السلام عليكم ورحمة الله
معروض علية عربية أنا عندي 128 هبعها وهشتري اللي هقولكم كل تفاصيلة وأنصحوني أشتريها ولا أنفض
عربية هيونداي أكسيل موديل 1995 كاملة مانويل لونها أبيض عاملة 105 ألف كيلو
رحت رفعتها والتقرير
الشاسية حلو مفهوش أي لحام غير في العاجلة الامام شمال في لحام كدة من تحت بس ملوش دعوة بالشاسية ولحام وراء عند الشكمان ومن وراء في الجمب تحت في حتة كدة مصدية بيقول ممكن بعد كدة تقلب لبارومة
فوق بقي عند الباب الخلفي تقريبا كان في خبطة وتردت وأدهنت
نأتي بقي للماتور كبس الماتور 70% بس الميكانيكي اللي كشف عليها بيقول في دقة سمعها في الترنك بس ممكن تمشي بيها 8 أشهر أو سنة علي حسب الأستخدام
دقة في الماتور طبعا أنا مش فاهم حاجة ممكن حد يفاهمني وهل دة سهل تتصلح ولا هتبقي غالية
شكلها بقي حلو مش وحش ومش متجرحة بس في حبة حاجات لاحظتها الزجاج اللي وراء كهرباء لما بنزلة بيطلع بصعوبة وممكن يقف في النصف فبساعدة بيدي علشان يطلع هو قال لي أصلة فابريكة ومش عايز أغيرة هو محتاج وحدة رفع بس
والفتيس سعات بيرد وهو في الثالث الي الثاني وفي شوية شغل في التبلوة وتقريبا في الطارة اللي وراء تقريبا محتاجة بلية
تقريبا دية كل المعلومات عنها
نأتي بقي للفلوس
هو هيعطيهاني ب كاش ب 37 ألف
ولو هقسطهم هدفع 20 ألف والباقي علي 15 شهر كل شهر 1300 جنية يعني المجمل 39500 ألف جنية
ما رأيكم بس أرجوكم بسرعة لأنة منتظر الرد في أسرع وقت ممكن
والسلام عليكم ورحمة الله
المفضلات