الموضوع: هو دة حلال ولا حرام ادى تجربتى واحكوموا

وشكرا يا جماعة على ردودكوا بس اللى معاة العربية ربنا يبركلوا اللى هيجيب نصيحة لوجة اللة بلاش

المشاركة الأصلية كتبت بواسطة odaoda

بما ان حضرتك بتكلم عن الصين
مقولتش لية بالمرة ان احنا كل سنة بنستورد كميرة اسلحة رهيبة من الصين
وان معظم الصواريخ بتيجى من هناك
ومش احنا بس لا
احنا ومعظم دول افريقيا والشرق الاوسط ان لم يكن اجمعهم
حضرتك اعمل سيرش كدة علنت وشوف البوارج الى مستوردينها من هناك والصواريخ الحربية والغواصات
لدرجة انى افتكرت ان جيشنا تسليحة كلة من الصين
وبصراحة معرفش اذا كنا بنستورد اية تانى
لكن زى ما حضرتك بتقول قلم جاف بنص جنية ويبوظ
بردو بيصدرولنا القلم ابو 250 جنية
ومعظم اجهزة الكمبيوتر بمكوناتها كلها صينى
و 90 فلمية من الاب توب فمصر صينى لدرجة انى بقيت نفسى اشوف حاجة مش صينى وانا بشترى لاب من سنة
جميع الاجهزة الكهربية معظمها صينى من اول الكاميرا الديجيتال لحد ما لا نهاية
ودة كلة بعيدا انى عندى عربية صينى او لا
انا مش بدافع عشان اقنع حد ان الصينى حلو ولا حاجة
كل واحد حر لا رأىاى حد هيأثر فقناعتى بمنتجى حاجة
واتمنى بردو ان راىى الشخصى انا ميأثرش فقناعة حد مش مقتنع بالصينى حاجة
كل واحد على قد فلوسة وعلى قد امكانياتة واحتياجاتة
ومشكور يا باشا عالمشاركة واعذرنى لو اسلوبى حاد انا مقصدش والله

لا يا صاحبى احنا بنتكلم ومفيش اى مشاكل فى الكلاام . بس هى كل الحكاية انى مرة داخل مدينة الشروق ودة طريقى ونا بروح لقيت عربية اسبرنزا من اللى شغالين تاكسى دول وفى مطب عالى وواطى هوا يعنى بس ناشف شوية ونا بحس انو ناشف فى الحارة الشمال وهو كان ماشى فيها واخدة لقيت العربية بتاعت الراجل رمت يمين مرة واحدة وعلى الرصيف الناحية التانية ... مكنش بيجرى جامد 100 كيلو او 90 وماشى عادى طيب يا ناس انا راضى بذمت اى حد هنا لو راكب 128 بلااش شاهين او 131 او 132 لو راكب سوزوكى التو ولاا ماروتى يحصل كدة بعدنا عن الالمانى واليابنى والفلوس فى حين ان انتو بتشترو عربية ب 70 و 80 الف جنية عشان يبقى الاسم والميزة الوحيدة زيرووووووووو وبالفلوس دى تركبو اجدع عربيات فى مصر ... طب حطة نفسكم كدة مكان الراكب اللى كان راكب مع سواق التاكسى والخوف والرعب اللى عاشة طب دة الحمد الله انة مكنش لسة طلع على طريق السويس وربنا ستر عليه ....

1) بداية استلام السيارة المكيف كان لا يعمل ودواسة البنزين بتقطع، تم ضبطهم بصعوبهوبعد عده زيارات للتوكيل وعده خناقات أيضا.

ماحدش بيستلم عربيه فيها حاجه مش مظبوطه اصلا فما بالكم لو التكيف شغالالا لو مسكين عليه ذله


اقتباس:

2) العفشة ناشفة جدا وتحس بكل زلطة في الطريق وتسمع أصوات غريبة وانت بتلف يمين أوشمال حتى بعد تعديل العفشة .

مشعارف هوا يقصد بالنشوفيه انها بتاخد المطب بعنف وتترج جامد ولا ايه لكن تجربتي هيابتاخد المطب بهداوه اما بخصوص الصوت فعلا بيظهر صوت من الدركسيون زي مايكون مادليةالمفاتيح بتخبط في الفبره بس ودا مع النقر والحفر فقط ومش باستمرار كمان ومافيش خبطمع اليمين او الشمال اما بخصوص الزلطه الي بيسمعها في الطريق فعلا لو خبطت فيها منتحت زلطه وهي ماشيه تسمعها لان عزل الصوت فيها مش حلو


اقتباس:

