أزاى عايزين الكورى يتقدم وأحنا عقولنا مبتتقدمش!
السلام عليكم
طبعا مبزعش سرا لما أقول أن المنتدى فيه عدد لا بأس به من الاعضاء مازالوا بيصنفوا العربيات كورى و يابانى وأوروبى
ويرجحوا كفه عربيه عن أخرى فقط من هذه الوجهه دون حتى التعرف على أمكانيات الشارى أو متطلباته من العربيه.
أى عربيه تحمل شعار ماركه كوريه تبقى عربيه غير معمره و غير أعتماديه وأى تكنولوجيا تحملها فهى أكيد ذات جوده منخفضه
أما اليابانى فهو أفضل من الكورى - والله أعلم بالسبب - لكن "تسمع" عن أعتماديه أكثر وتكنولوجيا أحدث ومواتير أقوى وتقفيل ميخرش الميه وأيضا لا يمكن أن نغفل غياب عيوب الصناعه الى ماليه الكورى طبعا ولعل أبرز الدلائل الmmt و دواسه البنزين القاتله الى طبعا كان الى صممهم أبو جد أخو عمه أبوه كان متجوز واحده كوريه فدا السبب.
الاوروبى طبعا عربيات مفهاش غلطه ولا يوجد بها عيوب فليه نتعب روحنا فى وصف الكمال -لا إله إلا الله-!!
طبعا مع وجود هذه الطريقه فى التفكير نجد من ينتهجها لا يستخدم سواها فلا يوجد ما يقنعه إن ممكن للبعض يكون الكورى أفضل من الالمانى لكن طبعا هذه قاعده لا تكسر.
طبعا تغيير الطريقه دى فى التفكير صعب جدا.
بس لو فكرنا ليه الناس دى بتفكر كده فالجواب بيّن جدا وهو أن الاوروبى فعلا جودته عاليه جدا واليابانى أقل منه لكن "بيقولوا" أفضل من الكورى كذلك فمن هنا جه الترتيب.
طيب يعنى المطلوب أن الكورى يتقدم...يحسن جودته...يحدث من تكنولوجيا سياراته
تمام
وهل دا شىء صعب
يعنى التكنولوجيا متاحه والاوروبى مش خلطه كنتاكى يعنى لو الكوريين عايزين يعملوا الجوده العاليه دى فممكن
فلو عملنا كدا وأتطور الكورى مش ضرورى يغلا ولا المفروض يفضل بنفس السعر؟
تعالى شوف دلوقتى لو أى شركه كوريه عملت عربيه جباره وعملتلها 200 أو 250 ألف
تفتكر اخونا بتوع الاوروبى واليبانى هيقولو أيه؟!؟!؟!
"أدفع 250 ألف فى عربيه كورى!!!!!"
من هنا نجد أن الفكره لاهى جوده ولا يحزنون دى للأسف طريقه تفكير وتقترب من مرتبه العقيده التى لا تطرأ مجددا على السطح للنقاش
طبعا دى ليست دعوه لترك جودة الاوروبى لكن تحليل شخصى لهذا النهج فى التفكير
وشكرا جزيلاً