الموضوع: هام بخصوص التوكيل منصور وياريت من كل عميل لدي منصور الدخول

شكراً على اهتمامك يا أستاذ محمد ،ربنا يكرمك ،موضوع خدمة ما بعد البيع ليه عامل أساسي في قرار شراء العربية ،فلما الموضوع يكون الشكوى فيه جماعية كدة لازم المقبل على الشراء يتراجع و يشوف عربية تانية ممكن مايكونش مقتنع بها بس التوكيل بتاعها مريح في التعامل و كلامي مش كلام مرسل ده تجربة أنا حالياً فيها ،أنا مثلاً عايز أجيب اوبل استرا و مقتنع جداً بها كسعر و مواصفات بس بعد الكلام اللي بيقال هنا من ناس يشهد لها بالمصداقية و الامانة ابتدت أشوف بدائل تانية مش مقتنع بها ذي الاسترا ،و ناس تانية مثلي كتير ،فلازم الموضوع دة يكون ليه حل عشان المتضرر الاكبر هيكون الوكيل ،العميل هيجيب عربية تانية توكيلها يريحه ،أنا طبعاً كلامي مش موجة لشخص حضرتك، طبعاً لك كل الاحترام و التقدير على مبادرتك .شكراً و تحياتي .

طبعا يا باشا كلامك صح مليون الميه اي حد هايعمل كدا انا لو في مكانك هاعمل كدا بس حضرتك لو ابتدينا نجمع الشكوي اللي من التوكيل هل هي شكوي من مراكز الصيانه كلها ولا من مركز واحد هل هي من كل السيارات ولا من سياره واحده هل المشكله في سياسه التوكيل ولا دي مشكله في الناس للي في المركز ولا دي مشكله فرديه مع العميل بس ول ايه عارف لو بصينا لكل مشكله وعايز فعلا نحلها هانحلها انا معاك انك تفكر في سياره تانيه بعد الكلام اللي اتقال علي التوكيل ونفس الكلام اللي خلي حضرتك تفكر في شراء سياره تانيه هو نفس الكلام اللي خلاني اكتب الموضوع دا ومافيش توكيل مافيهوش مشاكل واكيد الناس اللي بتيجي الصيانه مش كل مره بتمشي زعلانه ولو مشيت زعلانه مشيت ليه زعلانه يعني هل منصور مثلا قاصد انه يزعل الناس ولا هو فاتح التوكيل وبقي منصور للسيارات والتعذيب ههههههههه والله بضحك بس كلامي دا مش بينفي ان فيه مشاكل
بس المشاكل بتتحل وفعلا في اساليب جديده لحل الماشكل دي وفي حاجات كتير ماكانتش موجوده وبقت موجوده بس انا مش هاحرقها كلها مره واحده

معك إن مفيش مكان كامل مفهوش عيوب, هي أغلب المشاكل بتكون في المراكز الرئيسية و بيكون سببها مثلاً عيوب صناعة أو عيوب في بعض العربيات بدون ذكر أسماء .،أنا هدي حضرتك أمثلة من المشاكل اللي مخوفني،معنا هنا أخ فاضل جايب عربية اوبل و بعد فترة إكتشف انها عملة حادثة و متصلحة و أخونا دة أنا أثق في كلامه تماماً و ذي أخويا ،دة كلام بردو ،عارف حضرتك بقولي إيه لم عرف اني عايز اجبها قالي لو جبت الاسترا خد معك صنيعي يكشفلك عليها ،ليه أنا رايح أجيب عربية زيرو ولا مستعمل ،حاجة تانية لو في عيب صيانة دايماً العميل صراحة بيتعب و دة يقلق جداً ،و الموضوع مش هيفرق مع الشركة في حاجة ،مش المفروض الشركة الام بتشل الموضوع ليه العميل يتعذب ،أرجوك ماتزعلش من كلامي ،قولي بقى على مركز صيانة كويس في القاهرة عشان لو جبت العربية اتعامل معه و يكون على ضمنتك.