3) سحبها ضعيف جدا خاصة عند تشغيل التكييف وياسلام لو كنت محمل معاك ناس في العربيةوطالع كبري في عز الظهر (فضيـــــــــــــــحة)، وحتلاقي في الأحوال العادية واللهبلا مبالغة الـ 128 بتسبقك في الطلعة وكذلك جميع السيارات الـ 1300 والـ 1600 طبعا، وموضوع انها 117 حصان وانها 147 نيوتن ده كلام فاضي وكذب عن تجربة وهي من واقعالتجارب تقدر تقول انها فعليا 90 حصان ، 130نيوتن/م

انا كنت بعاني من دالما جبتها ومكنتش اعرف ان لازم احط فيها بنزين 92 ولما قالولي في التوكيل لازم تحط 92 بعد مرتين تفويله لقيت الاداء بتاعها اتغير خالص ومش بقت تتاثر بالحموله اماالتكيف فبيهد المحرك شويه صغيره تلاحظها لو كبست الدواسه على اخرها ودا تقريبا تبعبرنامج السياره الخاص باستهلاك البنزين


اقتباس:

4) في المطبات وما أكثرها تسمع صوت طقطقة قدام ولما المطب ييجي وره تسمع نفس الصوت وراوهو صوت ثابت في المطبات ومنتظم. (سوف تتعودعليه).

تمت الاجابه في النقطه اليفاتت اما بخصوص الطقطقه الي ورا فمافيهاش اي صوت ورا خالص


اقتباس:

5) صفارة الفرامل وخاصة عندما تسخن الطنابير تحس انك ماشي بصفارة ممتازة تغنيك عن أيكلاكس (أيضا فضيحة)، نوعية التيل سيئ جدا بياكل الطنابير ، وكذلك نوعية الطنابيرسيئة جدا - الطنابير اتاكلت بعد 20الف كيلو - طبعا خارجالضمان.

انا كنت اسمع انهافعلا كانت بتصفر وتمت حلها من زمااااان ودلوقتي مفيش اي شكوى من الفرامل ولا منالطنابير والسياره لها جدول لتغير التيل كل 15 الف واكيد لو مشيت عليه وهو فاضيهيبوظ الطنابير لو ما التزمتش بجدول الصيانه


اقتباس:

6) التابلوه بدأ يتقوس ويقب من الشمس ولسة العربية ما كملتش سنة !!

دي واسعه شويه


اقتباس:

7) الباغة الخاصة بالكلاكس في الدركسيون غير حساسة وأحيانا بتعلق ونوعيتها رديئة .

هوا افتكرها عيب بس دا مشعيب خالص هقولكم ,, دواسة البنزين والكلاكس والغماز بتاع النور العالي فيهم ديليشويه يعني تاخير يعني لو عملت تقليب بالنور العالي كذا مره ورا بعض هتلاقي النورعالي شغال مش بيطفي وينور وكمان الكلاكس نفس النظام لو دوست وسيبت كذا مره بسرعههتلاقيه بيزمر كان دايس على طول اما بقى دواسة البنزين فدي مشكلتي الحقيقيه معالعربيهاحيانا يستلزم الامر اني ادوس واسيب ودوس واسيب مره واحده وساعتها بلاقيياما تنتيش ياما مفيش استجابه ودا للحظات وبعد كده تستجيب وانا شايف ان الموضوع داحله الفتيس الاتوماتيك او الواير العادي وبلاش حكايه الدواسه الكهربا دي


اقتباس:

8) الدوكو الخاص بالسيارة خفيف جدا لو عملتوا بأظافرك حيطلع علطول والاكصدام الأماميوالخلفي بدأوا في التقشير بعد الشهر الأول!!

دي كمان واسعه شويه


اقتباس:

9) صوت المارشدير عالي جدا (أيضا فضيحة ) الفتيس بيعض في المارشدير حتى بعد ضبطه فيالتوكيل ( لكن حتتعود عليه)

ديكانت بتحصل معايا واكتشفت الامر اني لما اروح اغسل العربيه ويحطو ورق كده علىالدواسات بعد شويه الورق دا بيتني تحت الدبرياج ومش بياخد الحركه بتاعته كاملهوعشان كده النقلات بتعض اما لما اشيل الورق داخالص اوافرده تاني المشكله بتروح


اقتباس:

10) عيب قوي جدا في تصميم الموتور وأنه مقلوب ستجد الهيدرز الخاصة بالشكمان والفرن تموضعهم إلى الداخل ناحية السائق والتابلوه وليس إلى الخارج كما هو الحال في جميعالسيارات الأخرى المحترمة (فهل هذا اختراع جديد ؟) مما يسبب دخول حرارة الشكمان إلىالداخل ودليل ذلك حط يدك على الكاسيت بعد السير لفترة طويلة حتلاقيه مولع وسخن جدا، انا كنت مركب صفارة انذار في الموتور ساحت واضطررت لتغييرها من سخونة الموتور ،فحركة قلب الموتور سيئة جدا وفكرة فاشلة تضر بالسيارة على المدىالبعيد.

