الموضوع: هام بخصوص التوكيل منصور وياريت من كل عميل لدي منصور الدخول

المشاركة الأصلية كتبت بواسطة negmelpahr

انا ماععنديش مانع في اننا نبعت المواضيع لجينرال موتورز بس الننظريه ان في خطوات قبل التصرف بمثل هذا النوع اللي عنده مشكله يكتبها وهانحاول نوصل لحل مانفعش خلص ابعت بس البعت دا ما اعتقدش انه هايصلح العربيه
يا باشا الاداره في وااااااااااااااااااااادي ولصيانه في وادي تاني وان عارف الردود اللي بتوصل من مركز الصيانه للاداره لاني مع الاسف بستقبل ردود المركز وبتبقي ردود جافه لانهاا عن طريق الميل واللي بيكت ميل تحس انه بيجري عايز يكتب اي حاجه وخلاص بس كل مشكله وليها حل يعني واحده واحده مع بعض وانا معاكم هاقولكم علي الخطوات والناس اللي تقدروا تروحلهم في الصيانه لحل المشكلات دي
وياسيدي لو عايز تبعت انا تحت امركو ومش هاشيل اسمي من الموضوع ولا حاجه ويلا نبعت بس هانبعت نقول ايه عايزيزن نعرف هانقول ايه بالضبط

هانقول التالى
السيد العضو المنتدب
نظرا لانك بعيد جدا عن موقع العمليات و خدمة ما بعد البيع و الصيانة و واضح انك لا تعلم كم السيارات التى خسرتها الشركة بيعيا لعدم رضاء العملاء الحالين من الخدمة فبرجاء قراءة المواضيع التالية التى هى من عملاء دفعوا للشركة الوف الجنيهات و يسستحقون خدمة جيدة و ضمان فعلى فربما تكون هذة المواضيع سبب فى انقاذ سمعة شيفورلية فى مصر
و ياريت تجيب ارقام استيراد السيارات الخليجى ربما تتأكد من المشكلة
مع العلم ان السيارات مثل الاوبترا و الاسبارك هى سيارات جيدة جدا ولاكن خدمة الضمان سوف تعرف مشاكلها من المواضيع التى سوف نتركك الان لقرائتها
و تقبل و افر الاحترام
اعضاء منتدى نايل موتوز قسم شيفورلية

مافيش مشكله وممكن نظبط الكلام دا لو عملنا اجتماع للاعضاء كلهم وانا اول واحد

المشاركة الأصلية كتبت بواسطة negmelpahr

مافيش مشكله وممكن نظبط الكلام دا لو عملنا اجتماع للاعضاء كلهم وانا اول واحد

ايدى على كتفك

ممكن سؤال يا استاذ محمد نعرف حضرتك مكلف من الشركة فى المشاركة فى الموقع ولا دة تطوع ولو فى مشكلة فى العربية ارجع لحضرتك حتفدنى فنيا ولا اعمل اية

المشاركة الأصلية كتبت بواسطة negmelpahr

انا اسف ان دا حصل معاك بالنسبه انك تدخل المركز وتشوف سيارتك مركونه وماحدش جيه جنبها ويقولولك الصيانه خلصت انا مصدقك فيها جدا بس اعتقد ان المشكله دي اتحلت دلوقتي

معلش يعني ايه حضرتك تمضي انك مش عايز تعمل زوايا وعفشه وتمضي وتاكد علي دا لمجرد ان المهندس قال لحضرتك انه ماينفعش النهارده لا بقي ينفع بس اكيد حضرتك كنت في التوكيل بعد 11 بس طبعا المفروض لو ماينفعش كان يقول لحضرتك قبل ما يستلم السياره في حاجه تاني
اي عميل عنده مشكله في السياره لازم يتاكد ان المشكله اتكتبت في امر الشغل يعني مثلا حضرتك رايح تعمل صيانه دوريه والمهندس خد منك السياره وماكتبش اي مشكله في امر الشغل للاسف مش هاتتعمل لان السياره بيستلمها كذا حد جوه واي حد لما يستلم السياره بيبص علي امر الشغل ويعمل اللي فيه
حضرتك في مثل هذه الحالات في المهندس مجدي سالم ممكن تتوجه ليه في المركز وتحكيلي علي الموقف وماتمشيش غير لما تنحل المشكله او علي الاقل تاخد ميعاد تاني تيجي تعمل فيه كل العيوب اللي في السياره
ويريت ماحدش يسكت عن حقه للاسف في بعض المهندسين عديمي الضمير كل شغلهم اقبل ودخل غيره
انا بعتذرلك تاني وشكوي حضرتك دي متكرر من اكثر من عمل علشان كدا ان مصدق حضرتك
ياريت حضرتك تروح الهرم مره تانيه اليويمن دول في حمله صيانه وهم هايظبطوا العربيه بس وانت علي البوابه بتبلغ انك جاي تصلح اعطال وماتسلمش العربيه غير وكل الاعطال مكتوبه في امر الشغل وان شاء لله هاتتصلح
اما بالنسبه لموضع ان حضرتك كل مره بتيجي تدفع فلوس صيانه دوريه فديه صيانه ليها مقابل يعني حضرتك بتعمل صيانه في التوكيل يعني ليها سعر حتي بي ام لو رحت لمجرد انهم خدوا السياره يغيروا زيت في صيانه ال 10000 هاتدفع تمن الصيانه بالكامل انا مش بتناقش في الاسعار انما في المبدا انما لو السعر غالي او رخيص دي مساله نسبيه ومش هاقدر اساعد فيها

