حمد الله على السلامة
و نورت القاهرة
كنت قولت كنا قمنا بالواجب
رقم العضوية : 394
تاريخ التسجيل : 01May2007
المشاركات : 506
النوع : ذكر
الاقامة : إسكندرية
السيارة: -
السيارة[2]: toyota yaris 2007
دراجة بخارية: -
الحالة :
امبارح امبارح طلعت رحلة طوييييييييييييلة والحمد لله عدت على خير
حبيت احكيلكو عنها وعن الى ضايقنى فيها
طبعا العربية تويوتا ياريس 2007
الاول اتجمعت انا وصحابى الصبح حوالى الساعة 9ص ( كنا فى العربية انا و3 اصحابى وطفل اخو واحد من اصحابى ) وابتدينا المشوار
نقطة البداية أسكندرية وتوجهنا اولا الى بورسعيد بالطريق الدولى وهو طريق كويس الى حد ما بس فى بعض المناطق المكسرة وبيتهيالى مش مناسب اوى للسفر بالليل
المسافة الى بورسعيد حوالى 240 ووصلنا بورسعيد حوالى الساعة 1 ظ
وهى مدينة جميلة وفيها اماكن نضيفة جدا
لفينا واشترينا شوية هدوم وحاجات بس للاسف الجو كان حر جدا
المهم خلصنا فيها حوالى الساعة 5 العصر
طلعنا على الجمرك الى على طريق الاسماعيلية ( مجرد فتح شنطة العربية بص فيها بس )
وابتدينا نتحرك على الاسماعيلية وفى الطريق عدينا على كوبرى السلام واخدناه رايح جاى بصراحة حاجة تحفة
وهو بيوصل لشمال سيناء من فوق قناة السويس والنظر من فوقه روعة
مكانه بالظبط على طريق بورسعيد الاسعماعيلية الصحراوى
وبعدين كملنا على الاسماعلية ودخلنا جوه البلد جبنا طبعا شوية مانجو زى الفل ( بس الاسعار كانت غالية اوى والنصب عالى ) بس يمكن عشان احنا اغراب
اتحركنا من الاسماعيلية حوالى 7 المغرب
المفروض كان فى الخطة اننا نعدى على السويس بس الوقت كان اتاخر
فطلعنا على القاهرة مباشرة
وهنا بدات المأساة
حظنا العاثر خلانى اخش فى الطريق الدائرى والله بجد الله يكون فى عونكم مهزلة مهزلة بك ما تحمل الكلمة من معنى
كان فاضل شوية واشد شعرى فى ناس سايقة على الطريق تحس انهم ماشييين مش فاهمين اى حاجة وبالذات سواقين الباصات والنقل
بعد كده ابتديت اشغل ال GPS بتاع الموبيل الى كنت ناسيه وكنت عايز انزل العباسية عشان ناكل عند الشرقاوى بتاع الكبده
فنزلنا على طريق اسكندريه الزراعى فشبرا فعبود ثم كوبرى اكتوبر فالعباسيه ( طبعا لفه سواد بس فى ظل الجو الى احنا كنا فيه لما امشى شويه اكتر احسن ما أنزل اسال حد *هوضح بعدين*)
وبعدين طلعنا شوية على النيل وخدنا لفة فى البلد ور كبنا مركب
ومشينا من القاهرة حوالى الساعة 1 ونص بالليل عودة الى بلدى حبيبتى الاسكندرية
ملخص القصة دى كلها وملاحظاتى
1_الرحلة كانت كالتالى * الأسكندرية - بورسعيد - كوبرى السلام - الإسماعلية - القاهرة - الأسكندرية
2_المسافة تعدت ال 700 كم واداء فى رأيى رائع للعربية (العربية ماشية 60000 ) والتكييف كان مصبرنا على الرحلة الطويلة دى
3_الحاجات الى فى بورسعيد فى راى عادية جدا زى عندنا بس يمكن اسعار اقل شوية بس ناسها ذوق وهاديين
4_الاسماعيلية طلعت مالهاش لازمة تتراح الا للمانجا طبعا
5_كوبرى مبارك السلام تحفة وحاجة لازم تتشاف للى ما راحش
6_القاهرة مش عارف اقول فيها ايه مش عايز حد يزعل منى بس مكانش العشم
--- عند اخر الزراعى بعد عبود فى كمين وقفونا فيه إحنا بس دونا عن كل الالوف الى ماشية (امين شرطة وواحد تانى لابس مدنى )
اخد الرخص والبطاقة واخد كل بطايق الناس الى معايا (طبعا كلنا صيادلة ومعناش حد شكله مشبوه ) ونزلنا وفتشو العربية حته حته بشكل مهين جدا ومفيش اى مجال للنقاش
لما بسالو ليه كده انت شايفنا مجرمين ولا ايه قالى يكفينى انك ملاكى اسكندريه طبعا انا مش عارف هو حقه يعمل كده ولا لأ بس انا قولت يلا مش مشكلة مش لازم نلابط وخليها تعدى على خير
بس الموضوع ده بجد مضايقنى جدا لحد دلوقتى وندمان انى سبته يعمل كده
---ده غير المعاملة السيئة من بعض السواقين على الطريق زى واحد بتاع اتوبيس استلمنى على الدائرى والسكة واقفة تماما وده ورايا شغال فلاشات وكلاكسات بشكل مستفز والله كنت هنزل اتعارك معاه بس قولت احسن اتوه فى السيرك الى انا فيه ده وبعدين لقيت السواقين كلهم واقفين معاه ومستلمنى اكن انا السبب فى ازمة القاهرة
