الموضوع: شروق مدينة نصر

شروق مدينة نصر عبارة عن تقريبا 190 عمارة و العمارة بها 5 أدوار غير الارضى و الدور 4 شقق شفتان 2 غرفة و صالة و شقتان 3 غرف و صالة المساحات بالنسبة لل 2 غرفة تقريبا 68 متر و ال 3 غرف و صالة 96 متر و متوسط الاسعار بالتقريب ال 3 و صالة من 220 الى 240 الف تقريا مش متأكد بالظبط اما عن قربها من عزبة الهجانة فدة حسب مكان العمارة بس فية عمارات قريبة من العزبة و عمارات اخرى لآ طبعا لو عند استفسار اكثر تفضل و اسألة

المشاركة الأصلية كتبت بواسطة heshamzaky

شروق مدينة نصر عبارة عن تقريبا 190 عمارة و العمارة بها 5 أدوار غير الارضى و الدور 4 شقق شفتان 2 غرفة و صالة و شقتان 3 غرف و صالة المساحات بالنسبة لل 2 غرفة تقريبا 68 متر و ال 3 غرف و صالة 96 متر و متوسط الاسعار بالتقريب ال 3 و صالة من 220 الى 240 الف تقريا مش متأكد بالظبط اما عن قربها من عزبة الهجانة فدة حسب مكان العمارة بس فية عمارات قريبة من العزبة و عمارات اخرى لآ طبعا لو عند استفسار اكثر تفضل و اسألة

شكرا لردك طيب المنطقة مستواها ايه يعنى تعتبر منطقة كويسة راقية الى حدا ما وهل المنطقة امان يعنى ممكن الواحد يتعرض للسرقة او حد ممكن يتهجم عليك بسبب قربها من عزبة الهجانة وبالنسبة للمساحة 68 متر سعرها فى حدود كام لانى سالت واحد قالى ممكن تبقى فى حدود 160 الى 180 الف جنيه فهل ده صح وهل حضرتك شايف ان الشقة فى المنطقة هناك تستاهل السعر ده ولا لا لانى شايف انه مبالغ فيه لان بنفس السعر ممكن اجيب شقة فى الألفينات بتاعة القوات المسلحة اللى فى زهراء مدينة نصر والعمارات هناك شكلها اجمل وارقى وياترى راى حضرتك ايه

منتظر رد حضرتك وشكرا ليك

زى ما الزميل قالك بالظبط و انا قلت لك على حسب مكان العمارة يعنى لو عند موقف الاوتوبيس بتاع الشروق عفوا لو اديتنى فلوس ما اسكنش فيها و المنطقة امان و هى مربعات نظيفة و مربعات عفا مقرفة و السعر بتاع الغرفتين و الصالة بقى كدة تقريبا و سمعت ان ال 3 غرف وصلت 250 و 260 الف مش متشطبة بالمناسبة يعنى تشطيب نص نص ما ينفعش وانا ممكن ارفع لك مقاسات الشقة ال 3 غرف بالكامل با السنتى على فكرة انا مش سمسار هههههه بس انا ساكن فى الشروق

شكرا على ردودكم بس انا كنت عايز اعرف هل الشقة فى المكان ده تستاهل المبلغ ده لان سوق العقارات دلوقتى نايم ومافيش سيولة يعنى الأسعار المفروض تقل عن كده ولا رايكم ايه

بص حضرتك الشقق هناك بتزيد اسعارها بصورة مجنونة لعلم حضرتك الشقة دى لما اتبنت كان سعر الشقة بالتقسيط 19500 انا عندى العقد الاصلى بتاع الشقة و لما انا اشتريت كان السعر من 36000 الى 38000 و لما جيت اشترى كان فات 3 شهور و بصف و اشتريت ب 45000 الكلام دة سنة 93 و كان السعر بيعلى 1000 جنية شهريا و دلوقت بص السعر وصل كام و على فكرة الملغ حا يدفع كاش مفيش تقسيط لانك حا تشترى من صاحب الشقة مش من جمعية البناء و التعمير و المكان خلف المدرسة الثانوية الجوية و النادى الاهلى باقى العمارات الى هيا مقاتلى رمضان و الفيروز الشقة اول لما اتبنت كانت ب 140000 تدفع 70000 و الباقى قسط تمنها اليوم من 500000 الى 600000 بس مساحة الشقة حوالى 140 متر

المشاركة الأصلية كتبت بواسطة heshamzaky

بص حضرتك الشقق هناك بتزيد اسعارها بصورة مجنونة لعلم حضرتك الشقة دى لما اتبنت كان سعر الشقة بالتقسيط 19500 انا عندى العقد الاصلى بتاع الشقة و لما انا اشتريت كان السعر من 36000 الى 38000 و لما جيت اشترى كان فات 3 شهور و بصف و اشتريت ب 45000 الكلام دة سنة 93 و كان السعر بيعلى 1000 جنية شهريا و دلوقت بص السعر وصل كام و على فكرة الملغ حا يدفع كاش مفيش تقسيط لانك حا تشترى من صاحب الشقة مش من جمعية البناء و التعمير و المكان خلف المدرسة الثانوية الجوية و النادى الاهلى باقى العمارات الى هيا مقاتلى رمضان و الفيروز الشقة اول لما اتبنت كانت ب 140000 تدفع 70000 و الباقى قسط تمنها اليوم من 500000 الى 600000 بس مساحة الشقة حوالى 140 متر

شكرا على التوضيح وعلى اهتمامك بالموضوع بتاعى بس عندى كام سؤال

فى رايك الشخصى مين الأفضل الشروق ولا زهراء مدينة نصر شقق القوات المسلحة؟

هى الشقق هناك بيبقى ليها حصة فى الأرض ولا حق انتفاع بس؟

لو اتعرض عليا شقة فى الدور الخامس هل بيبقى فيها مشاكل فى المياة وتاثير الشمس ؟

دلوقتى لما ادور على شقة هناك ابعد عن منطقة السوق خالص طيب فى حتت معينة ابعد عنها؟

شكرا ليك وربنا يجازيك خير

بص حضرتك الشقق بتاعت زهراء العاشر تقسيمها الداخلى احسن شوية الشقة على شكل حرف أل تقريبا انا طبعا لما كنت بدور شوفت زهراء العاشر و الشروق الشروق اقرب من الزهراء و برضو فى الزهراء فية عمارات موقعها حلو و الاخر لآ بالنسبة لحصة فى الارض مش عارف الموشوع دة بس أعتقد لآ لازم أقرأ العقد و اقولك شقة لقى فى الدور الخامس نصيحة لك شيلها تماما من دماغك حا تتسلق من الحر و حتى لو عملت عزل فوق السطوح برضو انسى الشروق مقسمة الى عمارات كانت تتبع الجيش و برضو مقسمة جزء ضباط شرفين و العمارات دى ناحية المطافى و عمارات تتبع ضباط عاملين و عمارات تتبع مختلف النقابات و بعدين الى سكن سكن و الى ياع لشخص باع