الموضوع: عملت اطول رحلة فى حياتى بالعربية امبارح

المشاركة الأصلية كتبت بواسطة kingmax

لأ حاااااااااااااااااااااااا اااااااسب
الكيلو فى مصر :_alshmokh08[1]:
يعادل 10 كم فى امريكا

هاهاها, واضح انه ماسقش فى مصر بقاله مدة طويلة

حمدا لله على السلامه .. هو موبايل حضرتك نوعه ايه و بتستخدم اى نوع من الخرايط؟

حمدا لله على سلامتك ورجوعك بالسلامة ومعلش على سوء المعاملة من المرور وأعتبارها أجراءات روتينية عادية . أما بقى بالنسبة للسفر

هو أكيد السفر حلو فى حالة واحدة بس أن أروح مصيف أو مشتى أسبوع فى الحالة دية مضطر أركب العربية وأسوق ولو فى حد ممكن يسوق لى يبقى أفضل لكن مجرد جولة فقط بدون بيات ليلة أو ليلتين على الآقل أنا بالنسبالى البلد دية السواقة فيها صعبة جدا جدا وطريقة السواقة بتاعت الناس والشوارع السيئة والمرور وكل حاجة مش مشجعة على التجول فى الشوارع و السفر خالص , وربنا يسترها معانا جميعا
والله الموفق والمستعان

المشاركة الأصلية كتبت بواسطة KiNgMaX

--- عند اخر الزراعى بعد عبود فى كمين وقفونا فيه إحنا بس دونا عن كل الالوف الى ماشية (امين شرطة وواحد تانى لابس مدنى )
اخد الرخص والبطاقة واخد كل بطايق الناس الى معايا (طبعا كلنا صيادلة ومعناش حد شكله مشبوه ) ونزلنا وفتشو العربية حته حته بشكل مهين جدا ومفيش اى مجال للنقاش
لما بسالو ليه كده انت شايفنا مجرمين ولا ايه قالى يكفينى انك ملاكى اسكندريه طبعا انا مش عارف هو حقه يعمل كده ولا لأ بس انا قولت يلا مش مشكلة مش لازم نلابط وخليها تعدى على خير
بس الموضوع ده بجد مضايقنى جدا لحد دلوقتى وندمان انى سبته يعمل كده

اولا حمد الله على سلامتك وانا بحب السفر جدا على فكرة وخصوصا الرحلات الطويلة

بالنسبة لنقطة التفتيش دى مكنش لازم تسكتلو وهحكيلك على موقف حصل معايا

كنت انا واصحابى فى سكندرية بنقضى يومين وكلنا دكاترة على فكرة ورجعنا من اسكندرية على 7 الصبح كده كنا راجعين على طنطا..وعند الكمين بتاع ايتاى البارود لقتهم بيوقفونا وعلى فكرة وقفونا احنا بس عشان لقانا 4 شباب فى عربية والصبح بدرى فقالك دول راجعين من سهرة حمراااااا
كنا رايحين بعربية واحد صاحبى بس انا اللى كنت سايق ولقيتو بيقولى رخصك
فانا قلبى وقع فى رجليا لانى كنت ماشى 130 فكنت كاشش شوية الاول
المهم لقيتو ادانى الرخص وبيقولى انزلو من العربية فاستغربت وبعدين لقيتو هوه وواحد تانى بيفتشو التابلوه وتحت الكراسى وواحد تانى ورا بيحط ايدو بين ضهر الكنبة والكنبة نفسها زى ميكون بيدور على حتة بانجو ولا حشيش !!!!!

فاستفزنى المنظر الصراحة قولتلو ايه اللى انت بتعملو ده..احنا دكاترة على فكرة شايفنا يعنى ماشين سكرانين ولا واقفين مش عارفين نظبط طولنا وبنتطوح
فلقيتو بيبصلى كده زى ميكون مكنش متوقع اقولو كده فقالى معلش يادكتور مكنتش اعرف بس دى اجراءات..عموما اتفضل بالسلامة وركبنا العربية ومشينا
اى موقف زى ده متسكتش وشوط فيهم لانهم يخافو ميختشوش..وافتح بقك عليهم يضربولك تعظيم سلام
وكل سفرية وانت طيب ياباشا