الحكم بإعدام التوربيني وحناطة ...(وائل عطية)

**وائل عطية** · 24-05-2007 05:19 PM

الحكم بإعدام التوربيني وحناطة زعيمي عصابة قتل واغتصاب الاطفال

طنطا- قضت محكمة جنايات طنطا الاربعاء بإعدام كل من رمضان عبد الرحمن منصور الملقب بـ"التوربيني" وفرج محمود "حناطة" زعيمي عصابة اغتصبت وقتلت عددا من أطفال الشوارع في القاهرة والوجه البحرى.

وقالت مصادر قضائية إن " محكمة جنايات طنطا قررت إحالة أوراق التوربيني و حناطة إلى فضيلة المفتي وحددت جلسة 20 يوليو للنطق بالحكم عليهما بالإعدام وعلى خمسة متهمين آخرين بأحكام مختلفة".

ويعتبر رأي مفتي مصر في أحكام الإعدام استشارياً ويستبعد أن يطلب تطبيق عقوبة أخرى.

وبدأت الشرطة إلقاء القبض على أفراد العصابة في نوفمبر بعد أن قالت صحف محلية إنهم يستغلون بعض أطفال الشوارع في التسول ويعتدون عليهم جنسياً ويقتلون من يرفض منهم إطاعة الأوامر.

وقال مصدر إن "التوربيني سأل هل سيتم تنفيذ الإعدام الآن. وقال : عايز اشوف أخويا واختي"

التوربيني وحناطة في العشرينات من العمر وليس هناك من بين أفراد العصابة من تلقوا تعليماً يذكر وكانوا غالبا من أطفال الشوارع قبل تكوين عصابتهم.

منقول

**sab3aawy** · 24-05-2007 05:23 PM

إيه دا هم هايعدموا التوربينى خلاص؟

يعنى بعد كدة لو عايزين نروج اسكندرية مفيش امامنا غير السوبر جيت

**وائل عطية** · 24-05-2007 05:25 PM

يعنى بعد كدة لو عايزين نروج اسكندرية مفيش امامنا غير السوبر جيت

وقدامنا كمان النيسان صني :lol: :lol: :lol:

**mohamed yousry** · 24-05-2007 09:08 PM

حرام يعدموا هذا الحمل الوديع....... :o

**Dr Ahmed** · 24-05-2007 10:18 PM

حمل وديع؟
ههههههههههه

بس تصدق انه يستاهل الدراسة؟
إيه اللى عمل منه المجرم العتيد ده؟
وياترى فيه غيره حاليا؟
وهل أطفال الشوارع الحاليين مشاريع توربينية؟
وهل توجد أى خطة تحت رعاية ماما سوسو للإحاطة بخطر التربية فى الشارع؟
وهل تشكل هذه الفئة أدنى اهتمام لدى المسئولين؟
وهل توجد وزارة فى مصر اسمها وزارة الشئون الاجتماعية؟

مجرد تساؤلات