الموضوع: لكل الكياوية ايه انطباعكم عن ثبات السيراتو فورتي

المشاركة الأصلية كتبت بواسطة nedaloo

صباح الفل لكل الكياوية عايز اعرف انطباعكم عن ثبات النيو سيراتو على السرعات العالية فوق 120 و على المنعطفات وعند الانعطاف المفاجئ وعند الغرز بسرعات عالية عشان سمعت ان السيراتو ليها نفس عفشة الالانترا وقال الالانترا خفيفة و ممكن تعوم بسهولة الكلام ده صح ولا فتاوى وعايز نصيحة اشتريها ولا ابحث عن عربية تانية تحياتى

أولا عفشه السيراتو مختلفة عن عفشه الالنترا تمام نظام التعليق الخلفي مختلف
أما بالنسبة للثبات السيراتو اختلف عليه الكثير
في ناس بتقول العربية ثابتة عالسرعات العالية وناس بتقول لأ
أنا مجربتهاش
ولكن من خلال تجرب الناس اللي اعرفها
العربية ثابتة في الطريق العادي مهما كانت السرعة
أعتقد المشكلة في الملفات بتفقد العربية جزء من توزنها
وده مجرد رأي شخصي مش مبني بتجربة السيارة

المشاركة الأصلية كتبت بواسطة mastr_n

اهلا وسهلا بيك معانا هنا

بصفتى مالك للعربية اقدر احكم على ثباتها
العربية والحمد للة ثباتها مقبول جدا على السرعات العالية وفى المنحنيات بس دة يرجع للسايق هوة الى بيتحكم فى العربية
انا بمشى بيها 120 لحد 140 وزى الفل الحمد للة باخد بيها غرز والعربية استجابتها عالية اوى ومختلفة تماما على الالنترا لان الالنترا باحس وانا سايقها انى بلعب بالية مائى العربية دية عويمة درجة اولى بجد وعن تجربة لازم تكون حذر جدا وانت سايقها.
دة على شان الباور بتاعها كهرباء يعنى مياة اما السيراتو باور هيدروليك مش كهرباء .

بالنسبة للعفشة الالنترا تعليق خلفى مستقل ودة بيدى راحة اكتر للركاب وخصوصا الى فى الخلف
اما السيراتو تعليقها الخلفى يسمى توريشيم بيم واتكلمنا فى الموضوع دة كتير فى المنتدى هنا والنوع دة فية ثبات اكتر
مع وجود نشوفية وعدم راحة نسبية للراكب الخلفى.

فى النهاية ارجو انى اكون افدتك

+1111111111111111111111

أهلا بيك عندنا

الموضوع ده هتلاقي فيه رد لمعظم تساؤلاتك
http://www.nilemotors.net/Nile/157541-a.html

الف شكر ياجماعة عالافادة باذن الله
هاحجز سيراتو بصراحة القوانين عندنا في سوريا تمنع تجاوز السرعة فوق 120 وركبوا رادارات وكاميرات محمولة من الشرطة يعني مستحيل حد يتجاوز السرعة الا لو عاوز يدفع غرامة محترمة ;-) تحياتى للجميع

بص يا باشا انا ححكيلك علي موقف ومش في عربيتي السيراتو - صديقي اشتري سيراتو وكيل جنط 16 من حوالي 4 شهور وجت فرصه انه يجرب عربيتي قبل ما يشتري واقتنع بيها جدا لكن عايز جنط 16 عشان ارخص وفيها نفس الكماليات تقريبا

عموما بعد ما اشتراها قالي يوم تعالي جرب بقي الجنط ال 16 - وقد كان

طلعنا طريق الدائري من عند الحي العاشر مدينه نصر متجهين الي الرحاب الساعة 2 صباحا

الطريق جميل والعربية لينت خلاص وقد كان

خدت الحاره الشمال وبجري في لمعقول 100 -130 بالكتير 140 عشان مش عربيتي - وفجاه ميكروباص كان ماشي قدامي وشيل ومحمل - وهوووووب شوال مليان دره وقع من الميكرباص في الحاره الشمال

العربية اللي قدامي لانوس ملحقش يفادي - راح واخده في سدر العربية وحادف يمين ( ماكنش ماشي بسرعه الحمد لله لكن العربيه راحت مرجعتش وعرضت


انا كنت بجري 130 تقريبا لقيت صاحبي - حااااااااااااسببببببببببب

بدون اي سابق انذار ببص لقيت المصيبة دي قدامي

روحت لامم شمال علي قد مقدر عشان ابعد عن اللانوس اللي معرضة قدامي في الحاره التانيه - لقيتني حدخل في السور بتاع النص

يدوب عديت من الشوال والانوس ولميت تاني جامد قوي يمين عشان ابعد عن السور


السيراتو راحت في اللمه دي لمدة 5 ثواني - خدها يمين في شمال في يمين لحد ما ظبطت وكملت لحد موقفت


احب اقولك حاجة ( انا ملمستش الفرامل وكمان مشلتش رجلي من علي البنزين )
تفتكر دي ثباتها ايه ؟؟؟؟؟؟؟؟؟


وكمان دي جنط ال 16

انا بصراحه اللي لاحظتو
انو لو ماشي 100,,,,120 علي كوبري اكتوبر ,,, و لو في ملف
العربيه بتلعب من ورا لما اعدي علي فاصل
بس بتلم نفسها علطول

انا جربت الكوبية 2011 سابتة موت