بصفي من الشغل

**hamedo0** · 07-07-2010 11:04 AM

صباح الخير علي احلي شعب شعب نايل موتورز
انا بصفي من الشركة الشغال فيها اليومين دول عشان صاحب الشركة توفاه في اول شهر مايو ومافيش حد عاوز يكمل شغل المهم خير ان شاء الله بس انا عندى سؤال انا دلوقتي بقالي في الشركة دى تلات سنين اصحابي بيقوللي ان ليا مكافئه شهرين عن كل سنه اتكلمت مع محامي الشركة واكد ليا المعلومة
هو كلم مرات صاحب الشركة وهي وافقت بس علي المرتب المتامن عليا بيه طب ازاى انا مرتبي 1500 ومتامن عليا 300 ورضيت ان معظم اصحاب الشركات بيعملو كده دلوقتي الحل ايه مع صاحبت الشغل

**mohamed_selim** · 07-07-2010 11:10 AM

هل عندك اى ورق بيقول انك بتقبض 1500؟
قانون العمل القديم هوه بتاع شهرين لكل سنه من غير نقاش
القانون الجديد بيقول بالاتفاق و لو فى خلاف بتقدم شكوى و تروح لجنه بتحدد المكافأه كام شهر عن كل سنه
المهم ان ده بيتكلم عن المرتب اللى فى العقد و قبل الضرايب
ربنا معاك ... ممكن تروح مكتب العمل و تسأل فيه جايز يكون فى اى حاجه يقدروا يساعدوك بيها

**hamedo0** · 07-07-2010 11:14 AM

المشكله ان المرتب الفي العقد هو بتاع التامينات بصراحة لو صاحب الشغل كان عايش مش كان حيحصل معايا كده.

**mohamed_selim** · 07-07-2010 11:35 AM

معلش متزعلش ... محدش عارف النصيب ايه و ايه الحكمه انك تاخد او نا تاخدش الفلوس دى
روح مكتب العمل و اسأل و شوف ممكن يكون ليها حل

**hamedo0** · 07-07-2010 11:45 AM

فعلا محدش عارف النصيب فين

**hesham_tawfiq** · 07-07-2010 12:16 PM

بس خد بالك ان الموظفين فى القانون التجارى هما اخر ناس بتاخد حقوقهم بعد ما كل الدائنين ياخدو فلوسهم - الحكايه دى اسمها قسمة الغرماء يعنى اللى بيصفى يشوف عليه فلوس لمين الاول ويسددها وبتبئى مستحقات الحكومه اولا وبعديها البنوك وبعديها الموردين - وانت ونصيبك حسب اللى يطلعلك انت وباقى زملاءك

**hamedo0** · 07-07-2010 12:41 PM

ياباشا مافيش دائنين علي الشركة والشركة انا كنت شايلها لوحدى مش عندى زملاء

**ahmed4000** · 07-07-2010 12:52 PM

المشاركة الأصلية كتبت بواسطة hamedo0

ياباشا مافيش دائنين علي الشركة والشركة انا كنت شايلها لوحدى مش عندى زملاء

انت بس اللى كنت فى الشركة كلها؟ دى شركة فى مجال ايه؟

وسؤال تانى

محاولتش تقنع صاحبة الشركة انها تستمر فى ادارة الشركة وانك حتشيل الموضوع كله؟

بس فى الاغلب الحكومة بتعترف بالتامينات بس

وطبعا ياريت تكتب مؤهلاتك وخبرتك السابقة يمكن حد هنا من الزملاء يسعاعد فى ايجاد وظيفة

وربنا يوفق ان شاء الله

**hamedo0** · 07-07-2010 01:13 PM

شركة مجالها استيراد وتصدير عندها توكيلات مركات معينه وفعلا لو في استمراريه انا مش حكمل

**heshamzaky** · 07-07-2010 01:26 PM

مش عارف اقولك غير ربنا يسلها معاك و تلاقى حاجة احسن بس يا باشا القانون بتاع العمل شهرين عن كل سنة من الاجمالى مش المرتب يعنى لو المرتب 1000 مثلا ال gross حوالى 1200 مثلا يبقى على ال 1200 مش ال 1000 و معلش انت كنت بتقبض مرتبك ازاى اقصد هل كان بينزل فى حساب فى البنك و لا مباشرة من الحسابات لو من البنك بتطلب كشف حساب فتستطيع اثبات الراتب الحقيقى لو مباشرة من المحاسب لو اشتكيت فى مكتب العمل حا يرجع الى دفتر المحاسب و الميزانية غير قانونى انة يقلل حصة الضرائب و التأمينات بس فى النهاية حاول تحل الموضوع ودى و السلام و لو عاوز تقرأ قانون العمل ادخل على جوجل و اكيب قانون العمل المصرى و اقرأة تعرف ما لك و ما عليك الجزء دة خاص بانقضاء علاقة العمل الرابط ط¨ظˆط§ط¨ط© ط§ظ„ط.ظƒظˆظ…ط© ط§ظ„ظ…طµط±ظٹط© - ظ‚ط§ظ†ظˆظ† ط§ظ„ط¹ظ…ظ„ - ط§ظ†ظ‚ط¶ط§ط، ط¹ظ„ط§ظ‚ط© ط§ظ„ط¹ظ…ظ„

الموضوع: بصفي من الشغل

LinkBack

أدوات الموضوع

عرض

بصفي من الشغل - انشر الموضوع فى :

-

-

-

-

-

-

المواضيع المتشابهه

يا ترى فى حد فى مصر عندة الشغل دة

أروح الشغل ولا لأ ؟؟

ذل الشغل

الواحد تعب من الشغل

الكلمات الدلالية لهذا الموضوع

المفضلات

المفضلات

ضوابط المشاركة