لا يقودها الا صاحبها ...فية حاجة كدة !!!!

عرض للطباعة

07-07-2010, 12:27 AM
eng.octooo

لا يقودها الا صاحبها ...فية حاجة كدة !!!!

كنت لسة باتكلم مع واحد صاحبى وبندردش ونتكلم على العربيان النقل لو جبتها بدل العربية العادية والثقافة دى منتشرة فى كل بلاد العلام حتى دول الخليج ...حتى ولو مش بتكون العربية الاساسية بس عندهم الثقافة دى

لانك هاتكون راكب عربية 2500 سى سى على الاقل وديزيل و تربو وصيانتها سهلة ومتوفرة وسعر اعادة البيع خرافى و تييكف وباور وزجاج كهرباء وعملية جداااا ومعمرة جدا جداجدا

بس قالى ان فية حاجة فى ترخيصها انك ممكن ترخصها تحت بند لا يقودها الا صاحبها او مالكها ..حاجة كدة مش فاكر والله

طيب لو رخصتها زى مابيقول ..هاقدر اسوقها عادى زى الملاكى وفوق الكبارى وكدة

ولا برضة هابقى زى باقى النقل؟؟؟

واية سعر الدى مكس الدبل كابينة فل اوبشن
واية سعر التويوتا الهايلكس الدبل كابينة الفل اوبشن برضة ؟؟

واسف على الاطالة
07-07-2010, 01:31 AM
M!SHO

أفكارك غريبه يا اوكتووووووو ,,,

بس تصدق ان ليا واحد قريبى من بعيد معاه m3 وراكنها ,,,
وجايب عربيه دى ماكس دبل كابينه ومقفل الصندوق ولاعب فى العربيه جامد ,,,

( أنا مشوفتهاش بصراحه بس ابن عمى شفها وبيقولى تحفه )
07-07-2010, 02:47 AM
eng.octooo

اصل بجد ...احسبها هاتلاقيها فكرة رابحة جدااا

عربية

2500 سى سى تيربو ديزيل (يعنى عزم وسرعة اعلى من البنزين)

ارخص واوفر بكتيييييييييييييير من مصاريف البنزين

ثبات رهيييب

العربية بتحمل اكتر من طن ( المفروض طن واحد بس) وطول اليوم بتلف وتلاقيها موديل 10 سنين فاتو وتعدى من اجدد عربية ملاكى !!
فتخيل انك مش بتحمل عليها خالص ومشاويرك بيها خفيفة !!!

قطع غيارها وصيانتها .....زى الرز ..لو عطلت منك اى واحد بتاع كشرى يصلحهالك

ولما تحب تبيعها وانت بتفكر تبيعها قبل ما تقرر تلاقى طابور واقف عاوز يشتريها

لو مسافر او مصيف او او او او تقد تاخد كل حاجة معاك !!!!

تكييف تلاجة والعربية اثبتت كفائتها وهيا بتتهان فما بالك لما تعاملها معاملة العربيات الملاكى !!!

سعرها للكابينة الواحدة 110 الف (الدى ماكس)(الدبل مش عارف) ..يعنى بتمن الصنى !!!
07-07-2010, 01:36 PM
zalpany2000

اوكتو يا دمااااغ
:)
بص حبيبي ... هي مشكلتها تنحصر في حاجتين
اولا العربية فقيرة من جوة مش زي الصالون طبعا ... غير ان الدوبل كابينة بتاعتها ضيق في الكنبة الخلفية
المشكلة التانية والاهم
انك هاترخصها نقل ... ممكن ترخصها نقل خاصة ... بس ده مش هايسمحلك بقيادتها وسط المدينة
تخيل انت في السيدة زينب مثلا ... وعايز تروح المهندسين :)) هزار يعني