7_طريق اسكندريه الصحراوى الجديد رووووووعة بس فاضل حتت لسه ما خلصتش * معظم الطريق ماشى 170 عشان لو مكنتش بجرى كنت هنام وعدى على خير الحمد لله
8_ال GPS بتاع الموبيل ممتاز وساعدنى فى حاجات كتير يمكن طول الرحلة سالت مرة او 2 بس
9_متوسط استهلاك البنزين طول الرحلة حوالى 6 ل/100 كم بره وجوه المدن والتكييف شغال متواصل
معلش الموضوع مش متنظم عشان التفاصيل اصلها كتير قوى وانا تعبت من كتر الكتابه
رقم العضوية : 12461
تاريخ التسجيل : 07Jun2008
المشاركات : 780
النوع : ذكر
الاقامة : Cairo
السيارة: لا يوجد
السيارة[2]: Verna A/T Black
دراجة بخارية: No
الحالة :
حمد الله على السلامة
و نورت القاهرة
كنت قولت كنا قمنا بالواجب
BLACKVERNA
رقم العضوية : 16499
تاريخ التسجيل : 16Aug2008
المشاركات : 355
النوع : ذكر
الاقامة : 6 octoper
السيارة: نيسان صنى 2012
السيارة[2]: ماروتى 2009
الحالة :
تبارك الله رحله ممتازه و فكره رائعه و متزعلش من أهل القاهرة لأنهم عندهم نفس الشكاوى من الاحتلال الريفى
الحمد لله
رقم العضوية : 394
تاريخ التسجيل : 01May2007
المشاركات : 506
النوع : ذكر
الاقامة : إسكندرية
السيارة: -
السيارة[2]: toyota yaris 2007
دراجة بخارية: -
الحالة :
رقم العضوية : 43662
تاريخ التسجيل : 18Jul2009
المشاركات : 733
النوع : ذكر
الاقامة : cairo\benha
السيارة: toyota tercel 98
السيارة[2]: hyundai verna
دراجة بخارية: لا توجد
الحالة :
حمدلله عالسلامة ياباشا
بقولك ايه
هو كوبري السلام اللى قصدك عليه ده اللى قريب من بورسعيد عالطريق كده وعالى اوى ى ى ى؟؟
اصله من سنة تقريبا كان لسة مقفول ومنظره تحفة
لان لو رحت ان شاء الله هناك اساسي همسك الطريق ده
اكيد هيبقى متعة
وهو الكوبري كام كيلو ؟ طوله
عايز اقولك ان الدايري ارحم من اسكندرية الزراعي
ده طريق الموت انا كل يوم بمشي فيه طريق مقرف اخر حاجة
وبعدين انا نزلت مرة اسكندرية وكنت في رمضان قبل الفطار
الناس كانت عاملة زي المجانين سواقة غريبة
ونازلين شتايم في بعض وحاجات من هذا القبيل
مش القاهرة بس اللى كده
ماشى
ههههههه
رقم العضوية : 394
تاريخ التسجيل : 01May2007
المشاركات : 506
النوع : ذكر
الاقامة : إسكندرية
السيارة: -
السيارة[2]: toyota yaris 2007
دراجة بخارية: -
الحالة :
رقم العضوية : 394
تاريخ التسجيل : 01May2007
المشاركات : 506
النوع : ذكر
الاقامة : إسكندرية
السيارة: -
السيارة[2]: toyota yaris 2007
دراجة بخارية: -
الحالة :
رقم العضوية : 17680
تاريخ التسجيل : 01Sep2008
المشاركات : 880
النوع : ذكر
الاقامة : CAIRO
السيارة: أفيو AUTO2008
السيارة[2]: آتوس 2008
الحالة :
في الشغل معايا اسكندرانيين كتير اوي !!! بيكرهوا ييجوا القاهرة ولولا لقمة العيش محدش بييجي !!! ولو واحد جاي شغل يوم عالسريع كدة وراجع بيبقى عمال يحلم باللحظة اللي يرجع فيها اسكندرية !!! بيتخنقوا من القاهرة اوي بس احنا اتعودنا خلااااااص
انا نفسي قعدت هناك اسبوعين من فترة ولما جيت كنت عامل زي الريفي اللي اول مرة ييجي القاهرة ! ايه الدوشة والدخان والكلاكسات والميكروباصات - رمسيس بقى - :) بس يومين وبارجع اتعود على طول
وعموما حمد لله عالسلامة حلوة الرحلة دي اوي
رقم العضوية : 1435
تاريخ التسجيل : 14Jul2007
المشاركات : 14,773
النوع : ذكر
الاقامة : مصر
السيارة: لا
السيارة[2]: اوبترا
الحالة :
الرحلات الطويلة دي تهد الحيل وتيجي على آخر اليوم وتنام وانت سايق
رقم العضوية : 11305
تاريخ التسجيل : 22May2008
المشاركات : 1,513
النوع : ذكر
الاقامة : الشرقية
السيارة: m2adeha baltaga
السيارة[2]: Nubira 1
دراجة بخارية: نفسي اجربها
الحالة :
يابختك ...انا مش بحسد انا باؤر بس...اكتر حاجة بعشقها هى السفر ونفسي من زمان اعمل حاجة زى كدة بس السيد الوالد مش راضى يدينى الضوء الاخضر
مش مسألة احتلال ريفى ..دى مسألة ثقافة يعنى هتلاقى شباب متعلم وبيعمل اوحش من اغبى جاهل....
من بعد ماشفت حلقة العاشرة مساء مع فلاحين المنوفية وانا احتقرت التيشرت والبنطلون الجينز....بجد كانوا فى قمة الثقافة والبلاغة
نص مخى شريحة الكترونية ونصه التانى ماتور عربيةمحمود حمودة...صيدلى عاشق للهندسة
المفضلات