الحمد لله .....استلمت ......ورخصت .......الساجا

أولا بسم الله الرحن الرحيم

الحمد لله النهارده روحت فرع عز العرب مدينة نصر استلمت عربيتى الساجا سوده ومانيوال وطلع معايا المندوب على المرور رخصنا والحمد لله كل حاجه تمام
بالنسبه بقى لملاحظاتى على العربيه فى الكام كيلو اللى مشيت فيهم هى طبعا كانت عامله حوالى 70 كيلو ولما خلصت مشاويرى عملت حوالى 110

العربيه بسم الله ماشاء الله ناعمه اوى على الطريق من حيث العفشه يمكن صوت الماتور عالى شويه وحسيت انها مخنوقه شويه بس يمكن عشان لسه الماتور مفتحش

الفتيس تقيل شويه فى نقلاته مش عارف ايه السبب بس لما سالت اتقالى ان ده طبيعى فى الاول ولسه الفتيس حينعم معاك

الباور هايل بصراحه والتحكم فى العربيه ممتاز:verygood:
التكييف زى الفل

يمكن اكتر نقطة ضعف فى العربيه هى دهانها اللى خفيف اوى مش عارف بصراحه بتوع ماليزا مستخسرين كيلو بويه كمان لكل عربيه يشبعوها طب كانوا قالولنا ونحاسب احنا على الكيلو ده

بالنسبه بقى للسنسور بارك صوته واطى اوى مش عارف هل الكل عنده كده ولا اللى عنده صوته رايح ولا ايه ياريت حد يجاوبنى فى النقطه من ملاك الساجا ؟:36_1_31::36_1_31:

اخيرا بقى محدش يعرف الساعه بتظبط منين لانها مظبوطه على توقيت ماليزا وعايز اعملها على توقيت حدائق القبه ؟:shyy:
وطبعا يجماعه مينفعش انسى الجدعان اللى كانوا متابعين معايا على طول سواء كان ايمن اللى عذبناه معانا عشان نستلم عربياتنا انا وزمايلى وكان متابع معانا خطوه بخطوه اكتر من التوكيل نفسه او طبعا استاذ عمرو اللى مكنش بيتاخر علينا فى اى حاجه
بجد الف شكر للناس دى

وان شاء الله نوافيكوا بالاخبار لاحقا

مبروووووووووووووووك يامحمد اخيرا الساجا باتت فى حضنك

صبرت ونولت والله

بالنسبه للسنسور بارك هو عندى صوته واضح وبركن عليه باستمرار
وبالنسبه للساعه لما اشوفك ابقى اظبطهالك ان شاء الله

عاوز اشوفك انت والعروسه قصدى انت والساجا قريب

اقتباس:

---

المشاركة الأصلية كتبت بواسطة ahmedfathi

مبروووووووووووووووك يامحمد اخيرا الساجا باتت فى حضنك

صبرت ونولت والله

بالنسبه للسنسور بارك هو عندى صوته واضح وبركن عليه باستمرار
وبالنسبه للساعه لما اشوفك ابقى اظبطهالك ان شاء الله

عاوز اشوفك انت والعروسه قصدى انت والساجا قريب

---

الله يبارك فيك ياابوحميد واحشنى والله وياريت نتقابل قريب باذن الله ونقعد مع بعض شويه

تفتكر الصوت واطى عندى ليه مشكلة فيوز ولا ايه ؟

اولا الف مبروك يا معلم مبروك عليك الرائعة ومبروك علينا انت
ثانيا بالنسبة للسنسور هوة لا واطى اوى ولا عالى اوى صوتة معقول يتسمع بس اهم حاجة تكون موطى الكاسيت
ثالثا بالنسبة للساعة هات عداد الكيلو وافضل دايس على الذرار الى بتجيب منة عداد الرحلات لمدة 3 ثوانى هتلاقى الساعة بقت تروح وتيجى ظبت الساعة بعدين سيبها 3 ثوانى هيتحول على الدقايق ظبط الدقايق وفى الاخر هيقولك اهلا بيك فى توقبت حدايق القبة (اجدع ناس)
رابعا بسرعة يا معلم خش سجل معانا
الى كل مالكى الساجا خش وسجل رقمك
خامسا لو فى اى حاجة عايزة اتصل نصل

