هو حضرتك خدت كلامي عن الفتيس بتاعها تريقة؟؟؟؟:L_bhuhhh[1]:
عرض للطباعة
كنت مرة سمعت ان سبايك المواتير مثلا في الالماني تتقوق عن الياباني و الياباني يتفوق علي الكوري لفرق وذا اللي بيجعل مواتير الالماني تملك عمر افتراضي اطول
ههههههههههههههههههههه , يا بوحميد انا مبتكلمش عن التقنيات دى فى حد ذاتها
انا اقصد ان العرف الجارى من قديم الازل فى عالم السيارات ان اى ابتكار بتعمله اى شركه يادوب بيبقى حصرى لحد طرح جيل جديد من اى موديل منافس وده بيبقى عن طريق نسخ التقنيه دى من المنافس وتطويرها وتعديلها بما بناسب فكره الخاص
يعنى هو هو الحزام بس اتضاف عليه شويه حاجات علشان ميبقاش تقليد ويبقى مرسيدس لها فيه لمسه , وهى هى الايرباج بس شويه اماكن زياده وتحسين فى الاداء , وكذلك حقن الوقود وما شابه من تقنيات او افكار او تكنولوجيا
حتى خامات الانتاج , الكاربون فايبر مثلا اول مره يظهر فى عربيه طريق كان فى الماكلارين f1 وكان طفره بكل المقاييس
دلوقتى الكاربون فايبر بينزل فى الفئه الثالثه الرياضيه !! , والجاى هو الكاربون كومبوزيت فى الماكلارين ال mp4 وقريب برده هتلاقيه انتشر
هى دائره ابتكار مفتوحه والكل بيقدم جديده وجديد المنافسين فعلشان كدا اصبح مجال صناعه السيارات دلوقتى مفيهوش كلمه تقنيه حصريه او شركه بتعمل حاجه غيرها ميقدرش يعملها
يعنى هيونداى مثلا مش مستحيل تعمل عربيه اداء زى النيسان ال gtr الفكره كلها انهم مش محتاجينها دلوقتى ومش فى خطتهم للتطور انما هيجى وقت وتتعمل
زى ما فولكس فاجن مثلا مش عايزه تدخل الفورميلا 1 رغم الاغراءات اللى بتتقدم ليها , ورغم ان تحت ايدها تقنيات وخبره لمبورجينى وبورشه وأودى وبوجاتى بس برده ده مش من ضمن خطتهم , هل معنى كدا انهم اقل من فيرارى ولا لوتس ولا مرسيدس ولا تويوتا ولا هوندا ؟؟
لا بس كل حاجه وليها وقتها
الخلاصه بلاش نقلل من قدر اى صناعه سيارات فى العالم , كوريا فى مجال السيارات زى الثور وشايطه فى وشها المنافسين جامد واثبتت وجودها فى العالم كله وفى اصعب الاسواق
منجيش نقول الكورى لا يقارن باليابانى ولا الاوروبى , المفروض ان الناس هنا فى نايل موتورز من كتر القراءه والاطلاع على الموضوعات اللى من النوع ده تكون كونت فكره كويسه جدا عن صناعه السيارات العالميه احنا معانا فى المنتدى ما شاء الله ناس عمالقه يعنى
التحيز بيخلى شكل صاحب العربيه صغير قوى وزى ما يكون متعلق فى لعبه جديده فرحان بيها وبيقول دى احلى لعبه , حتى الصين اللى شخصيا عمرى ما ارشح عربيه من عندها لحد ماشيه بسياسه ما هتخليها فى يوم كابوس شيطانى لصناعه السيارات العالميه , هى دلوقتى بس عاملة زى اللى بيخترع قنبله نوويه بس محتاج يجرب واحده كل فتره هتطلع من تحت ايده شويه تجارب كارثيه صحيح زى ال qq والهافى لوبو وما شابه بس اول ما يلاقى الفكره اللى بيدور عليها هيبقى صاحب اليد العليا
الصين فى رحله للبحث عن تشكيله من الخامات تحقق جوده عاليه بسعر قليل ومهما طال الوقت مسيرهم فى يوم هيعملوها
بجد والله انا احب احييك على ردك ده وانه اكثر من رائع ويا ريت الناس تفهمه وتفهم مغزاه وخصوصا نورمال , على فكره انا والله معجب من ارائك في معظم المواضيع ومتابعك بس في الموضوع تقدر تقول انا محتلف معاك فيه وجدا كمان ,, شوف انا كنت بسلم حاجة في الكليه مع دكتور الماده نفسه المهم البرنامج الي احنا عملناه ما حقق نسبة عاليه من النجاح بس اسمه نجح فقالنا قصه كده صغيره اوي :,, قالنا تفتكروا ايه الفرق بين الصين والمانيا مثلا في تصنيع السكاكين ايوة سكاكين المطبخ فقالنا الصينين مثلا بيجيبوا قطعة الحديد ويقعدوا يقطعوا فيها علشان يعملوها فبتبقى طبقه واحده وبيكون مستوى الخامه الي فيها وجودتها رديئه ,,, اما الالمان فبيجيبوا نفس قطعة الحديد وبدون ما يقطعوا بيضربوا عليها لغايه لما تاخد شكل