هات جين 2 أو بيرسونا فل ابشن مانيوال و للمزيد من المعلومات عن عيوب و مميزات العربيه تفقد قسم البروتون
عرض للطباعة
مش تحيز لاى نوع سيارة بس ممكن تجيب حجات حلوة ب ال 85
بس ابعد نهائيا عن الاسبرانزا و توكيلها السئ
فعلا العربيه ممتازه و انا بقول رأي من خلال اللي شوفتو في المصنع ...انا بتدرب في مصنع ال بي واي دي في العاشر الناس هناك بتشتغل بضمير في جميع المراحل (لحام دهان تجميع) بالنسبه للحام مستخدمين تكنولوجيا حديثه و مسدسات لحام كويسه برضو في الدهان العربيه بتمر بأكثر من مرحله لمحاوله تفادي عيوب الدهان قدر الامكان ( وعلي فكره ورشه دهان ال بي واي دي هي هي ورشه دهان اللادا) لان ال2 بتجمعهم نفس الشركه.....و اشد حاجه عجبتني في ال byd هي ان عفشتعها تويوتا و موتورها متسوبيشي....بعد الانتهاء من تجميع العربيه بيتعملها ظبط زوايا بأحدث الاساليب و في خط مخصوص بيشيكو علي العربيه قبل متخرج للبيع لعلاج اي عيب فيها.... في الشاور تست ( وهو عباره عن اختبار للعزل العربيه فيه بيترش عليها مايه من كل حته و يشوفو هتسرب ميه منين) النتايج فوق الممتازه العربيه عزلها رااائع و مفيش اي ذره ميه بتخش للكابينه ..يعني اساسيات العربيه كموتور وعفشه ممتازه لكن هي صاجها ضعيف (ورق) و خامات الطابلوه و العدادات بلاستك رديء و دا مبدأ (القيمه مقابل السعر) ....و الجماعه الصينين دايما متابعين الشغل في المصنع ...هي بس العريبه دي ينقصها التسويييييييق الجيد وكل المهندسين بيقولو لصاحب المصنع كدا لكنو منفض....يعني انا مبحبش العربيات الصيني و دا مبدأ عندي بس انا اما شفت تجميع العربيه دي احترمتها لان امكانيات المصنع ممتازه جدا بالنسبه لمصنع بيجمع عربيه ب 64 الف و العربيه بتخرج من المصنع خاليه من اي عيب بنسبه 99.5% ...و هي احسن بكتيييير من الاسبرانزا ..اللي انتشرت نتيجه براعه حسام ابو الفتوح في التسويق لكن هي مش عربيه كويسه.. ..byd احسن منها بمراااااحل....دا رأيي و اسف علي الاطاله
دا كلام صحيح اخونا السعودين عملو عربيه اسمها غزال وعلي قد مفرحت للخبر دا علي قد محزنت علي وضعنا لان مص بتجمع سيارات من سنه 1935 لمن لا يعلم ....يعني المفروض في 2010 يبقي عندي حاجه في وزن فولكس او بي ام بس تعمل ايه بقي تاريخنا كلو يا اما حروب يا ما فساد سطله و نظام
الناس بتسأل اجيبها ولا لأ دا لان ابو الفتوح رجل تسويق من طراز فريد بمعني انو بيعرف يعمل من الفسيخ شربات...العربيه الاسبيرانزا دي ملهاش وجود في اي حته غير مصر ...خش كدا علي اي موقع صيني او حاجه اجنبيه هتلاقي اسمها (شيري) مش (اسبيرانزا) حسام باشا هو اللي غير الاسم لما جه ينزل الموديلات الجديده زي 113 و 512 و الذي منو لان الناس مكنتش حابه العربيات الشيري و كانت سمعتها في الطين هو كل اللي عملو غير الاسم...جه ناس فاهمه قالو دي هي هي الشيري ..بيرد هو من خلال رجال المبيعات لأ دي اسمها اسبيرانزا و تختلف شكلا و موضوعا عن الشيري ويبدأ يسردلك الفروق و مميزات الاسبيرانزا للي هي الشيري اصلا....