هاقولك علي حاجه شبه كده برضو انتشرت في اوساط معينة في مصر ... الدودج الرام والبيك أب ... عبارة عن تيريلا مش عربية ... وتلاقي بنت قد العصفورة سايقاها ... بس برضو لو مش مسنوده ... أمة لا اله الا الله هاتغتت عليها و رخصها مش هاتبات في جيبها لمدة اطول من 8 ساعات :)

غير كده طبعا العربية دي عملية جدا جدا ... خصوصا لو عندك تجارة و بتنقل حاجات من وقت للتاني

تحياتي
07-07-2010, 02:21 PM
eng.octooo

زلابانى باشا ..عامل اية ؟

العربية والله فكرتها ممتازة والكنبة الخلفية عرفت من سواق دى ماكس معاة واحدة دبل كابينة قالى انة ممكن اى سروجى كراسى يرجعلك المجرى ويطلع العمة ( مش عارف يعنى اية ؟) بس الى فهمتة ان كدة الكنبة الى ورا هاتبقى واسعة

وانا معاك فى موضوع الرام دة ..بجد انتشر جداااا

بس الدى ماكس او التويوتا هايلكس هاتبقى عملية اكتر من الرام بسبب قطع الغيار والسعر وسعر اعادة البيع وكدة

بس برضة الرام ليها مشاويرها ......بس مشاويرها نادرة فى مصر

.....................

انت احبطتنى لية هههههههه يعنى حتى لو اترخصت نقل خاص مش هاينفع نمشى بيها براحتنا ؟؟

طيب هيا لو حبيت ترخصها ملاكى بتدفع كام ؟؟ حد يعرف
07-07-2010, 07:52 PM
mmffor

i had this idea since i started driving cars 10 years ago! but i had this problem here in egypt that the double cabin you can NEVER register it as private car, only astransporting car! only invistigations can register it as private car
08-07-2010, 01:30 AM
د.أبونضال

أنا سمعت إن ممكن ترخصها ملاكي لكن بشرط إنك تقفل الصندوق الخلفي بغطاء بييجي من الشركة وسعرة تقريبا سبعة آلاف جنية والكلام ده من مالك لإحدى سيارات الدي ماكس دبل
08-07-2010, 01:56 AM
HeMa_LanCeR

اقتباس:

المشاركة الأصلية كتبت بواسطة د.أبونضال

أنا سمعت إن ممكن ترخصها ملاكي لكن بشرط إنك تقفل الصندوق الخلفي بغطاء بييجي من الشركة وسعرة تقريبا سبعة آلاف جنية والكلام ده من مالك لإحدى سيارات الدي ماكس دبل

لا طبعا كلام غير صحيح اطلاقا
علشان ترخصها ملاكي تدفع جمركها زي الملاكي بالظبط
يعني احسب عربيه ملاكي 2700 سي سي موديل 2010 هتعمل كام جمارك
وماتنساش تضيف عليهم حق العربيه اصلا

وانك تستعملها كل ملاكي انا معاك انها فكره ممتازه جدا ولكن خارج القاهره
لأن وبأختصار ممنوع من كباري كتييير
وممنوع من دخول مناطق قبل 8 بليل
وممنوع من دخول مناطق تماما إلا بتصريح
08-07-2010, 09:42 AM
EngAhmedSayed

و الله انتا بتناقش موضوع جميل
بس نعمل ايه فى عرقلات المرور بتاعنا
بس قلى خلينى افكر فى الموضوع ده
انو انا مره شوفت عربيه كابينه واحده و كان مكتوب عليها ملاكى قولت يبقى الدبل ممكن هو كمان يترخص ملاكى
القاهرة كان قبل النمر الجديده بس مسالتيش بس لما سالت
كل اجمع انو هى تترخص نقل و تاخد قوانين النقل على الطرق السريعه و الدخليه
متابع باهتمام لانه كان حلمى يوم من الايام
08-07-2010, 09:57 AM
Dr Ahmed

