الموضوع: أزاى عايزين الكورى يتقدم وأحنا عقولنا مبتتقدمش!

هو فى ناس أستوعبت الكلام غلط
مبقولش الكورى جاب الاوروبى "هو جاب اليابانى فدى مش هتكلم فيها دا موضوع حسم بالنسبالى"
لكن بقول الناس الى بتنتهج الطريقه دى فى التفكير مش سايبه حتى الباب موارب لأى تغيير أو تحديث
وضربت مثال لعربيات مش أحنا الى بنقول عليها علشان محدش يقولى أصلك راكب كورى لأ دا العالم كله أجمع أنها تتطورت
وحسام أوبتراوى أشار ليها
لازن نفهم ان التغيير سنه الحياه ولازم هيجى يوم الكورى جودته هتعلى وهيبقاله تكنولوجيا هوه كمان
موضوع الكورى مبيبتكرش الصراحه مش فاهم أنتوا بتتكلموا فى أيه :)
لاهو أنا راكب مرسيدس علشان أكتب على ضهرى أنا راكب العربيه وأنا عارف أن الفتيس بتعها من أختراع بلدها!!
أيه القصه يعنى
وهل فى ضرر أو عيب أن كوريا تحط فى عربياتها أحدث ما توصل أليه من تكنولوجيا
يعنى السؤال كانت هتعجب لو قدمتلنا العربيه فاضيه علشان هما مبتكروش حاجه!!
مش عايز أضيع وقت فى النقطه دى
الموضوع لم يقتل بحثا ولا حاجه أنا بتكلم فى جزئيه أخرى
ممكن كمان 20 سنه نشوف دوله أفريقيه بتاخد كاس العالم
لأن البصير هيلاحظ أن خريطه الكوره فى العالم بتتغير يبقى لازم الكل يعرف أن ترتيب أمريكا اللاتينيه ثم أوروبا ثم أسيا وبعدين أفرقيا أتمحى
وبقى فيه ترتيب جديد
كذلك الحال الكورويين دلوقتى بيعملوا عربيات محترمه جوده كويسه وأعتماديه مقبوله جدا وحطوا رجليهم على الطريق الصح وكفايه وجود مصممين على أعلى مستوى
الدور مش على أى حد غيرنا أننا نستوعب أن فيه أمكانيه لحدوث كدا
مش أننا نضع الترتيب السائد دا موضع المقدسات ونجعل منه عقيده لا تمس
لازم نجرب ونحكم ومش نحكم وأحنا مجربناش
أو نجرب ونعاند ونقول لأ أصلحا متجيش
يعنى يبقى فيه جوده بس أنت مش شايفها نتيجه أنها "متجيش يعنى"

المشاركة الأصلية كتبت بواسطة Ahmed Nouh

مش سرقة , دا مجال المنافسه بشكل عام اى ابتكار جديد بتعمله شركه كل الناس بتمشى وراها

عربيتك مثلا معظمها حاجات متاخده من شركات تانيه , شركه ساب هى مثلا اول من قدمت حزام امان فى عربياتها وبعدين كل الشركات عملت زيها , كرايسلر وكاديلاك هما اول من قدم ال ABS وبعدين الشركات بقت تقدم تطويرات عليه لحد ما وصل للشكل ده , مرسيدس هى اول من قدمت تقنيه حقن الوقود اللى معروفه دلوقتى وبعدين كان من اهم التغيرات فى تاريخها اضافه من BMW على النظام

حديثا بقا قيس الكلام ده كتير من اول ال iDrive بتاع BMW لحد حساسات ضغط الاطارات وحساسات الاضاءه ونظام تنظيف المصابيح وحتى الانظمه الالكترونيه

مفيش شركه بتمشى على ابتكاراتها بس كله بينقل من بعضه علشان ميبقاش اقل من المنافسين

أنا آسف جداً.... أنا مش مقتنع بصراحة
طيب ماهي مرسيدس لما عملت حزام أمان كانت أول عربية بـ3Point seat belt هل ده معناه انها قلدت ساب؟؟
و أظن إن مرسيدس بنز برضه هي اللي كان ليها السبق في الموضوع ده من 1979 و لو كان في حد قبلها يبقى كلامك صح...
الباقي بقى غرض واحد بوسيلة مختلفه.... شوف في كام تقنية variable valve timing ....كتييييييييييييييييييير
و كل شركة ليها تقنية معينة...
و على فكرة منظومة الـ Anti Locking Brakes في مرسيدس مختلفة عن كل العربيات اللي في السوق و اللي عملوا الـ ABS يا دوب دلوقتي.....

يعني لكل طانع تكنولوجيا مختلفة بيطبقها في عربياته... يمكن تدي العميل بتاعه نفس اللي تديهوله ماركة تانية... لكن بطريقة مختلفة....

و الله أعلم...
في رعاية الله...