-
الحارة اليمين للسرعة فقط
انا بجد انهردة متنرفز اخر حاجة الموقف دة انهردة
على كوبرى اكتوبر وانت راجع من وسط البلد بليل الطريق فاضى وانا ماشى بسرعة شوية طيب جميل سرعة 90 100 الطريق فاضى وسامح وواخد الحارة الشمال وماشى والقى سواق تاكسى ارعشة مفيش خت اليمين وعديت شوية ملاكى بردو ماشى شمال ومش عايز يعدينى العربيتين مشين 30 40 والطريق مفهوش عربية توحد ربنا طيب شوية عربية ثالثة نفس النظام 6 عربيات بالشكل دة قولت طيب خلينى على اليمين بس ابل مكتشف دة بهدلت سواق مكروباص مش عايز يتحتح اجى شمال مش عايز يوسع اجى يمين يقفل علية غباء المهم مشيت يمين وصلت البيت من غير كلكس واحد
طيب الناس دية متمشيش يمين لية هل ثقافة المرور انعدمت المهم شوية نزلت من كوبرى اكتوبر واذا بمكروباص نازل مسروخ وراية ولبس المطب عشان يلحقنى وبقلى اة قلى انت عملتة دة بقلة انت بتقفل علية لية قلى مسمعتكش طيب والنور مشفتوش بس رحت نازل انا و3 صحابى مسكتة من قفاة وكنت هديلة علقة لقيت واحد بيقلى من قلى كانو فى المكروباص خلاص ياعم الظابط لا تعليق خد قلى فية النصيب المهم السواق اتروق ترويقة حلوة احنا ممدناش ادينا لانة خاف ينزل اصلا بس طيب تعالة نحلل الموضوع
ماشى بسرعة 30 40 على الكوبرى 1 صباحا والكوبرى مفهوش حد على الشمال عادى اديلة نور مفيش كلكس مفيش طيب اخد يمينى يكسر علية طيب دة يتقلة اة انا بس لولا انى مش عايز انزل بمستواء تفكيرى لواحد مبيفهمش فى قواعد واسليب السواقة كنت اديتة علقة عشان يتعلم وميعملهاش تانى عشان كل ميجى يكررها قفاة يوجعة فيفتكر
بسسسسسسسسسسس لية الناس بتمشى سلحفة على الشمال واليمين سالك حلاوة
انا مشيت يمين حلاوة مفيش اى حاجة مشيت شمال كان هيجيلى الضغط
-
على فكرة مفيش غير الرجالة الكبار اللى فاهمة موضوع الحارة اليمين للسرعة فقط دة
لان يا سيدى الفاضل محدش اليومين دول فاهم الكلام دة خالص لان اولا شوارعنا ضيقة جدا جوا البلد و وواقفة فلما بيبقى مكان ماشى وواسع محدش بيجى فدماغة او بيفهم دة بالنسبة للى عندهم فكرة اصلا اللى هما ميكملوش 30% من سواقين العربيات بانواعها
و لو فكرت فيها زى اول ما قريت موضوعك قلت طيب انا عارفها من ابويا طيب اللى مش عارفة بقى هيعرفها منين اللى ابوة مقلهلوش و هو صغير مين هيقولة طيب هل هيا بتبقى فى امتحان القيادة لا انا ممتحن قريب و مكنتش فية طيب يعرفها منين اذا كان كل سواقين المكروباص دول معمهش رخص و خرجين سجون والكويسين منهم مش متعلمين او معندهمش فكرة و الباقى مثضيها غرز وسط العربيات
يعنى بذمتك دول فئة يسوقوا عربيات وسط البنى ادمين بس هنعمل اية
انا عن نفسى لما بيعملوة لجان عند الجامعة انا بروح بمكروباص حاليا مش بعربية مش بعرف اوصل الجامعة و محدش فاضى يوصلنا ولا عندنا عربية زيادة فى البيت و عربيتى بايظة و فات عليا امتحان قبل كدة كل دة بسبب ان مافيش مكروباص