العربيات دى ناشفة فى السواقة جدا جدا والمطبات بتحس بيها جدا جدا ولا يمكن انك تسوقها سواقة الملاكى المعتادة
08-07-2010, 05:17 PM
eng.octooo

انا نفسى اجيبها الدبل كابينة وتكون ملاكى
09-07-2010, 04:51 PM
sam_zen_elden

ممكن تدور على فرونتيرا وتحقق املك لكن مش ديزل ملاكى بشكل الدبابة موديل عالى ولكن استهلاك بنزين فظيع 3200 سى سى 6 سلندر
09-07-2010, 07:54 PM
MaZaGAngeE

الدبابة الدوبل كابينة ب 126 الف و الكنبة اللي ورا ضيقة جدا جدا و فتحة الباب صغيرة و عالية ...
باختصار العربية مش مريحة ابدا للي هيركب ورا ...
النيسان ب 145 تقريبا و برضه نفس المشاكل

اما بقى الكنج التويوتا حاجة تانية خالص واسعة جدا و ناعمة على الطريق و ثابتة كانك راكب ملاكي بالظبط و ب 170 الف

بس خلي بالك النقل مقرف جدا على الطريق يعني الرادار من 70 على الزراعي و 80 على الصحراوي ده غير رمي الجتت بتاع الأفندية العساكر و كمان ماتنساش كارتات الطريق بتاعة العربيات النقل
09-07-2010, 11:39 PM
Ralliart

طبعاً فكره جامده وانا فكرت فيها زمان بس لقيت الموضوع مستحيل لانك مش هتعرف تروح بيها اي مكان
غير معاملة السواقين في الكماين
لو حصل واتحقق الحلم ده هجيبلي حته ميتسوبيشي l200
http://photo.netcarshow.com/Mitsubis...7_photo_04.jpg

ونضيفه فحت من جوه
http://photo.netcarshow.com/Mitsubis...7_photo_10.jpg
09-07-2010, 11:49 PM
blazer

انا بشوف الدودج الرام زى الرز فى مارينا
تحس انهم كلهم قلبوا سواقين نقل! :]
10-07-2010, 03:08 AM
haitham83

بصراحة الموضوع دة معشش فى دماغى ركبت الدبابه 2009 و سوقتها من هنا فى اسكندريه رايح جى مرتين و من ساعتها معششه فى نافوخى و طبعا ممنوع سير النقل على الكورنيش فى اسكندريه المهم مرة و انا ماشى لقيت نقل ملاكى على نقل جنبى و انا فى اشارة و سايقها واحد شكلو بيقول انو عسكرى قولتلو ازاى دى ملاكى قالى امن دوله !!! و انا بفكر ليه النقل متترخصشى ملاكى و هل لو رفعنا قضيه على المرور نطالب باننا نعمها نقل ينفع ولا لا
10-07-2010, 05:43 PM
M.Osman

eng.octoo

you're talking about the maloo :D

YouTube - Top Gear - Vauxhall (Holden) VXR8 Bathurst and Maloo VXR reviews
11-07-2010, 08:48 PM
eng.octooo

المالوو دى حلوة اوى هههههههههه

شكرا على الفيديو

أ -هيثم انت ممكن بكل بساطة ترخصها ملاكى ... بس هاتدفع جمارك عربية 2500 سى سى !!! بالاضافة لتمن العربية
12-07-2010, 01:16 PM
haitham83

اقتباس:

المشاركة الأصلية كتبت بواسطة eng.octooo

المالوو دى حلوة اوى هههههههههه

شكرا على الفيديو

أ -هيثم انت ممكن بكل بساطة ترخصها ملاكى ... بس هاتدفع جمارك عربية 2500 سى سى !!! بالاضافة لتمن العربية

يعنى هى عمله 120 او اكتر ادفع جماركها تبقى ب 300 الف مثلا دة انا كدة اقول تيييييييييييييييييييييت للجمارك
12-07-2010, 06:15 PM
eng.octooo

وانا كمان اضم صوتى لصوتك ونقول تييييييييييييييت للجمارك
14-07-2010, 09:57 AM
M!NA

أنا هجيبلك من الآخر...
عشان أنا مش بس قتلت الموضوع دا بحثا...
دا أنا قتلته و مثلت بجثته كمان... :-)

أولا: مفيش نقل ممكن يترخص ملاكي تحت أي ظروف مهما كانت.... و أي نقل عليها لوحات ملاكي بتكون تابعة لأمن الدولة أو المخابرات...