السكين فبتبقى اقوى وامتن ومستوى جودتها عاليه اوي فمثلا نلاقيها احمى في التقطيع وتعيش بعشرات السنين شوفتوا يا جماعه الفكره الي في القصه ده بقى الفرق بين الصيني والكوري والياباني والاوروبي والامريكي ,, والمهندس احمد عنده حق انا فعلا بتكون زي الاسرار الحربيه وكل شركة بتبقى ليها اسرار في التصنيع والتكنولوجيا المستخدمه ومستوى الجوده والخامات فيا ريت يا جماعه معلش ما نستهزا بالناس بس الي بتفكر كده دلوقتي والي انا واحد منهم بصراحه ,, لان فعلا الفروق دي موجوده ولا احد يقدر ينكرها خصوصا خصوصا ان السيارات الي بتنزل عندها حتى الان بتبقى مختلفه كليا على الي بتنزل بره وطبعا بتكون اقل ,, ده انا يا راجل بسمع حاجات في العربيات ال "" زيرو "" في مصر ببقى متجنن وعمري مثلا ما سمعت ربعها في بلد زي السعوديه ,,, المشكله في مصر نفسها ومن الاخر تتلخص في الاسعار بمعنى انا واحد عندي استعداد اركب سوناتا " عربيه كوري " لانها ببساطه عربيه جامدة جدا لكن سعرها يخليني ما اشتريها , واشتري احسن عربيه اوروبي او ياباني عموما هي مش خناقه والمسالة مسالة اراء ووجهات نظر ويجب ويجب ويجب احترام وجهات النظر الاخرين ما نقولش زي ما بعض الاخوه تفضلوا وقالوا دي ناس مش فاهمه ولا مش بتعرف تركب ولا تفكيرها متاخر ومش مظبوط
كلام لا غبار عليه
وفعلا ماينفعش كل بلد عاوزة تعمل عربية تبدأ من الصفر
لأ البدأ حيث أنتهى الآخرون ، لأن غير كده هو التخلف بحد ذاته ويمكن ده السبب الرئيسي في تخلف بلدنا
كل واحد يمسك مكان أو منصب يهد كل ما اتعمل قبله ، وبكده دايما نفضل مكانا بدون ما نتقدم أبدا
نورمال بيقول (هو فى ناس أستوعبت الكلام غلط
مبقولش الكورى جاب الاوروبى "هو جاب اليابانى فدى مش هتكلم فيها دا موضوع حسم بالنسبالى"
لكن بقول الناس الى بتنتهج الطريقه دى فى التفكير مش سايبه حتى الباب موارب لأى تغيير أو تحديث
وضربت مثال لعربيات مش أحنا الى بنقول عليها علشان محدش يقولى أصلك راكب كورى لأ دا العالم كله أجمع أنها تتطورت
وحسام أوبتراوى أشار ليها)
معلش مع كامل احترامي الكبير ليك النقطه لم تحسم بعد على الاقل حتى وقتنا الحالي , يعني حضرتك عاوز تقارن الكورولا والسيفك بالكروز والسيراتو مثلا طيب احنا ناس مش بتفهم حتى الناس بره كمان مش بيفهموا , على فكره انا بكلمك وانا حاليا قاعد بالسعوديه لا شوفت حتى الان الا سياره واحده كروز وولا سياره سيراتو بالرغم فعلا ان الاسعار هنا متقاربه يعني الكروز ب 55 الف ريال والكورولا ب 65 الف لكن لا مجال للمقارنه وطبعا زي ما بقول فيه فرق بين الياباني والكوري فهناك فرق بين الياباني والاروربي بدليل ان تويوتا لما حبت تعمل الفتيس الجديد mmt زي الاروربي ما نجحت في ذلك (مع الاخذ في الاعتبار انه ما نحج عندنا بس يعني المشكله عندنا فقط والمشكله دي لا يوجد لا اثر في بلدان العالم ) , اما بالنسبه لظهور عيوب صناعه في الشركات اليابانيه فظهرت ايضا مشاكل في عيوب صناعه في بعض الشركات الاروربيه انا مش بعيب كل ده في الكوري , وبعترف ان الكوري تطور جدا جدا لكن تظل تكنولوجية التصنيع والاعتماديه لصالح الاوروبي والامريكي ثم الياباني ثم الكوري , وبالرغم من كده الكوري قادر على تصنيع سيارات عالية الجودة لكن باسعار باهظه وكويسه لكن لو استمرت المقارنه حتى في الفئات الاعلى بين الكوري والياباني , الياباني يكسب والامثله كتييييييييييييييييييييره اوي وللمره التانيه انا مش بعيب انا بقارن زي كده في الكورة لو اقول مثلا ان النهائي الي هيتلعب مثلا في كاس العالم بين هولندا واسبانيا بقول ان اسبانيا احسن لكن مش معنى كده ان هولندا وحشه ومش بتلعب كورة ابدا بس الفكره ان اسبانيا تتفوق على هولندا مش اكتر
انا من رأي نحط السعر جنب الجودة جنب الكماليات جنب مستوي الامان
كل حاجة وليها سعر
ولا ايه
مش فاهمك!
