كذبة واسطورة المدة اللازمة لتغير زيت السيارة

**bimmeraddict** · 14-03-2008 05:23 PM

المشاركة الأصلية كتبت بواسطة karim_monir

لو سمحت الزم حدودك وانت بتتكلم معايا
انا مش بفتي لكن بنقل كلام مهندس في شل
اللي هو اعلم منك ومني 100 مرة بحكم تخصصه
ونفس كلام مهندس خالد سبعاوي اللي هو مهندس ميكانيكا وخبرتة لا يستهان بها
ومش انت اللي هاتعرفني درجة حرارة الموتور كام قبل وبعد التشغيل
وانا موجهتلكش كلام عايز تقراه وانت ساكت اقراه
عايز تعترض تتكلم باسلوب احسن من كدة
اما عن الحذف شوف انت بتحط مشاركاتك فين وبعدين ترجع تقول بتتحذف

أنا أسف لو صغت اجابتي بطريقة مستفزة,كما اني ألزم حدودي سواء وأنا بتكلم معاك أو مع باقي الأعضاء لأنك ليست لك افضلية على أي عضو أخر في هذا المنتدى الرائع .
أما بالنسبة لتأثر الزيت بالبرد والحر فأعتقد أن الأفاظ خانتك وأن قصدك: (أن الزيت التخليقي عشان تتغير لزوجتة تبعا لدرجة الحرارة فيضاف لة بوليمرات وهذة البوليمرات تتاثر بدرجات الحرارة المختلفة فتتمدد وتنكمش تبعا لدرجة الحرارة وكلما زاد الفرق بين درجتي اللزوجة المراد من الزيت الانتقال بينهما كلما كانت البوليمرات أكثر قابلية للتفكك والانحلال وعدم القيام بوظيفتها بمثالية بعد فترة معينة ولذا فان سيارات السباق تستعمل زيوت الفرق بين درجتي لزوجتها أقل ما يمكن مثل 0w-30 ,ولذا وجب تغيير الزيت التخليقي متعدد الدرجات كل فترة معينة ليس لخلل في أداء الزيت ولكن لخلل في أداء البوليمرات,وشكرا

**Karim_Monir** · 15-03-2008 02:38 AM

المشاركة الأصلية كتبت بواسطة bimmeraddict

أنا أسف لو صغت اجابتي بطريقة مستفزة,كما اني ألزم حدودي سواء وأنا بتكلم معاك أو مع باقي الأعضاء لأنك ليست لك افضلية على أي عضو أخر في هذا المنتدى الرائع .
أما بالنسبة لتأثر الزيت بالبرد والحر فأعتقد أن الأفاظ خانتك وأن قصدك: (أن الزيت التخليقي عشان تتغير لزوجتة تبعا لدرجة الحرارة فيضاف لة بوليمرات وهذة البوليمرات تتاثر بدرجات الحرارة المختلفة فتتمدد وتنكمش تبعا لدرجة الحرارة وكلما زاد الفرق بين درجتي اللزوجة المراد من الزيت الانتقال بينهما كلما كانت البوليمرات أكثر قابلية للتفكك والانحلال وعدم القيام بوظيفتها بمثالية بعد فترة معينة ولذا فان سيارات السباق تستعمل زيوت الفرق بين درجتي لزوجتها أقل ما يمكن مثل 0w-30 ,ولذا وجب تغيير الزيت التخليقي متعدد الدرجات كل فترة معينة ليس لخلل في أداء الزيت ولكن لخلل في أداء البوليمرات,وشكرا

اولا لما تضع في كلام (ايه الفتي ده) اكيد دي طريقة مستفزة لاي انسان عندة ذرة احترام لنفسة
اما عن الافضلية انا ماتكلمتش عن نفسي انا بتكلم عن اسلوب وحدود في الحوار ماسمحش لاي انسان انه يتجاوزها معي الا لو انت حاسس بنقص معين يخليك تحس اني لي الافضلية ده مايخصنيش
اما لطريقة الشرح فانا بتكلم من حيث خلاصة الكلام وهو عن اي فترة يجب تغيير الزيت بغض النظر عن تغيير خواص البوليمر او لاء
لان العضو العادي البسيط ما يهموش التفاصيل الفنية دي ولكن يهمة يتغير الزيت كل فترة قد ايه وده اللي انا وضحتة باختصار وسيادتك كدبتة بمنتهي البساطة بل وباسلوب مستفز

**bimmeraddict** · 15-03-2008 07:42 PM

المشاركة الأصلية كتبت بواسطة karim_monir

لان العضو العادي البسيط ما يهموش التفاصيل الفنية دي ولكن يهمة يتغير الزيت كل فترة قد ايه

أسف مضطر أختلف معاك مرة ثانية فنحن لسنا أولياء على الأعضاء حتى نحدد ما يهمة وما لا يهمة,نحن نعرض كل ما نعرفة عن معلومة معينة بأسلوب سهل والعضو يقرر ما يحتاجة وما لا يحتاجة,وأرجوك لا تستهين بالأمر هذا الفرق الذي قد يبددو لك بسيطا هو الفرق بين الديموقراطية الحقيقية والديكتاتورية.