و زي مبيقولو الزن علي الودان أمر مالسحر الناس اقتنعت تماما ان دي اسبيرانزا و الاسم اتشهر و تداول....بص برضو علي حاجه تانيه شوف ابو الفتوح بيعمل اعلانات ازاي..مبينزلش بحملات ضخمه زي منصور و يجبلك نجوم تليفزيون يعملو اعلانات ...لكن بيستخدم اسلوب اكثر توفيرا و بيأثر كويس برضو في المتلقي...هضرب مثال بسيط...انا شوفت علي الطريق مره و انا مسافر (تقريبا الدائري) اعلان بي ام ..وراه علي طول اعلان اسبيرانزا...طبعا اختيار المكان دا مش صدفه ولا عشوائي.. انت اما تشوف اعلان البي ام هتنتبهلو غصب عنك و لجمال الصوره و شهره الماركه ذات نفسها هتجذب انتباهك...هو بقي عاوز يستغل انتباهك دا في يحط اعلانو بعد البي ام يعني لو واحد مثلا عندو الفئه التالته و لا حاجه و كان بيفكر في عربيه لابنو بأسلوب اعلان زي دا ممكن يدخل الاسبيرانزا في حساباتو يبدأ يدعبس ورا العربيه...كل دي حاجات هما بيعملوها و بيشدونا للمنتج من غير مناخد بالنا ..و دا اللي بيسموه بتوع التسويقconsumer behaviorو شكراا:colsmil:
بلاششششششششششششششششششش صينى
انا معايا التيجو واشتريتها من حوالى 6 اشهر وشفت المر علشان الشماكل اللى فى العربية
المشكلة انة علشان مفيش نظام توكيد جودة محترم فى المصنع العربيات بتخرج مش زى بعضها
يعنى على راى الاخوة زى البطيخة انت وحظك...يا تطلع حمرا يا تطلع بدنجان اسود
مش متطفل حضرتك بس دا بيزنس...يعني انا قدامي وسيله دعايه رخيصه و مؤثره جدا يبقي ليه مستعملهاش!!اقتباس:
يعنى ابو الفتوح باءه كده عامل زى الطفيليات - متطفل على اعلانات الناس المحترمين مش اكتر من كده http://www.nilemotors.net/nile/image...ahf%285%29.gif
ايه مصدر معلومه حضرتك ان مفيش نظام جوده محترم في المصنع....لان لو كدا اعتقد التوكيل يتسحب من ابو الفتوح لان الجوده مهمه جدا داخل اي مصنع خصوصا في مجال السيارات ....في مصنع ال بي واي دي في 2 صينيين مقيمين في مصر مخصوص لمرقبه الجوده و عيوب التصنيع و ارسال تقارير للشركه الام أول بأول ...اعتقد لازم يكون في زيهم في مصنع اسبييرانزا
معلش ان مختلف معاك اختلاف كليلا
الفشل الحقيقى ان لم يجى يصنع ال 1000 عربية يطلع منهم 999.99 عربية بايظة يعنى نسبة الفشل 100% هو ده ابو الفتوح فاشل بنسبة 100% هو و عربياته اللى بوظها
العربية ده لو مع توكيل محترم كان كسرت الدنيا انم ابو الفتوح للاسف خسف بيها الارض الواحد بيسمع عن علب ديكيسون و مسعدين و وووووووووووووووووو و تشكيله كده عجيبة - و للاسف الناس برده بتروح تشجعه و تشتير عربياته وكانه :120105~352:
انا عن نفسى بتكلم عن مشكلة حقيقية حصلت معايا والامانة انى انقل تجربتى لكل الناس اللى اعرفها وهم قادرين على اتخاذ قرار الشراء من عدمة
يا جماعه انا كل ما اشوف العربيات الصينى انتشرت بالشكل دا الضرب كف على كف معقوله المستهلك المصرى بقى ساذج بالشكل دا مع كل الاكترام لملاك العربيات الصينى بس لو كان عندنا جهاز حمايه مستهلك محترم ماكنش حيبقى فيه عربيات صينى من الاساس زى اوروبا و امريكا لان دى مش عربيات اساسا انا عن نفسى لااعترف بالكورى و اليابانى فما بالكوا بالصينى ؟؟ معرووووووووووووووف ان العربيات الصح هى العربيات الاوروبى دا تكاسى موديل الستينات لسه شغاله و التكاسى الصينى الجديده بدات تبوظ من دلوقت بصراحه الى مش راكب عربيه اوروبى يبقى مش راكب عربيه من اساسو ودى و جهه نظرى طبعا