ثانيا: لا يقودها الا مالكها ... ديه نوع ترخيص للعربية النقل بيعفيك من دفع تأمين السواق و بيخليك تسوقها برخصة ملاكي.... بس... مش أكتر من كدا... و مينفعش حد تاني يسوقها غيرك... و لو حصل هتبقا مخالفة جامدة هيدفعوك فيها القديم و الجديد...

ثالثا: ممنوع صعود كوبري أكتوبر... المحور... كورنيش اسكندرية.... المعادي و الزمالك (تصاريح) و الطرق السريعة أقصى سرعة 70 و السير دايما يمين الطريق...

رابعا: لو ربع نقل كابينة مفردة ممنوع ركوب أكتر من راكب جمبك... لو جامبو ممكن 2 يركبوا جمبك...

من الآخر... ذل الى أقصى درجة....

أنا أعرف واحد صاحب شركة... ساكن في أرض الجولف... راجل محترم جدا جدا .. كان مرة سايق عربيته النيسان الدبل كابينة... و كان لابس بدلة...
أمين شرطة وقفه و قاللو بالظبط كدا... "كمان لابسلي بدلة؟؟ بتعرضها علينا؟؟ هات 150 جنيه"
الراجل قاللو بتوع ايه؟ و أنا صاحب الشركة ديه مش سواق عليها.... قاللو هي كدا... بدال ما ألبسك مخالفة ب500 !!!

المشكلة أنك لو راكب ملاكي هتعرف تعمل اللي أنتا عايزو... لكن لو راكب نقل... و زودت معاهم في الكلام... في معظم الأحوال هتكون أنتا الخسران...

أنا ياما شفت على الدائري سواقين بيتبهدلوا في الكماين....

الحل الوحيد لو عايز تعيش بعربية نقل دبل كابينة... أنك تكون عايش في مرسى علم أو الغردقة... أو أي مكان بعيد عن القاهرة و الجيزة و اسكندرية
14-07-2010, 02:46 PM
M.Osman

M!NA
معلومات جميلة .. شكراً لك
15-07-2010, 03:16 AM
Mzeid

هي ممكن تترخص ملاكي في حالة واحدة
إذا كانت واخدة إفراج جمركي انها ملاكي
22-07-2010, 08:08 AM
eng.octooo

مينا باشا

بجد بتدخل ترد فى الموضوع بتقفلة هههههههههههه زى الكمين ههههههههههه

ما شاء الله عليك وضحت كل حاجة

شكراااااااااا لردك الجميل دة والتعب الى بتتعبة فى الرد على استفساراتى الكتتتتتتتتتيرة هههههههههههه
22-07-2010, 10:05 AM
M!NA

اقتباس:

المشاركة الأصلية كتبت بواسطة eng.octooo

مينا باشا

بجد بتدخل ترد فى الموضوع بتقفلة هههههههههههه زى الكمين ههههههههههه

ما شاء الله عليك وضحت كل حاجة

شكراااااااااا لردك الجميل دة والتعب الى بتتعبة فى الرد على استفساراتى الكتتتتتتتتتيرة هههههههههههه

تؤمر يا صاحبي... :-)

أنا بتعجبني أسألتك... لأني كانت بتجيلي نفس التساؤلات بالظبط....
29-07-2010, 01:31 PM
peposupervisor