اولا بشكر حضرتك جدااا لردك وزوقك ...
بلنسبة لموضوع انى امضى على انى راضى تمااام عن انى الغى الكشف على العفشة والزوايا !!! كان للاسباب الاتية ..
اولا : بما انى اتلسعت اول مرة فى صيانة ال 5.000 لانى روحت من غير ما اقول الشكوى لما بلغت الكول سنتر بلتليفون مقولتش انا بشتكى من اية ؟؟ لانى استنتجت بديهى جدا انى لما هروح هلاقى حد يسمعنى !! بس دة محصلش ولما روحت اول صيانة ابتديت افضفض مع المهندس المختص كان ردة كلتالى .. انى مقولتش على العيوب لما جيت احجز ودة كلة الى بتحكية مش هيتعمل ولا هيتم فية حاجة نهاائى لان هنا بلدور !! وكل طلب بيكون معمول حسابة ف الصيانة علشان وقتنا ميضعش مع كل عميل حابب يخترع او يفتكس عيب ف العربية !! فقولت امرى لله واعمل صيانة دورية وانا الى غلطان حااااضر ووافقت !! الغريبة ان اول صيانة العربية لما كانت بتحدف المهندس المحترم قالى الزوايا على حسابك !! لانها برة الضمان ؟؟ وافتكر ان ساعتها كانت التكلفة 70 جنية لضبط الزوايا فقط !!!
المهم عملت الصيانة الدورية ومشيت ...
تانى صيانة بقى ولانى الى اتلسع من الشربة بينفخ ف الزبادى لما طلبت الكووول سنتر بلغت عن كل حاجة وسألت هل دة بيعتبر امر الشغل قالو ايوة
روحت وانا حاتط ف بطنى بطيخة صيفى علما بأن المعاد تقريبا كان بعد اسبوعين من تاريخ الطلب !! رضيت بللامر لان اعتقد ان مشاكل هتتحل وان كانت بسيطة بلنسبة للتوكيل فأنها كبييييرة جدااا ليا خصوصا انها اول عربية ف حياتى ..
وزى ما حكيت لحضرتك رايح وكلى ثقة واحط صباعى ف عين التخين بقى منا مبلغ قبليها بأسبوعين
الاقى رد المهندس زى ما قولت لحضرتك كدة الوقت ضيق جداا ولو عاوز نعملهالك (( اسمع دى بقى )) علشان نعملهالك لازم العربية او هتضطر تبيت العربية لتانى يوم ههههههههه قولتلة نعم ؟؟
قالو لو مش عاوز بلاش بس انا مش هقدر ادخلهالك غير صيانة دورية وبس غير كدة مينفعش ؟؟؟
طب منا مبلغ يا جدعاااان وقايل على كل حاجة ولا حياة لمن تنادى واجبرنى انى امضى ان العميل بناااء على طلبة :) هوة الى بذااااااااات نفسة الى رافض انة يعمل عفشة او زوايا !!! ولما اكتشفت كدة سألتة اية دة قالى انا بخلى مسؤليتى ؟؟ من الاخر بيظبط نفسة علشان لو اشتكيت
عرفت حضرتك سبت حقى لية علشان مروحش من غير عربية او يتحددلى معاد بعدها بأسبوع كمان علشان المشاكل دى .......
بمناسبة بقى انى لازم اكتب مشاكلى ف امر الشغل ف دة حصل يا فندم بس للاسف المهندس كان بيجادلنى حتى ف العيوب ومش بيرضى انة يكتبها زى العفشة مثلا !! بيقولى مفيهاش حاجة وهوة بيكلمنى ولا لمس العربية حتى وبيقولى من غير شكوى كدة كدة هيشحموها جوة مع الصيانة وكنت لما اتكلم عن اى حاجة كانت الردووود جااهزة جدااا معاة وكأنى جاى بستهبل على التوكيل علشان اخد عربية جدية :)
انت متخيل حضرتك زيارة فرع الهرم بتضيع يوم كااامل للعميل !!!
متخيل لما لمبة الماتور تطلع العربية منورة بيهاا من الورشة الرئيسية لمنصور نفسة ويكون الحل والتصرف منهم اية تخيييييييييييل ؟؟؟؟؟؟؟؟؟
تخلت ورا العربية لاقتهم بيمسحو البرنامج بلكمبيوتر بتاع العربية وبينزلة من اول وجديد علشان العيب يختفى ويدى قرائة صحيحة من غير حتى ما يبص على العربية ؟؟؟؟؟؟؟؟؟؟
متخيل الحلول لتوكيل محترم ف حاجة ممكن تكون خطر على حياتى والعربية ؟؟؟ نتيجة سوء صيانة اتحملها انا وادفع تمنها
وف الاخر لما سألت العيب منييين طيب كدة بنضحك على بعض يكون الرد من المهندس لالالا متقلقش دى شوية مية وهتنشف !!!
عموما انا طلوت عليكى بس بجد بحكى يمكن حد يستفيد ..
بس السؤال دلوقتى انا بقالى مرتين صيانة مش بروح وبغير زيت برة وبكشف على العربية وتمام الحمد لله وراضى ومستريح وف نفس الوقت خايف الضمان يروح منى لان لسة ادامى فية سنة تقريبا .. انا مش معترض على تمن اليانة الدورية ولو كانت ازيد من كدة كنت هدفع طول ما انا مطمن على العربية تماام هدفع والله بس المشكلة انى زى ما قولت لحضرتك شغل فهلوة ميتعملش ف ورشة بلدى والغريبة انى كنت كل ما بروح بلاقى مشاكل وزعييق وخناقات جامدة هناا ف عرفت انى مش لوحدى كدة ودة كان استنتاجى ولما دخلت المنتدى لاقيت كمية شكاوى من اعضاء لا توصف ف رضيت بللامر الواقع ...
بس عاوز اعرف انا كدة خرجت برة الضمان ولا لو رحت عملت صيانة دورية ودفعت المصنعية كدة مش هخصر الضمان ولا خلاص ؟؟ ياريت تفدنى ف النقطة دى لانى عاوز اروح حتى ادفع تمن الصيانة الدورية واهو 150 جنية مش مشكلة اهو بشترى بيهم ضمان لو لا قدر الله حصل حاجة ولاونى عارف مسبقااا مش هاخد حاجة بس اهو مجرد راحة نفسية بس مش اكتر !!!
ومتشكر جدااااااااااااااااااااااا اااااااا لرد حضرتك عليا