أنا قلت مثال واضح ببين فيه أن شىء غريب أنى أركب عربيه علشان أبتكرها من بلدها
ومركبش غيرها لأنها نقله الابتكار دا
دا أسمه أيه دا؟
دا الى أنا عايز أقوله بالظبط
الكلام بتاع تثبيت الفكره دى والترتيب دا المفروض ينتهجه التجار فى الشوارع لأنهم بيستفيدوا منه جدا
لكن مش المفروض أحنا مع أطلاعنا وثقافتا نفضل نردد الكلام
يعنى اكيد الفكره كانت صح فى وقت معين
وكانت صح لأنها قامت على تجربه
دلوقتى بقيت بتردد وأصبحت خطأ عيب أوى أحنا نقع فيه
بقيه الكلام فى الموضوع كلام جميل بس مش فى صلب الى أنا عايز أتكلم فيه
ومستغرب جدا جدا جدا من فكره نقل التكنولوجيا
بجد مش فاهم أيه الى بيتقال
يا جماعه لازم التكنولوجيا تتنقل ودى مفهاش سر حربى ولا حاجه
لأن ببساطه لو مرسيدس عملت عربيه مفيش منها أتنين منا ممكن أشتريها وهفصصها واتطلع كل تكنولوجيا فيها من سبايك المتور لأصغر صاموله!!!!!!!!
أنما لما أمريكا بتصنع طياره وتحتكر فكرتها عمرها متبعها لأى دوله علشان متكشفش التكنولوجيا دى
لاهو أنا ممكن أحتفظ بسر التكنولوجيا بعد مبيعها :L_bhuhhh[1]:
أزاى يعنى!!!
الفكره فى السبق
يعنى أنا يتقال أانا أول من عمل الايرباج وتسجل بأسمى
لكن مقدرش أحتكرها لأنى معرفش أحمى الفكره منا هبيع العربيه والايرباج فيها وهيتنقل هيتنقل
دى فكره أن مفيش أسرار حربيه ولا حاجه
نيجى بقى لفكره أنا راكب أيه
والنبى حد يقولى أيه حوار لازم أركب عربيه التكنولوجيا الى فيها من بلدها دى!!!!!!!!
يعنى يوم محب الabs أسأل مين أبتكره وأركبه
أنما أركب بى إم بـ abs لأ متجيش علشان مش بى إم هى الى عملته
الفكره دى ألعن وأضل من الكورى واليابانى والاوروبى :L_bhuhhh[1]:
اعذروني يا جماعة
مفيش داعي للمناهدة ووجع الدماغ في الالماني احسن ولا الكوري احسن
اللي معاه فلوس وعايز يركب الماني اهلا وسهلا
واللي مقتنع بالكوري وعايز يركب كوري برضة اهلا وسهلا
في النهاية
كل واحد ليه متطلبات معينة فى العربية اللي يلاقى المتطلبات فى عربية معينة يجيبها حتى لو من مدغشقر
احنا بناكف بعض ونتخانق وهما ماشيين فى انتاجهم سواء دول ولا دول
ولا هنستفيد من دول ولا دول
وفى الاخر ربنا يسعد كل واحد باختياراته سوء فلبينى او بنجلاديشى او المانى