الف مبروك ربنا يباركلك فيها

1000 مبروك و ربنا يحفظهالك

1000 مبروووك وربنا يباركلك فيها ويحفظها

1000 مبروووك وربنا يباركلك فيها

الف مبروك
انا معايا السينسور بارك صوته كويس وعالى
وانا معاك ان فعلا طبقة الدهان تحس انها خفيفة بس يعنى مفيش حاجة كاملة الكمال لله
والفتيس فعلا تقيل انا معايا بقالها اربع ايام وحاسس انه تقيل بس بيقولوا بيخف مع الاستخدام والصيانة

يانا كان ليا سؤال انا اشتريت من موزع وكتاب الصيانة لاقيت فيه بيقول انك لازم تختم اول ماتشترى العربية فهل لازم اروح التوكيل اختمه ولا ممكن مع اول صيانة ومش لازم اروح دلوقتى ؟؟؟

الف مبروك يا باشا انا بفكر اجيبها تنصحنى بيها ولا ايه مع العلم انى جديد فى السواقة لسى وشكرا والف مبروك مرة تانية

اقتباس:

---

المشاركة الأصلية كتبت بواسطة vsaga

الف مبروك
انا معايا السينسور بارك صوته كويس وعالى
وانا معاك ان فعلا طبقة الدهان تحس انها خفيفة بس يعنى مفيش حاجة كاملة الكمال لله
والفتيس فعلا تقيل انا معايا بقالها اربع ايام وحاسس انه تقيل بس بيقولوا بيخف مع الاستخدام والصيانة

يانا كان ليا سؤال انا اشتريت من موزع وكتاب الصيانة لاقيت فيه بيقول انك لازم تختم اول ماتشترى العربية فهل لازم اروح التوكيل اختمه ولا ممكن مع اول صيانة ومش لازم اروح دلوقتى ؟؟؟

---

لا عادى ممكن مع اول صيانة بتروح لاستاذ محسن صالح وهوة بيختمة

اقتباس:

---

المشاركة الأصلية كتبت بواسطة ahmedsm

الف مبروك يا باشا انا بفكر اجيبها تنصحنى بيها ولا ايه مع العلم انى جديد فى السواقة لسى وشكرا والف مبروك مرة تانية

---

انصحك وبكل شدة انك تشتريها
فعلا عربية ممتازة وكلمة ممتازة قليلة عليها كمان
وبالنسبة للخصم بتروح لفرع الصحراوى لاستاذ محسن صالح (الخصم 900 جندى)
ولو عايز اى حاجة اتصل بى
محمد عماد 0122841392

الف مبروووووووك يا موشو

وربنا يباركلك فيها
ويديك خيرها ويكفيك شرها

ويباركلنا كلنا فى عربياتنا
اللهم اميييييييييييين

اقتباس:

---

المشاركة الأصلية كتبت بواسطة mo7hamedemad

انصحك وبكل شدة انك تشتريها
فعلا عربية ممتازة وكلمة ممتازة قليلة عليها كمان
وبالنسبة للخصم بتروح لفرع الصحراوى لاستاذ محسن صالح (الخصم 900 جندى)
ولو عايز اى حاجة اتصل بى
محمد عماد 0122841392

---

متشكر جدا لردك وان شاء الله هكلمك باذن الله

اقتباس:

---

المشاركة الأصلية كتبت بواسطة mo7hamedemad

اولا الف مبروك يا معلم مبروك عليك الرائعة ومبروك علينا انت
ثانيا بالنسبة للسنسور هوة لا واطى اوى ولا عالى اوى صوتة معقول يتسمع بس اهم حاجة تكون موطى الكاسيت
ثالثا بالنسبة للساعة هات عداد الكيلو وافضل دايس على الذرار الى بتجيب منة عداد الرحلات لمدة 3 ثوانى هتلاقى الساعة بقت تروح وتيجى ظبت الساعة بعدين سيبها 3 ثوانى هيتحول على الدقايق ظبط الدقايق وفى الاخر هيقولك اهلا بيك فى توقبت حدايق القبة (اجدع ناس)
رابعا بسرعة يا معلم خش سجل معانا
الى كل مالكى الساجا خش وسجل رقمك
خامسا لو فى اى حاجة عايزة اتصل نصل

