الموضوع: عملت اطول رحلة فى حياتى بالعربية امبارح

أولا حمدا لله على سلامتك
بص بقى انا واحد بعشق حاجه اسمها اسكندريه يعنى لو مسافر اسكندريه وبدأت أشوف تاكسى اسكندريه بحس بالآرتياح بس اسكندريه الى بتكلم عنها هو شريط بتاع الكورنيش أو البحر يعنى انما بقى لو الواحد بدأ يغمق فى البلد من جوه معلش اعذرنى الواحد هيلاقى حتت الزمن هرسها ده لأننا كان عندنا شقه فى سيدى بشر
المرور فى اسكندريه هو حازم اوى بس ضباط الشرطه هناك عندهم كميه رخامه غير طبيعيه وده من موقف حصلى لما عربيتى اتكلبشت واعدت ادور 3 ساعات على الونش علشان يفكهالى واروح للوحده الى فى جليم لحد مكرهونا فى نفسنا
وأهل اسكندريه كويسيين بس حقيقى مش زى اهل بورسعيد والله كنت بسأل أى بورسعيدى عن أى مكان يا أما يركب العربيه معايا ويجى ويوريهانى ياأما يتمشى معايا لحد المكان مشفتش ولا هشوف ناس بالحلاوه دى

بس بردو مافيش مقارنه بين (اسكندريه عروس البحر الابيض المتوسط) بين (القاهره حيث الزحام ووجع الدماغ)
وليا رجاء عند أى حد منوفى فى المنتدى هنا ياريت يفهمنا هو سواقين الميكروباصات والملاكى بالسواقه الى الى بيسقوها دى وفرد العضلات الى بيعملوه ده علشان هما مثلا مسنودين ولا طبيعه ولا ايه, السؤال ده علشان انا من مدينه قبل المنوفيه على طول وطبعا المدينه الى انا ساكن فيها دى المنايفه عاملين غزو على الطريق المؤدى اليها وعلى طول زحمه مووت