بصفي من الشغل

**hamedo0** · 07-07-2010 01:31 PM

لا مباشر من صاحب العمل وشكرا ليك علي الرابط المهم انهم خادو كل الورق العندى في الشركة طبعا اى حاجه كنت بمضى عليها عندهم دلوقتي
ده غير طبعا الكلام الحيتقال من قليل الاصل وكده لو روحت واشتكيت في مكتب العمل

**heshamzaky** · 07-07-2010 01:36 PM

بص حا يقولو كدة و فى النهاية انتم الاثنين مزنوقين فى بعض بمعنى هما علشان يقفلو التأمينات بتاعتك لازم اما انهم يعملة زى اغلاق نشاط و بكدة لازم يخلصو معاك او انك تكتب استقالة و تمضى على استمارة رقم 6 علشان يقفلو التامينات بتاعتك و زنقتك انت انك ممكن تبقى عايز استمارة 6 علشان تشتغل فى مكان تانى فهمت فصدى

**hamedo0** · 07-07-2010 01:41 PM

اكيد طبعا فاهم قصدك وانا يهمني ان اخرج من عندهم وكمان اخد منهم براءة ذمه

**heshamzaky** · 07-07-2010 01:46 PM

بص يا باشا معلش التصفية دى يعنى كل الورق على المكتب مرة واحدة سلم و استلم من حقك شهادة خبرة و ما اودعتة لديهم من اوراق شهادات ميلاد و خبرة و شهادة الجيش الخ و اخلاء الطرف و بعدين تكتب استقالتك و تمضى عليها و تمضى على استمارة 6 و بعدين هما حا يودوها مكتب التأمينات لرفعك من على شاشة التأمينات و بدوها لك مختومة من التأمينات و دة خلال يومين مثلا

**mahfouz1983** · 07-07-2010 02:44 PM

طيب متنوي خير وتفتح لنفسك مكتب استيرا وتصدير لنفسك جايز ربنا يكرمك ويبك من الشهرين بتوع كل سنه يعني هيطلعلك كام 1800 نيه استعوض ربنا فيهم وبص قدامك وشوف انتا اتعلمت ايه من الشركة وطبقه لنفسك هنيقن انك كنت في مدرسة تعليم وانتا المستفيد

**elassar2010** · 07-07-2010 02:50 PM

المشاركة الأصلية كتبت بواسطة mahfouz1983

طيب متنوي خير وتفتح لنفسك مكتب استيرا وتصدير لنفسك جايز ربنا يكرمك ويبك من الشهرين بتوع كل سنه يعني هيطلعلك كام 1800 نيه استعوض ربنا فيهم وبص قدامك وشوف انتا اتعلمت ايه من الشركة وطبقه لنفسك هنيقن انك كنت في مدرسة تعليم وانتا المستفيد

+99999999999
نفس الى كنت هقولة
من كلامك فهمت انك كنت دراعة اليمين يعنى انت فاهم الشغل وعارف كل حاجة اتشجع واعمل المشروع دة لنفسك

واكيد انت تعرف ناس من الى كنت بتتعامل معاهم ناس محترمة وبيحترموك وبيقدروك ممكن يساعدوك

**heshamzaky** · 07-07-2010 03:59 PM

معلش يا جماعة انا لما كنت بقول رأيى للزميل انا حاطط فى الاعتبار حاجات كتير منها مثلا لو انت مسؤل عن اسرة و بيت يعنى عندك مصاريف بيت مفتوح مش عايش فى بيت العائلة مثلا و الحاج قائم بالواجب و زيادة لو انت مسؤل عن اسرة و بيت مفتوح لازم اتمسك بحقى يعنى مش اجامل مرات صاحب الشغل و عفوا استلف فلوس من حد علشان اعيش لغابة ما الاقى شغل لآ يبقى معى ما يكفينى حتى نقلة على عمل جديد دى كانت و جهت نظرى

**heshamzaky** · 07-07-2010 04:02 PM

و على فكرة بحسبة بسيطة مستحقاتة حوالى 9000 جنية و معلومة اخرى يتم صرف نقدى لبدل ما هو مستحق لك من رصيد اجازات عن اخر 3 سنوات عمل الكلام دة فى قانون العمل

**hamedo0** · 07-07-2010 04:28 PM

استاذ هشام كتر خيرك بجد بنسبه البيقول افتح شركه يا باشا منين الجاى علي قد الرايح انا فعلا متمسك بحقي برده عندى اسرة ومش شرط اكون متزوج يعني بس في ناس مسئولين مني وربنا يسترها مع الواحد يارب

**heshamzaky** · 07-07-2010 04:35 PM

ربنا يوفقك لما فية الصالح و زى ما بقول لك حاول انك تخلص بالحسنى بس هما لازم يفهمو انك عارف حقك و الا علية العوض و منة العوض بس مش بصورة استفزازية او تهديدية و لكن عفوا يعنى شد و رخى و اكيد معلش الفلوس دى حا تنفع لحين الانتقال الى عمل اخر على الاقل لن تضطر الى قبول عمل مش عاجبك للحجة المادية لو معاك الى تصرف منة لغاية ما تلاقى فرصة حلوة حا يخليك مطمئن نفسيا اكثر و اختيارك يكون مش بلهفة الغريق الى حا يتعلق بقشة اعذرنى لو كان كلامى ناشف شوية بس و الله انا بقولك الحقيقة عارية دون اى زواق