولو تلاحظ علي قد ما اقدر برد علي كل مشاركه كلام حضرتك صح طبعا
بس فيه نقطه
الموزعين بتوعي انا ما اقدر احكم عليهم ودا بواقع التجربه لاني اشتغلت مده سنه سيلز في معرض سيارات كبيييييييييييييير وعارف خبايا كتير
اولا العربيه مابتخرجش من منصور الي الموزع لا والموزع دافع تمنا بالكامل يعني العربيه بقت بتاعت الموزع ممكن ودا وارد ان السواق بتاع المعرض يخبطها وهنا المعرض مش بيرجع للتوكيل علشان هايدفع فلوس وهو طبعا فاتح علشان يكسب فبيصلح العربيه في اي ورشه خارجيه وبيبيعها للعميل وفي بعض الموزعين للمنصور تم الكشف عن كذا حاله مشابه وتم سحب التوكيل منهم بس باقي المعارض منصور مش هايقدر يعملهم حاجه وحتي الموزع خلاص لان العميل بيبقي اشتري السياره ودي حاجه راجعه للامانه بتاعت المعرض ودي حاجه بتحصل في كل العربيات مش منصور بس وفي معارض مصر كلها وانا اسف اني بقول في معارض مصر كلها لاني لمست الحاجه دي بالفعل وكمان ساعات في بعض الخدمات في المعرض زي مثلا بيقول للعميل اننا هانرخصلك العربيه وحضرتك هاتستلم عند الترخيص ودا بيحصل كتير في حاله لو العميل شاري العربيه قسط ممكن السواق يخبط العربيه في المرور وهو بيرخصا وهنا المعرض عمره مايرجع للتوكيل علشان عنصر الوقت وبيعملها بره وانا شوف دا في المعرض في عربيه كيا سيراتوا اول ما السيراتو نزلت وللاسف العميل خد العربيه وهي راشه باب بالكامل
انما السيارات اللي في منصور اللي بتتخبط انا مش عارف بالضبط سياسه الشركه في الحالات دي بس اول ما اعرف هاقولك علي طول

مع اني مش عميل من عملاء منصور
لكني مبسوط اوي ان لسة في ناس من داخل التوكيلات بتفكر كدا
لسة في ناس بتحب توضح و تفهم الناس و تتناقش

تحياتي لك