وطب ايه رايك فى اليابانى
انا معاك في ان العربيات الصيني غير معمره لكن مش معاك انك تقول اللي ميركبش اوروبي يبقي مركبش عربياات...لان في ياباني و في امريكاني و كلهم عربييات علي جوده عاليه و معمره زيها زي الاوروبي و اكتر كمان...بالذات اليباني...هي مدارس مش اكتر...اوروبا و المانيا تحديدا بتعمل سيارات بتكلفه عااليه جدا و جوده عااااليه جدا و بتبيع بسعر غااااالي جدا و مش مهم عندو انو يغرق السوق لانو شايف انو بيصنع عربيه للطبقات الراقيه ....اما اليباني بيشتغل بجوده عاليه برضو بس بيبيع بسعر اقل لان في بعض الخامات ارخض مثلا او بعض الاوبشنز بتبقي مش موجوده...لكن في النهايه بيصنع عربيه عمليه و اعتماديه و معمره وسعرها معقول فبينشتر اكتر و بيبيع اكتر من الاوروبي...اما الامريكان عربياتهم لا تقل عن الاوربي في الكفاءه و جوده الخامات و الرفاهيه لكنها غاليه و استهلاكها للبنزين نااااار..فتلاقيها مش منتشره اوي زي الاوروبي... بل ان السوق الامريكاني نفسو بدأت اليبان تغزوه في التسعينات عشان سياراتها ارخص من الامريكاني و كمان موفره في البنزين و تقدر تحمل خدمه شاقه...لان في امريكا المسافات طوويله زي السعوديه كدا و اكتر.....اما الكوري و الماليزي و الصيني فهم بس محتاجين شويه وقت للنضوج و دخول المنافسه في اوروبا و امريكا و ان كان الكوري احذ هذه الخطوه بالفعل...
يا استاذى العزيز وانا موافق ومؤيد لكلامك
كل الحكاية انى قلت ان العربية نفسها ماشية فالصين وحلوة لكنا لتجميع المصرى بوظها
وكل الفكرة ان مش كل العربيات الى محطوط عليها كلمة صيييييييييييييينى
تبقى سيئة ومتتركبش
وفى اخ بيقول العربيات الصينى مبتتركبش فى اوروبا لا هى بتتصدر وبتتركب ولكن مش زى الالمانى واليابانى لسبب واحد وهوتقارب السعر
يعنى لكيد لو اللانسر بسعرها الحقيقى الى برة مصر هنا وفنفس سعرها العربيةة الصينى كنت جبت اليابانى اكيد
لكن كلامك فالاصل انا مؤيد لية وبتفق معاة مليون المية
يا جماعة انا دايما اقول العربيات الصيني مش كله وحشة
بس هي عاملة زي البطيخة، يا حمرا......يا قرعة
ممكن واحد يشتري عربية صيني وتبقي احلي من الياباني، بس ييجي واحد تاني يشتري نفس العر بية تبقي العجلة احسن منها
مافيش عربيات صيني في اوروبا وممنوع استيرادها أساسا
انا اول مره اسمع المعلومه دي ...بس هو عموما لو في صيني في اوروبا هيكون بجوده و مقاييس غير اللي بتنزلنا تماما ...لان الصيني درجات في كل المنتجات...من اول العرايس البلاستك لحد العربيات....يعني المنتج اللي بيجي مصر غير اللي رايح للخليج غير اللي بيروح اوروبا او امريكا...و طبعا احنا بيجلنا اردء حاجه عشان هما عارفين اننا بنهتم بالسعر اكثر من الجوده:36_7_4[1]: