نقره في جسم العربيه ازاي يتعالج

سلام عليكم يا جماعه
سؤال عارف انه اتسأل اكتر من مره بس مش لاقي الاجابه ولا لاقي الموضوع

الله يسامح السياس على سواقين النص نقل على العيال الي بتسند على العربيات عملولي نقره على جسم العربيه

دلوقتي انا لقيت عندي نقره في جسم العربيه في الباب بتاع السواق ونفسي اعرف ازاي ممكن يتعالج بس بعيدا عن السمكريه والدق على البارد.

هيه النقره الحمد للله مش غويطه ولا مسمعه على البودي بتاع العربيه بس كل ما بشوفها بتخنق لأن العربيه زيرو هل ياترى في حل سحري للموضوع ده

انا سمعت عن تجربة التلج بس مش عارف هل هيه فعلا ممكن تنجح ولا لأ

افيدوني افادكم الله

انا كمان كنت داخل اقوللك على تجربة التلج
بس خللى بالك مش اى تلج لازم يكون تلج جاف وانت ماسكه هاتلاقيه بيطلع بخار كتير كانه مولع

ايه التلج ده و بيتجاب منين وبكام

ياباشا موضوع التلج ده او الفريون اللي بتمشيه او ترشه على العربية لايمكن تطبيقه فيزيائيا وكان فيه مناقشة على physics101 والناس قالوا impossible

انا مش بحبطك ولكن جرب

طيب ايه الحل العملي في رأيكم يا وحوش المنتدى؟؟
انا مش ناوي اعملها في التوكيل اليومين دول لأنها بصراحه مش مستاهله ومش جامده (شكلها بس الي يغيظ وكمان علشان انا مدقق معاها لأن العربيه اخدت الي قدامي والي ورايا)، واكيد مش هروح لسمكري

رأيكم اسيبها كده لحد قرب نهاية السنه واعملها في التأمين وهمه يحلوها بطريقتهم؟؟؟؟