يبيع العربية والا يعزل من شقته ؟

**M.Mosaad** · 07-07-2010 11:27 AM

يوم ما شتريت العربيه واحد من الجيران قاللي حلو اوي الشباب الصغير اللي بيشتري عربيات زيرو دول

غير تاني يوم الاكصدام و الرفرف و الفانوس

**أحمد كمال** · 07-07-2010 11:50 AM

المشاركة الأصلية كتبت بواسطة hany_mohamed

ساكن فى منطقة مابين الراقى والشعبى يعنى الناس قاعدة بإيجارات زمان و أسعار الشقق فيها الان تعدى الثلاثمائة الف جندى مستريح وفية عربيات مرسيدس و x3 وشيروكى بتركن فى نفس شارعه بس تقول ايه الكحكة فى يد اليتيم
واد غلبان والله ونفس اولع فى الناس التيت دى بس هو مش عاوز يسبنى عليهم

فكرتني بمنطقتي القديمة اما جبت اللانسر سنة 2005

يخرب بيت أبو كده يعني

ما عتقونيش لحد ما عملت حادثة و هي لسه ما ربعنتش

**أحمد كمال** · 07-07-2010 12:27 PM

انا لو منه ملعون ابو الجيرة لابو الصداقة

سلف ما معاييش (حتى لو معاه) لان ده سيف حياء

مساعدات مفيش

العربية سلف ..... ببساطة يرد و يقول ما باسلفش عربيتي لحد حتى ابويا او اخويا و انا اسف جدا

و مات الكلام ........

يزعلوا بقى يتفلقوا يولعوا

ما يوجعش هو راسه

**Dr.SherifMansy** · 07-07-2010 12:45 PM

فيه واحد زميلنا فى المستشفى انا عارف ان ظروفه الحمد لله كويسة و لكن دائم الشكوى لباقى الزملاء ، و كنت باستعجب ليه بيعمل كده ، لغاية ما فى مرة عرفت منه مثل هو اللى ماشى عليه علشان يريح نقسه ، و المثل بيقول :
"شكوى ولا الف رقوة"

خلى صاحبك يقول انه جايب العربية بالتقسيط ، و ان الأقساط قاطمة وسطه و انه بيدور على حد يسلفه القسطين الجايين علشان لسه ماجمعش فلوسهم.... هاتلاقى الواغش ده انفض من حواليه ، لأن كده هو اللى عايز سلف ، فالكل هايخلع منه...

و ربنا معاه و مهانا جميعا ، و يكفينا شر العين

و تحياتى

**SeiffoZ** · 07-07-2010 12:57 PM

إستعينوا على قضاء حوائجكم بالكتمان ..

**أبو عبدالله** · 07-07-2010 12:57 PM

المشاركة الأصلية كتبت بواسطة أبومريم

يبيع جيرانه

فعلا افضل حل يبيعهم هما مش العربية ههههه

المشاركة الأصلية كتبت بواسطة Dr.SherifMansy

فيه واحد زميلنا فى المستشفى انا عارف ان ظروفه الحمد لله كويسة و لكن دائم الشكوى لباقى الزملاء ، و كنت باستعجب ليه بيعمل كده ، لغاية ما فى مرة عرفت منه مثل هو اللى ماشى عليه علشان يريح نقسه ، و المثل بيقول :
"شكوى ولا الف رقوة"

خلى صاحبك يقول انه جايب العربية بالتقسيط ، و ان الأقساط قاطمة وسطه و انه بيدور على حد يسلفه القسطين الجايين علشان لسه ماجمعش فلوسهم.... هاتلاقى الواغش ده انفض من حواليه ، لأن كده هو اللى عايز سلف ، فالكل هايخلع منه...

و ربنا معاه و مهانا جميعا ، و يكفينا شر العين

و تحياتى

بصراحه اسلوب مش كويس
وبينمي حاجات مش كويسة داخل نفس الواحد فياريت بلاش الأسلوب ده
انا عندي حل له
يتفق مع حد من صحابه محدش من الجيران يعرفه
ويجي يصيحله تحت البيت انه لو مدفعشي الأقساط بتاعت العربيه في وقتها هيودي الشيكات المحكمة ويسجنه ويخلي اتنين تلاته يقعدوا يهدوا فيه ههههههههههههه

انا بهزر طبعا
المنطقة لو مش على المستوى المطلوب يبقى يعزل منه لو مفيش مشقة عليه
لو فيه مشقة يبقى يتجنبهم ويخليه مداوم على الأذكار وان شاء الله لا يصيبه مكروه بإذن الله
ربنا يهينا ويهدي جميع المسلمين

**elassar2010** · 07-07-2010 12:59 PM

المشاركة الأصلية كتبت بواسطة hany_mohamed

ف

واحد من جيرانه كلمة يطلب يستلف العربية لمدة يوم

م

سهلة يقولة اليوم ب200 جنية وانت اولى من الغريب (يااجرهالة يعنى) طبعا جارة هيستغرب ويتنح يرد ويقولة امال هلم اقساطها منين

-

-

الموضوع: يبيع العربية والا يعزل من شقته ؟

LinkBack

أدوات الموضوع

عرض

-

-

-

-

-

-

المواضيع المتشابهه

ميجان والا صنى والا ماتريكس والا النترا

ايه رايكم ابيع العربية والا ارفعها؟؟؟

اللى بيفكر يبيع العربية بتاعته يحط اعلانها هنا

هو ممكن الواحد يبيع دوره فى حجز العربية سيراتو sx من التوكيل؟

الكلمات الدلالية لهذا الموضوع

المفضلات

المفضلات

ضوابط المشاركة