يا جماعة حرام تشحنوا فريون ب الاسعار دة اشترى فريون ب 50 جنيو تبر جاز و روح اشحنة ب 20 جنية و انا جربت و لقيت الفرق رهيييييب كل بتوع الفريون بيملوا الاسطوانات كولكشن فريون و التبريد بيقل بعد شهر بالكتير
عرض للطباعة
يا جماعة حرام تشحنوا فريون ب الاسعار دة اشترى فريون ب 50 جنيو تبر جاز و روح اشحنة ب 20 جنية و انا جربت و لقيت الفرق رهيييييب كل بتوع الفريون بيملوا الاسطوانات كولكشن فريون و التبريد بيقل بعد شهر بالكتير
كلام جميل بس الفريون اللى الراجل شحن بية br ودة نوع اظن انة حاجة نضيفة مش صينى وكدة والحمد للة لسة التكييف بيتلج حتى فى عز الايام الحر و الفريون الصينى بيتكشف فى الايام دى لانو مش بيسقع خالص وكدة انا عامل شهرين تقريبا بعد الشحن وانا نفسى اعمل كدة واجيب فريونى بنفسى وابقى ضامنة واكيد اوفرلى بس خايف باة من تلاكيك الصنايعية زى ما شرحت فى مشاركتى
السلام عليكم يا رجالة احلى منتدى انا روحت يوم الجمعة اللى فاتت (16-7-2010) للراجل ده و صلحت عنده التكيف بتاع عربيتى لانه كان خربان عندى خالص ماكنش محصل حتى مروحة.
الراجل بص شوية عندى على تكييف العربية وابتدى يقولى على المشاكل اللى عندى وكانت كلها مشاكل تسريب فيريون من (a-->z) المهم مش هاطول اكتر من كده عليكم
انا اتبسط من شغلة وحسيت انه فاهم فى شغلة كويس ومش عايز يكلفك اوى فى المصاريف وكمان اللى شغالين عندوه
بس للامانة انا التكييف عندى بقى تمام الحمدلله ومستنى شويه كده عشان يطمئن قلبى من شغلة
للى عندوه مشكلة و حابب يروح ديه شوية معلومات عنه
اسم الورشة:الهندسية لتكييف السيارات
العنوان:2 عمارات الاوقاف-ارض اللواء-المهندسين-خلف كافيتريا مارينا
اسمه:احمد عبد المنعم (وتسألو عليه بالاسم ده لو تهوته) هو مافيش اساسا غيروه بتاع تكييفات
الموبايل:0125566609 اخروه رقم 9 مش 6
انا هاقلكو على الحاجات اللى غيرتها وتكلفتها عشان تعم الفائدة
العربية دايو لانوس 99
1-شحن فريون 150 ج R134 بيقول انه امريكى من مستورد اسمه MG
2-عدد 2 اويل سيل (كاوتش) 20ج اتركبو على ماسورتين داخلين على صدر العربية
2-عدد 2 اويل سيل (حديد على كاوتش) 40ج اتركبو فى وش الكباس
3-عدد 4 اويل سيل (كاوتش) 10ج 2 اتركبو على الفلتر ,2 فى ماسورة التكييف اللى جنب الرفرف الشمال من ناحية صدر العربية
4-غيرت البلف اللى بيتملى منه الفريون 60 ج بس بلف ابره زى بتاع الكاوتش كدة وهو احسن من اللى فى العربيه اللى هو بلية
انا كده خلص معانتى مع ام التكييف
اختبر درجة التسقيع و الحمدلله وصلت درجة الحرارة لــ 0 ما شاء الله ان واالهى ما بهزر وكنت بردان لما دخلت العربيه
يارب اكون افدت والفايده تعم
الف مبروك يا باشا ، الراجل ده فعلا مكسب لينا ، بس انت قلت له انك من نايل موتورز ولا لا .
اكيد طبعا يا باشا انا قولتله انى سمعت عنك من منتدى نايل موتورز وان كل الناس بتشكر فيك ودا باب رزق جديد وخد بالك منه وحافظ علية وان اهم حاجة عندى هو بعد الصيانة لو حصلت حاجة هاجيلك و مش هتدفع ولا مليم تانى وياريت كل اللى يروحله يكلمة بنفس النظام يا رجاله
الف مبروك ياباشا
وبصراحة شجعتوا الواحد انه يروحله ويجربه
جزاكم الله خيرا
السلام عليكم
الحمد لله روحت امبارح ل أحمد تكييف بتاع ارض اللواء بصراحة الاخوة مكدبوش الراجل في منتهي الذوق والاحترام ومش بتاع اشتغالات واول ما عرف اني جيله من المنتدي وان الناس بتشكر فيه هو بصراحة اشتغل علي طول في العربية رغم اني جيله من غير حجز او حاجة وخاصة لما عرف اني جيله من مدينة نصر (مشوار يعني)المهم كشفلي علي الدورة ولقي تسريب من الاويل سيل الي في وش الكياس ومن الي في الفلتر هو قلي نغير دول بس ولا طقم كامل بصراحة انا قولتله غيرلي الطقم كله بالمرة الموضوع خدله حوالي ساعتين ونصف وبعدين كشف تاني وشحن (وراني علبة الفريون هو امريكاني r134) وبعدين قاس درجة الحرارة والحمد لله وصلت لغاية 3تحت الصفر .
(ربنا يستر ويكمل علي كدة وانا تحت امركم يا جماعة في اي استفسار)
صحيح شكر خاص لاستاذ احمد عمارة واستاذ اسلام علي نقل تجربتهم الي فادتني وجزاكم الله خيرا
اخوكم في الله احمد شعراوي