أى حد عنده استفسار عن السيلاريو انا تحت امره ؟

**walidhosnykhater** · 07-07-2010 01:18 AM

اى حد عنده استفسار عن السيلاريو انا تحت امره

**Eslam.Elrefaey** · 07-07-2010 03:01 AM

أهم حاجة فى المطالع مع التكيف ومحمل بتاع 3 أشخاص إيه الى بيحصل

**fawzyyyy** · 07-07-2010 03:12 AM

اخبار قطع الغيار ايه ؟ اسعارها ؟ انتشارها ايه ؟؟هل موجودة بره التوكيل ولا التوكيل بس؟؟
و اخبار التوكيل ايه ؟؟

**walidhosnykhater** · 07-07-2010 03:48 AM

والله يا استاذ فوزى معدل تسارع العربية حلو جدا وانا عالطول مشغل التكييف وفى مرة كنت مركب 3 اشخالص ومشغل التكييف فحسيت ان العربية بقت تقيلة يعنى ثابتة كدة ولازم تدوس سنة بنزين زيادة عن المعتاد عشان تمشى زى ما انت متعود لكن متهيألى ان المطلعيات دى بتأثر على كل العربيات مع التفاوت فى القدرات لكل عربية اما قطع الغيار فانا ماتعرضتش لانى اشترى قطع غيار وكمان العربية عاملة 1800 كم فلسة بس حتى لو متوفرة برة التوكيل انا برضه حاروح التوكيل عشان فى فرق فى الخدمة زى الفرق بين محل على قده ومحل فخم

**fawzyyyy** · 07-07-2010 10:22 AM

الف شكر يا استاذ وليد علي الرد
بالنسبة للتكيف ....ده شئ طبيعي ان هو يأثر علي السحب لكن متهيألي استاذ eslam el refa3y قصده هل ال 3 سلندر مأثرة فعلا
و بالنسبة لقطع الغيار فربنا يبعدك عنها انشاء الله بس انا عندي طلب لحضرتك .......كل اما حضرتك تعمل صيانة لو غيرت فلاتر او تيل فرمل اي حاجة تبقي تقولنا سعرها............ده حيبين سعر قطع غيار العربية بكام
و الف شكر مرة تانية

**walidhosnykhater** · 08-07-2010 12:36 AM

لا بأمانة انا مش حاسس بفرق بإنها 3 سليندر للأمانة وسحبها كمان حلو جدا انا عامة عملت صيانة الاف ب 260 جنية تقريبا عشان حاطط زيت 10000 ك ولما يكون فى جديد فى اسعار قطع الغيار حاقولكم

**fawzyyyy** · 09-07-2010 10:09 AM

المشاركة الأصلية كتبت بواسطة walidhosnykhater

لا بأمانة انا مش حاسس بفرق بإنها 3 سليندر للأمانة وسحبها كمان حلو جدا انا عامة عملت صيانة الاف ب 260 جنية تقريبا عشان حاطط زيت 10000 ك ولما يكون فى جديد فى اسعار قطع الغيار حاقولكم

الف شكر يا استاذ وليد

**succbm** · 19-07-2010 07:55 PM

أستاذ وليد......... أنا انشاء الله ناوى أجيبها بس سؤال بعد اذنك بما انها معاك ............ ايه أقصى سرعة ممكن اجيبها بيها ......... ولو راكب فى العربية 4 .... 2 ورا و 2 قدام و وشغل التكييف و طالع كوبرى .... النظام هيبقى ازاى ...