كذبة واسطورة المدة اللازمة لتغير زيت السيارة

**MEDO80** · 24-02-2008 03:43 PM

المشاركة الأصلية كتبت بواسطة Ahmad Allawy

والله اللي سمعته وقولته في تعليقي انه صح..
ده علي كلام قريبي اللي شغال في كالتكس..
علشان بيحصل تكثيف لأبخرة ميه في الموتور جوة وحاجات تانية بتقلل كفاءة الزيت جامد..

بس 6 شهور اكيد ؟ اصل بره تلاقي في اعلانات موبيل بيقولوا سنة و في دليل استخدام السياره برضة سنة في حالة الاستخدام العادي
ماشي حنقول احنا مش زيهم بس 6 شهور كدا شوية و خصوصا لو كنت باعملي فيهم حوالي 5 الاف بس
طيب 8 شهور مثلا
انا اعرف واحد دكتور معاه اوكتافيا بيحكيلي مره انهم في التوكيل سابوا الموبيل1 سنة و شهرين( اه ولاهي) و العربية سليمة جدا حتي الان

**ahmedsiyam** · 03-03-2008 02:45 PM

يا شباب الرجاء الاخذ فى الاعتبار التالى
* طريقة القيادة لانه بيتوقف عليها لزوجة الزيت و امتى هايحتاج تغيير و طبعا كل لما سواقتك تكون هادية و ناعمة الزيت يقعد معاك اكتر
* الظروف التشغيلية بمعنى هل اغلب سواقتك على طرق سريعة و لا داخل المدينة علما بان اغلب القيادة على الطرق السريعة بتدى فرصة للزيت انه يقعد اكتر
و مراعاة تغيير الفلتر مع كل تغيير زيت لان بلدنا جوها مترب للغاية و الزيوت التخليقية زيى موبيل 1 و خلافه تتغير لو مشيت فى هواء بتراب لمدة تزيد عن ساعة

**pinkfloyd** · 04-03-2008 02:54 PM

على فكرة انا بغير علطول على 10000 او 15000 الف كيلو من سنين طويله

ومرة نسيت الزيت عمل حوالى 20000 الف كيلو ولا حاحاجة حصلت وكله تمام

**وائل عطية** · 04-03-2008 03:17 PM

وأنا في توكيل فورد في 6 أكتوبر لقيت عميل هناك رايح يعمل للفوكاس 2007 بتاعته أول صيانة بعد ما اشتراها، تخيلوا !!
كان عامل بالعربية 12 ألف ومغيرش الزيت اللي بيجي في العربية والمفروض تغييره بعد ألف كم ..والعربية كانت زي الفل ومفيش أي مشاكل فيها نهائي

**Dr_Smart** · 07-03-2008 06:58 PM

على فكرة يا جماعة عربيتي موديل 83 ومكتوب على الكبوت من جوه عن تغيير الزيت الاتي :

API SD every 5000 KM OR 3 MONTHS

API SE every 10000 KM OR 6 MONTHS

مابالكم بقى دلوقتي احنا بنستخدم SJ , SL , SM يعني اغير الزيت السوبر ال SJ على عشر الاف وانا مستريح بقى ...

بس برضو نرجع ونقول ان الزيت المصري جودته وحشة ... وظروف التشغيل في المدينة وحشة

**حماده عزو** · 07-03-2008 10:36 PM

أنا لسه مغير زيت أمارات من يومين
وده جركن جاى من بره بس شكلو نضيف أوى وهجربو أن شاء الله لحد ال6000 كيلو وأقولكو على نتيجه التجربه (علما بأننا داخلين على فصل الصيف ) بس مولاحظاتى عليه انو
1- شكلو أنضف بكتير فى الفنش
2- لون الزيت نقى جدا تحس انو زوجاجى او شفاف
3- مدينى أحساس أن كول حاجه فى العربيه تمام

**MEDO80** · 07-03-2008 11:39 PM

مانيوال الستخدام بتاع الفيرنا بيقول نوع زيت اس جي sg 12 شهر او 15 الف
او لو استخدام قاسي 6 شهور او 7 الاف و نصف كيلو

**elpasha009** · 08-03-2008 12:49 AM

يا جماعة أنا مكنتش عاوز أكتب هنا غير لما أجرب المهم:
أنا بستعمل زيت شيل ألترا 10000 كيلو وبغير دايما من 8 الى 10 ألاف بالكتير لأن استخدامي للعربية شاق جدا(بعمل في الشهر الواحد 5000 كيلو وعربيتي لانسر 2007 وحوالي من 500 الى 1000 كيلو في الشهر عبارة عن مشي في الصحراء وتراب طبعا ملوش حل )وكل لما باجي أغير بتبقى اللزوجة زي ما هي مختلفتش من يوم ما حطيته.بس بيبقى اللون اسود بنسبة 70% وعلى فكرة بيبتدي يوصل للنسبة ده لما أعدي 7000 كبلو.
المهم أنا دلوقتي سايب الزيت 11500 كيلو واللون اسود بنسبة 70% واللزوجة متخيرتش لسه ومستعد أقابل أي حد في أي مكان يشوف الزيت بنفسه:)وأنا مش هغيره غير على 15000 ألف أو لو حسيت ان اللزوجة بتقل
فعلا الموضوع ده اشاعات لزيادة المبيعات