معلومات جمدة جدا
والموضوع جميل
29-07-2010, 04:01 PM
ahmedbibo

بصراحه وانا بحط بنزين قبل كده شوفت تيوتا هاى لوكس دوبل كبينه و فى فى الشنطه الى ورا بتاع كده العربيه منظرها اجمد من الجيب وشوفت نفس المنظر برده فى ميتسوبيشى دوبل كبينه برده بصراحه كانت رهيبه جدا جدا

وكانت نفس المنظر ده

http://www.carlister.ie/Upload/image...67539904_1.jpg
هيا هيا بظبط بجد وحش و برده كنت بفكر فى الحكايه ديه عربيه عمليه جدا حتى التابلوه فخم جدا]

http://image.trucktrend.com/f/108876...erior_view.jpg
دفع رباعى و حركات و اجمد شغل بصراحه

http://www.distrocar.com/wp-......./...rd-590x393.jpg
وديه الانسر

http://upload.wikimedia.org/wikipedi...t_20071012.jpg
http://www.egmcartech.com/wp-.........._images_12.jpg
29-07-2010, 04:10 PM
KHALED AYMAN

بص احنا معانا عربيتين ...واحده 2008 من غير كماليات و واحده 2010 كامله ..
المهم ..
العربيات دى مش سريعه سرعه ال 2500 سى سى ...لالا ال1600 يطلع منها مرتاح عادى يعنى ...
الثبات فى الباى باى ...عشان ضهرها خفيف جدا جدا جداااااااااا و اى حاجه بتخلى ضهرها "ينط" و يحدف ..
الراحه ..متعبه جدااااااااا و بترزع جامد فى المطبات عشان ضهرها خفيف و بينط ..
كلامى على الشيفروليه و الدى ماكس ...معرفش اخبار الهاى لوكس ايه ...
وموضوع تقفيل الصندوق غير صحيح ...
اه هو ب 7000 جنيه (انضف حاجه ) و فى ب 2000 جنيه ...
بس ملوش علاقه بانك ترخصها ملاكى ...
ده غير ان الصندوق ده "بيموت" اداء العربيه ..
28-03-2011, 03:13 PM
discman

اقتباس:

المشاركة الأصلية كتبت بواسطة eng.octooo

اصل بجد ...احسبها هاتلاقيها فكرة رابحة جدااا

عربية

2500 سى سى تيربو ديزيل (يعنى عزم وسرعة اعلى من البنزين)

ارخص واوفر بكتيييييييييييييير من مصاريف البنزين

ثبات رهيييب

العربية بتحمل اكتر من طن ( المفروض طن واحد بس) وطول اليوم بتلف وتلاقيها موديل 10 سنين فاتو وتعدى من اجدد عربية ملاكى !!
فتخيل انك مش بتحمل عليها خالص ومشاويرك بيها خفيفة !!!

قطع غيارها وصيانتها .....زى الرز ..لو عطلت منك اى واحد بتاع كشرى يصلحهالك

ولما تحب تبيعها وانت بتفكر تبيعها قبل ما تقرر تلاقى طابور واقف عاوز يشتريها

لو مسافر او مصيف او او او او تقد تاخد كل حاجة معاك !!!!

تكييف تلاجة والعربية اثبتت كفائتها وهيا بتتهان فما بالك لما تعاملها معاملة العربيات الملاكى !!!

سعرها للكابينة الواحدة 110 الف (الدى ماكس)(الدبل مش عارف) ..يعنى بتمن الصنى !!!
كلامك صح جدا حضرتك
بس احب اضيف لو اى ملاكى او مكروباص حب يزنق عليك هيفكر الف مرة لانة عارف انة هيضر جامد خاصة لو النقل 4بى 4 عالية بس المشكلة فى الترخيص لانة بيحتاج حاجة تجارية و ممنوع من دخول بعض المناطق اوقات معينة زى المعادى الصبح
28-03-2011, 05:01 PM
MOUSTAFA_SAAD