عاوز أعرف عيوب شيفرولية لانوس الكاملة

المشاركة الأصلية كتبت بواسطة sherif_hti

ممكن سؤال يا استاذ محمد نعرف حضرتك مكلف من الشركة فى المشاركة فى الموقع ولا دة تطوع ولو فى مشكلة فى العربية ارجع لحضرتك حتفدنى فنيا ولا اعمل اية

متطوع ي فندم

اخي العضور العزيز hulk ان شاء الله كل المشاكل اللي حضرتك قولتها دي هاتتحل
ولو ركزنا شويه هنلاقي ان المشاكل دي كلها سببها ضغط الوقت مش اكتر علشان كدا المركز بقي في فتره عمل اضافيه لحد الساعه 11 ونص باللل علشان مايتكررش مع حضرتك دا
المشكله التانيه قبل كدا ان العميل المفروض اللي عنده مشكله في السياره المفروض ان يتم حجز ميعاد الصيانه له قبل الساعه 11 صباحا كي يتعمل عمل جميع الاصلاحات
بس بعد كدا ان شاء الله اللخبطه دي كلها هاتتحصل بس واحده واحده الدنيا ماشيه اهي
بالنسبه لموضوع الصيانه ياريت حضرتك تنتظم في الصيانه حتي لاتتعرض الي فقد الضمان
مش عايز اقول انك لو فوت صيانه واحده العربيه بتخرج بره الضمان
بس ان شاء الله مافيش مشكله انت ممكن تحجز الصيانه اللي بعدها ولو حصلت مشكله ممكن ترجعي وان شاء الله هاساعدك