---

الله يبارك فيك ياجميل وبشرفنى طبعا انى ابقى سجاوى
ومتشكرين على تظبيط الساعه العلم نور برضه :rolleyes2:

اقتباس:

---

المشاركة الأصلية كتبت بواسطة vsaga

الف مبروك
انا معايا السينسور بارك صوته كويس وعالى
وانا معاك ان فعلا طبقة الدهان تحس انها خفيفة بس يعنى مفيش حاجة كاملة الكمال لله
والفتيس فعلا تقيل انا معايا بقالها اربع ايام وحاسس انه تقيل بس بيقولوا بيخف مع الاستخدام والصيانة

يانا كان ليا سؤال انا اشتريت من موزع وكتاب الصيانة لاقيت فيه بيقول انك لازم تختم اول ماتشترى العربية فهل لازم اروح التوكيل اختمه ولا ممكن مع اول صيانة ومش لازم اروح دلوقتى ؟؟؟

---

الله يبارك فيك ياباشا وربنا يحفظلك عربيتك وعربيات الناس كلها
وبالنسبه لموضوع الضمان زى ماقال محمد عماد كده بالظبط

اقتباس:

---

المشاركة الأصلية كتبت بواسطة ahmedsm

الف مبروك يا باشا انا بفكر اجيبها تنصحنى بيها ولا ايه مع العلم انى جديد فى السواقة لسى وشكرا والف مبروك مرة تانية

---

الله يبارك فيك ياباشا وعقبالك كده ان شاء الله

وبجد مش حتندم لو جبتها وحتحس بالفرق بينها وبين اى عربيه تانيه بتركبها
استخير ربنا وتوكل على الله

بس نصيحه ابعد عن اللون الاسود.............. شيك بس عذااااااااااااااااااااااا ااااااااااااااااااااااااا اااااااااااااب

اقتباس:

---

المشاركة الأصلية كتبت بواسطة midosalah

الف مبروك ربنا يباركلك فيها

---

الله يبارك فيك ياباشا

اقتباس:

---

المشاركة الأصلية كتبت بواسطة jisso82

1000 مبروك و ربنا يحفظهالك

---

الله يبارك فيك ياباشا

اقتباس:

---

المشاركة الأصلية كتبت بواسطة xxxmemoxxx

1000 مبروووك وربنا يباركلك فيها ويحفظها

---

الله يبارك فيك متشكر اوى

اقتباس:

---

المشاركة الأصلية كتبت بواسطة mosho1985

بس نصيحه ابعد عن اللون الاسود.............. شيك بس عذااااااااااااااااااااااا ااااااااااااااااااااااااا اااااااااااااب

---

هههههههههههههههه فعلا اللون الاسود ده محتاج تبقى سايق بايد والايد التانيه شغاله بالفوطه تنظيف:120146b

عشان كده انا اخترت ان عربيتى تبقى حمراااااااااااااااااااااا ااااااااااا:B4_282:

اقتباس:

---

المشاركة الأصلية كتبت بواسطة ahmedfathi

هههههههههههههههه فعلا اللون الاسود ده محتاج تبقى سايق بايد والايد التانيه شغاله بالفوطه تنظيف:120146b
دة حقيقى انا خلاص اتخنقت نفسى اشوف عربيتى نظيفة نص ساعة على بعض ابقى لسة غسلها اطلع اغير هدومى وانزل القيها اتوسخت

عشان كده انا اخترت ان عربيتى تبقى حمراااااااااااااااااااااا ااااااااااا:b4_282:
انت ما لك فرحان اوى بالاحمر طب لما اشوفك وانا قولك .......... طبعا انت فاهم