بص ياسيدى انا سقت عربيه نيسان بيك اب لمدة تزيد عن 5 سنوات كانت بتاعت الشركه اللى شغال فيها وكنت بسوقها كبديل عن الملاكى لمشاوير شركة مقاولات وادى بيها المشاوير ونادرا لما كنت بحملها حاجه

المميزات

تستهلك جاز وساعتها كان لتر الجاز ب 40 قرش فقط ولحقته فى اخرايامى معاهم من 6 سنوات كان ب 60 قرش ده غيرانها مابتاكلشى جاز كتير كمان
عاليه عن الارض ومصممه لحموله واحد طن يعنى اى مطب او حفره وانت ماشى فاضى ولا كانك حصل حاجه
سريعه وسحبها معقول رغم انها جاز جبت بيها مره 150 على الصحراوى وكنت بشد مع عربيات ملاكى كتير رغم انها موديل 98 وطبعا الموديلات الجديده بتعدى السرعه دية بسهوله
ماتوررهيب معمر تخيل انا عملت بيها 500 الف كيلو فى 5 سنوات ( ايوه 500 الف كيلو ) ممكن ناس تانيه ماتعملهومش فى عمرها كله لانى كنت بسافربيها كتير جدا وتقريبا 4 مرات فى الاسبوع مصراسكندريه رايح جاى ده غير مشاوير البلد
صيانتها تقتصرعلى تغيير الزيت والفلاتر وخصوصا الجاز لانه ممكن يتسد والسيوروتيل الفرامل فقط لاغير
وزنها تقيل وعضمها ناشف
العيوب
معامله زى الزفت فى الكماين ويتقلك يااسطى ومهما تفهمهم مافيش فايده وبرده نفس الحوار مع سواقين الاجره بيعاملوك كسواق
محروم من دخول الكورنيش والمحور وكبارى القاهره وعدة اماكن فى القاهره
سرعه خنيقه 70 على الزراعى و 80 على الصحراوى
ناشفه جدا مع المطبات
لو ناوى تشترى فعلا اختيارك الاول يكون تويوتا دوبل كابينه والباقى كله زى بعضه
28-03-2011, 10:24 PM
sharpvision

انا رأيى ان الملاكى اهون بكتير من اللف والدوران وان كان على مصاريف البنزين ممكن نحول لغاز طبيعى هتوفر نفس توفير الديزل وبردو اسمها ملاكى تمشى فى مصر كلها مش اتمنع اطلع على كبارى او سرعه قليله امشى عليها فى السفر حاجات مش مستحبه -- مع انى كنت بفكر فى نفس الفكره قبل ما اشوف الموضوع ده
31-03-2011, 03:36 PM
mmffor

الفكرة في دماغي من 10 سنين بس مقدرتش انفذها لانهم قالوا ان رئاسة الجمهورية و المخابرات بس اللي بتترخص لهم العربيات دي ملاكي - و الباقي بتكون نقل - هبل يعني
29-11-2013, 12:00 AM
qkash.com

الفكرة دي جميلة جداً حد يقدر يفيدنا في الموضوع ده حالياً
26-01-2014, 07:20 PM
ashrafwolf

انا عايز بس اتكلم عن التويوتا هاي لوكس 2010 دفع رباعي لاني سوقتها كتير
بصراحه عربيه معجزة
راحه غريبه, عفشه ناعمه, الحفر و المطبات زي الميه
دركسيون ناعم جدا
نقلات(فتيس) ناعمه جدا جدا
موتور قوي
الطبيعي فيه اني دايما بطلع علي التاني و التكييف شغال و معايا حموله
عيبها الوحيد انها جرايه و انت سايقها ممكن تجيب 180 و انت مش حاسس من كتر الثبات
----------------------------------------------------------------------------------------
رجوعا للموضوع انا عندي اعتراض علي حاجه واحده بس
هتمونها منين ؟؟؟؟!!!!!
ازمة السولار لا تنتهي