حضرتك يا أستاذ حسام عندي مشكلة في عربيتي ان غطا التاكيهات بتاع عربيتي الاوبترا 2010 بيجيب زيت ورحت مركز الصيانة في العبور 20 مرة مرة يربطو عليه ومرة يفكوه لغاية ما غيروا الجوان بس من غير غطا ... بعد كده الحوار زي ما هو راحوا قايلين ليا روح مركز الهرم وهناك في الهرم قالولي لازم تجيب امر الشغل اللي اتعمل بيه العربية وامر الشغل ده داخلي في مركز صيانة ابو غالي العبور ... أعمل ايه بقا

عربيتي لسه في الضمان ومش انتوا بتقولو معتمد طيب فين بقا الشبكة اللي بين الفرع الرئيسي و باقي الفروع المعتمدة ...

المهندس اللي في الهرم قالي احنا هنا حاجة ومركز ابو غالي حاجة تانية .... ايه رأيك في الكلام نروح جهاز حماية المستهلك بقا ولا ايه ...

المشاركة الأصلية كتبت بواسطة gabrial

معك إن مفيش مكان كامل مفهوش عيوب, هي أغلب المشاكل بتكون في المراكز الرئيسية و بيكون سببها مثلاً عيوب صناعة أو عيوب في بعض العربيات بدون ذكر أسماء .،أنا هدي حضرتك أمثلة من المشاكل اللي مخوفني،معنا هنا أخ فاضل جايب عربية اوبل و بعد فترة إكتشف انها عملة حادثة و متصلحة و أخونا دة أنا أثق في كلامه تماماً و ذي أخويا ،دة كلام بردو ،عارف حضرتك بقولي إيه لم عرف اني عايز اجبها قالي لو جبت الاسترا خد معك صنيعي يكشفلك عليها ،ليه أنا رايح أجيب عربية زيرو ولا مستعمل ،حاجة تانية لو في عيب صيانة دايماً العميل صراحة بيتعب و دة يقلق جداً ،و الموضوع مش هيفرق مع الشركة في حاجة ،مش المفروض الشركة الام بتشل الموضوع ليه العميل يتعذب ،أرجوك ماتزعلش من كلامي ،قولي بقى على مركز صيانة كويس في القاهرة عشان لو جبت العربية اتعامل معه و يكون على ضمنتك.

هو الراجل اللي اشتري الاسترا دي اشتراها من معرض من معارض منصور ولا معرض تاني ياريت تقولي

المشاركة الأصلية كتبت بواسطة negmelpahr

هو الراجل اللي اشتري الاسترا دي اشتراها من معرض من معارض منصور ولا معرض تاني ياريت تقولي

اشتراها من منصور ,هي فيكترا مش استرا .

المشاركة الأصلية كتبت بواسطة anonasad

حضرتك يا أستاذ حسام عندي مشكلة في عربيتي ان غطا التاكيهات بتاع عربيتي الاوبترا 2010 بيجيب زيت ورحت مركز الصيانة في العبور 20 مرة مرة يربطو عليه ومرة يفكوه لغاية ما غيروا الجوان بس من غير غطا ... بعد كده الحوار زي ما هو راحوا قايلين ليا روح مركز الهرم وهناك في الهرم قالولي لازم تجيب امر الشغل اللي اتعمل بيه العربية وامر الشغل ده داخلي في مركز صيانة ابو غالي العبور ... أعمل ايه بقا

ان شاء الله مافيش مشكله طيب حضرتك اكيد معاك فاتوره خرجت بيها من المركز والفاتوره دي ليها رقم خدها ورح المركز ولو مش معاك طيب ماتخلي مركز الهرم يكشف عليها كان لسه مكتشف العيب دلوقتي وشوف مركز الهرم هايقول ايه