في سيارات المحركبتاعها كده وياباني كمان اكيد انتو عارفين وفي عازل حراره باين وواضح في الجزء اليخلف المحرك في جسم السياره ,, واكيد الصينيين مش غاوين يقرفو الناس وسهل عليهم جدايعملو بالعكس لكن هوا دا تصميم العربيه الاصلح اكيد ,, الكاسيت لو شغلته والعربيهوقفه هيسخن مع نفسه وخلو بالكو ان الكاسيت بتاعها في اوبشن انه ممكن يشتغل ديمو حتىلو مطفي ودا كمان بيخليه يسخن وانت فاتح الكونتاكت وطالما الكاسيت سخن من حرارةالشكمان كان من باب اولى اجزاء الطابلوه التانيه تسخن برضو ولا ايه؟؟؟


اقتباس:

11) سماعات الكاسيت الأمامية كانت لا تعمل وتم ضبطها في توكيل كلاريون (السيارة زيرو !!!)

مشكلة تقفيل عاديه


اقتباس:

12) التوكيل وما أدراك ما التوكيل المعاملة الفعلية سيئة جدا جدا جدا ، لا تنخدعبالابتسامة وحضرتك ويا افندم وتحت أمرك ... ، انا عايز واحد يشتمنى بس يصلحليالعيوب اللي رايح عشانها مش بعد ما أحجز قبلها بأسبوعين وأروح وأضيع يوم كامل وأدفعمبلغ لا بأس به أرجع البيت بنفس العيوب !!!! (ضحك علىالذقون)

انا بصراحه معاملتهممعايا كويسه ومش بستنى كتير كمان في الصياتات الي بعملها بس انا بروح بدري في يوممايكونش اجازه


اقتباس:

13) أسعار الصيانة غالية صيانة 10000كم 300 جنيه - صيانة 20000كم - 700 جنيه ولديايصالات دفع بذلك ،طبعا كتير جدا غير اللي كنت بأدفعه في الزيارات اللي في النص معالمعاناه مع حضرتك وتحت أمرك يا فندم والكلام الفارغ ده والنتيجة ولاحاجة.

الرقمين دول غلط اولاال10000 ب 450 تقريبا لان فيها بند تغير الزيت ودا بيعمل فوق ال300 و65 مصنعيه اما 20000 فدا رقم مبالغ فيه وانا بشوف ناس في التوكيل بيعملو الصيانه دي ومحدش بيدفعالرقم دا الا لو حد خابط عربيته وبيصلح فيها حاجه مع الصيانه بالمره بس انا لسهداخل على صيانه 15000 قريب


اقتباس:

14) سنتر الباب الخلفي يمين لا يعمل وذهبت للتوكيل 3 مرات دون جدوى السنتر مش موجودحاليا ياا فندم على مدى شهرين !!!!

كمان مشكلة تقفيل عاديه


اقتباس:

15) يوجد حدفة يمين لوجود عيب في الشاسيه باعتراف التوكيل وكثير من مالكيها سواء شعروابها أو لم يشعروا وليس لها حل .

انا سمعت بيها لكن الحمد لله مش عندي ولا عند حد من الي اعرفهم معاهمالعربيه ممكن تكون كانت مشكلة زوايا في المديلات الي نزلت في الاول واتحلت زي صفارةالفرامل


اقتباس:

وتقييمنهائي للسيارة أعطيها 60% وقد تكون جيده لمن كان لديه قبلها 128 - سيات 133 - 127- 125 أو شي من هذا القبيل مع احترامي الكامل لجميع السيارات السابقة ، وهي تصلح أكثرللسيدات وللاستخدام الخفيف غير كده للأسف مش حتنفع واللي حياخدها حيفكر يبيعها بعدأسبوع من شرائها .

ال 60 % راي شخصي اما لجودتها فهي جيده بالنسبه للسيارات الي من نفس فئتها السعريه وموديلها وممكن تتنافس معاهم وبشده وفي مشاركتين ليا في موضوع هنا (الفرق بين الانسر والاسبرانزا ) بغض النظر عن اسم الموضوع انا ذكرت فيه العيوب والمميزات الي لاقيتها في العربيه

وشكرا لحسن متابعتكم وانا رديت على الموضوع للمهتمين بالسياره وعاوزين يعرفو عنها اكتر واي سؤال عنها انا تحت امركم

المشاركة الأصلية كتبت بواسطة hamdy

يا جماعة الصيني مش وحش بس هو لسة قدامه شوية عقبال ما يتعلم من اخطاائه و يثبت نجاحه

وانا مؤيد بشدة

للمرة المليون ابعوا عن العربيات دى ابعدوا ابو الفتوح دة نصاب