حاجة سيئة جدا و مفيدة جدا لناس و انا بكرة سواقتهم و برخم عليهم و بستنى واحد فيهم يقول كلمة و بنزل اضربة لانى عصبى جدا و ببقى فى اشد الحاجة ليهم لو مش معايا عربية فمفيش حل غير اننا نعلمهم سواقة هتقولى نحط لجان هقولك مش هتبقى بتفكر غير فى نفسك لان المكروباص هيشوفلة طريق تانى و خط تانى و الناس حالها هيوقف علشان معهمش عربيات زى حضرتك
فالموضوع كلة لا حل لان اصلا اللى مشغلينهم امناء شرطة و هما اللى سيبنهم فى الشوارع و بياخدوا منهم اتوات و الكلام دة عارفة اى واحد بيركب الميكروباص
احنا بلدنا عايزة تتغير من الباطن اصلا مينفعش فيها خل يعنى انتا تهد و تطلع ببرج جديد هههههه
طبعا معناش فلوس و محدش هيعمل كدة يبقى تستحمل بقى العيشة دية ياما سافر برة و عيش صح
واللى عندة حل يقولوة مياعدش يقول مشاكل كل الناس عارفاها و بتحصل كل يوم انتا فى بلد جهل و ملهاش طريق هتعمل اية ؟؟؟؟
-
اللمبي : -
انتباه يا معلمين .. محدش فاهم حاجة خالص !
-
اعتقد ان مصر هى البلد الوحيد اللى اليمين فيها ماشى والشمال واقف ودة عن تجربة سنتين على الدائرى من المريوطية الى مدينة نصر :)
-
if you can't stop them join them
بس طبعا مش فى كل الحاجات بس ينفع فى السواقة فى مصر
-
محدش فاهم حاجة اهه كله ماسك الجادون بتاع العربيه ( الدركسيون ) و ماشي و خلاص طالما عرف فايدة البنزين و الفرامل يبقي بيعرف يسوق
-
بأختصار و من الاخر ....
المفروض يتعمل لجان مرور تلم الرخص من الناس كلها و يعيدوا تعليمهم و أمتحانهم من جديد و اللي ينجح علي حق هو بس اللي يأخد رخصته و انا متاكد ان لو الناس اللي بتسوق دي دخلت أي امتحان مرور هاتكون النتيجة ان شوارع مصر كلها هاتكون فاضية تاني يوم و مافيهاش عربية واحدة توحد ربنا ماشية
و الي حين أن يتحقق هذا الحلم أشوفكم علي خير
مع خالص تحياتي
م/ سمير الشهاوي
-
على فكرة هو واقعيا اليمين هو للسرعات العالية والشمال للسرعات البطيئة
بدليل أنك هتلاقى النقل الثقيل كلة على الشمال (مرة كنت رايح 6 أكتوبر وكان فعلا كل النقل التقيل بلا أستثناء ماشي شمال) وهتلاقي الحُفر كلها شمال ، وهتلاقي الغرز والتخطي أغلبه يمين مش شمال
بس على فكرة أنا بعمل الحركة اللى حضرتك قولت عليها (أنى مبعديش اللي ورايا حتى لو رعشلي ) فى حالة أني ماشي على الدائري مثلا وواخد الحارة الشمال (فى الغالب باخد الحارة اللى قبل الأخيرة)وماشي على 90( السرعة القصوى) والأخ اللى ورايا طاير ، يبقى يهدي هو ويمشي مُحترم
-
والله العظيم واحد صاحبى قالى الكلمة دية ........كان قاعد جامبى والشارع كلة واقف وانا واقف فى الشمال بقالى فترة واليمين عمال يتحرك !!!! فبيقولى مبتخدش يمين لية يابنى دة اليمين ديما الاسرع !!!!!؟؟
-
القيادة فن ذوق اخلاق ,
قوللي الناس ده مين اللي هيعلماه فن القيادة ,
غير موضوع البنزين و الفرامل ,
و هما اساساً معندهمش ذوق أو أخلاق ,
Content Relevant URLs by
vBSEO 3.6.0 PL2