---

يبنى انهاردة الخميس هوة الاسبوع دة لسة مجاش عندك ولا اية
انت مش قايلى انك هتجيلى الاسبوع دة

1000 مليون مبرووووك ... ربنا يديك خيرها ويكفيك شرها
انا معايا السينسور بارك صوته كويس ومسموع بوضوح وفعلا" معاك ان طبقة الدهان تحس انها خفيفة شوية
والفتيس كان تقيل معايا ورخم فى الأول وبعدين لما عملت صيانة الــ 1000 قلت للمهندس اللى فى توكيل العجوزة قالى ماشى وبعدين لما أستلمت العربية من الصيانة ومشيت حسيت أنه خف شوية بس برده لسه تقيل وساعات بيبقى رخم أوى خصوصا" لما أهدى بالعربية أوى وبكون مثلا" على الثالث أو الرابع وأرجع أجيب الأول النقلة دى بتيجى معايا بالعافية مش عارف أعمل أية أدينى بصبر نفسى وقول ياواد أنت لسة عامل 1500 كيلو بس يمكن بعد كده ومع كثرة الأستخدام يخف ويبقى مية زى فتيسات الدايو ولا الهيونداى هه ربنا يسهل

مبروك
مبروك
مبروك

ألف مبروك ربنا يديك خيرها ويكفيك شرها

مبروك عليكم جميعا وربنا يحفظهلكم ويكفيكم شرها

وادعولى استلم على خير ان شاء الله

ومعلش جت متأخرة

مبروك ربنا يباركلك فيها

الف مبروك ربنا يباركلك فيها و يكفيك شرها

اقتباس:

---

المشاركة الأصلية كتبت بواسطة mosho1985

أولا بسم الله الرحن الرحيم

الحمد لله النهارده روحت فرع عز العرب مدينة نصر استلمت عربيتى الساجا سوده ومانيوال وطلع معايا المندوب على المرور رخصنا والحمد لله كل حاجه تمام
بالنسبه بقى لملاحظاتى على العربيه فى الكام كيلو اللى مشيت فيهم هى طبعا كانت عامله حوالى 70 كيلو ولما خلصت مشاويرى عملت حوالى 110

العربيه بسم الله ماشاء الله ناعمه اوى على الطريق من حيث العفشه يمكن صوت الماتور عالى شويه وحسيت انها مخنوقه شويه بس يمكن عشان لسه الماتور مفتحش

الفتيس تقيل شويه فى نقلاته مش عارف ايه السبب بس لما سالت اتقالى ان ده طبيعى فى الاول ولسه الفتيس حينعم معاك

الباور هايل بصراحه والتحكم فى العربيه ممتاز:verygood:
التكييف زى الفل

يمكن اكتر نقطة ضعف فى العربيه هى دهانها اللى خفيف اوى مش عارف بصراحه بتوع ماليزا مستخسرين كيلو بويه كمان لكل عربيه يشبعوها طب كانوا قالولنا ونحاسب احنا على الكيلو ده

بالنسبه بقى للسنسور بارك صوته واطى اوى مش عارف هل الكل عنده كده ولا اللى عنده صوته رايح ولا ايه ياريت حد يجاوبنى فى النقطه من ملاك الساجا ؟:36_1_31::36_1_31:

اخيرا بقى محدش يعرف الساعه بتظبط منين لانها مظبوطه على توقيت ماليزا وعايز اعملها على توقيت حدائق القبه ؟:shyy:
وطبعا يجماعه مينفعش انسى الجدعان اللى كانوا متابعين معايا على طول سواء كان ايمن اللى عذبناه معانا عشان نستلم عربياتنا انا وزمايلى وكان متابع معانا خطوه بخطوه اكتر من التوكيل نفسه او طبعا استاذ عمرو اللى مكنش بيتاخر علينا فى اى حاجه
بجد الف شكر للناس دى

وان شاء الله نوافيكوا بالاخبار لاحقا

---

ألف ألف مبروك يا باشا وعقبالي ان شاء الله
بس أنا ان شاء الله هاجيبها لون أبيض وأوتوماتيك
إدعولي يا شباب الساجا