**MEDO80** · 15-03-2008 07:55 PM

هدوا نفسكم يا جماعة المواضيع مش مستاهلة
و الاهم انكم خرجتم بره الموضوع الرئيسي

**Karim_Monir** · 15-03-2008 08:05 PM

المشاركة الأصلية كتبت بواسطة مدحت منيب

أرسل أصلا بواسطة bimmeraddict مشاهدة المشاركات
بيتأثر ببرد اية وحر اية!!!!
طب أنت عارف درجة الحرارة جوة الموتور بتوصل لكام كمان بداية التشغيل درجة الحرارة بتبقى كام؟
يا جماعة كفاية فتي
ودة كل الي تحتاج تعرفة عن الزيوت
http://www.boss302.com/oil.htm
(يا ريت يا جماعة المساهمة متتحذفش زي الي قبلها)

--------------------------------------------------------

ارفض طريقة ردك .. امثال هذه السخريه تجعل الاف يحجمون عن ا التعليق المفيد .. خوفا من الرشق .. بالحجاره ..

------------------------------------------------------

كريم جايب لنا كلام اكبر مرجعيه فى عالم الزيوت .. و فى بلدك

مش موقع اجنبى .. و تقول " يا جماعه كفاية فتى !!!! "

يا لها من نصيحه !!!!!
و من امتى كريم منير بيفتى ؟؟؟؟؟؟؟؟

---------------------------------------------------

و طبعا له كل الافضليه عن كل الا عضاء .. بمجهوداته انت و كلنا موجودون هنا ... هو و كل المشرفين يستحقوا كل تقدير و احترام

فى الرد عليهم و الطلب منهم او التعامل معهم .. فخادم القوم .. سيدهم

-----------------------------------------------------

استفدت ايه ، و اّلا احنا استفدنا ايه من كلمة ( برد ايه و حر ايه ؟ ) و كمان حا طط لنا كذا علامة تعجب .. ؟ هو احنا بنردح ؟
ما دخلتش فى الموضوع على طول ليه تتكرم بوجهة نظرك ،

دون ما تشعرنا ان كل اللى اتقال كلام فاضى .. و هسسس سمع :

محتكر العلم وصل .

هذا ما شعرت به و اكيد الاف غيرى ، عندما قرأت طر يقتك فى الرد

المنفره.. و اتمنى الا يقلدك احد ابدا ..، و لهذا رددت عليك مع توقعى لالاف الحجارة .. نفسى نرتقى شويه فى اداب الحوار و احترام الا خر

خصوصا لما يكون يستحق الاحترام ، و بكل المقا ييس .

استاذ مدحت جزاك الله كل خير ومعلش مانا مش مستني حد يقوللي انت فاكر نفسك احسن واوحش عشان انا احتسبت النية عند الذي لا تضيع ودائعة ومتوقع لمثل هذة الحجارة وبناخدها كتير طول ماحنا ماشيين وبنسال الله انها تزود رصيدنا وشكرا لكل كلمة قولتها في حقي ولا نزكي احد على الله عز وجل وفي الاول والاخر هو مجهود جماعي ضخم ومنظومة متكاملة اسال الله ان يكتب لها النجاح والاستمرا والا توقفها هذة الاحجار الملقاة

المشاركة الأصلية كتبت بواسطة bimmeraddict

أسف مضطر أختلف معاك مرة ثانية فنحن لسنا أولياء على الأعضاء حتى نحدد ما يهمة وما لا يهمة,نحن نعرض كل ما نعرفة عن معلومة معينة بأسلوب سهل والعضو يقرر ما يحتاجة وما لا يحتاجة,وأرجوك لا تستهين بالأمر هذا الفرق الذي قد يبددو لك بسيطا هو الفرق بين الديموقراطية الحقيقية والديكتاتورية.

اولا لو رجعت لرأس الموضوع هاتلاقي العضو داخل بيتاكد عن الفترة الازمة لتغيير الزيت وعدد الكيلومتر واسهل الطرق للاجابة هيا البساطة
لكن مش اني احكيله تفاعلات الزيت ومكوناتة الكيميائية داخل الموتور
اكيد لو عايز يدور على المعلومة دي هايطلبها لوماكنش يعرف يجبها بسهولة من اي محرك بحث بسيط
اما عن كونك تدخل الموضوع اني بفرض رايي على العضو اكيد العضو لو مش حابب المكان مش هايدخلة تاني ويطلب اسماء اشخاص يجاوبوة لانه وثق فيها
مش ناس مالهاش غير في السفسطة الفارغة وربطت الموضوع بالديموقراطية والديكتاتورية وكلام مالوش اي معنى غير صنع مشاركات زيادة وبعض الاثارة حول اسمها
--------------
السادة الاعضاء المحترمين
عذرا اني انجرفت لمثل هذا اللغو بدون طائل
وانأى بنفسي عن تكملة الحوار فيه بدون طائل

**elrasy** · 15-03-2008 11:32 PM

يا ريت يا جماعة تبقوا تقوللنا تجاربكم فى الموضوع دة.

**tutankhamoun** · 16-03-2008 08:45 PM

أنا جربت موبيل وان من قبل في البونتو و قعد حوالي 15 ألف
و لما غيرته لم أشعر بأي تغيير في اداء المحرك مما يعني أنه كان ممكن يعمل كيلومترات أكثر
و لكن بصراحة الواحد يخاف يتركه أكثر من ذلك
الموضوع في المحرك ياباشا ...... يعني مش حاجة هينة و ربنا يستر علينا