الباشا مبيحبش النمر لانها بتشوه شكل العربية، وتخليها زي باقى عربيات الشعب!!

**hon** · 08-07-2010 02:12 AM

السلام عليكم ورحمه الله وبركاته
الموضوع عادى انا ليا واحد جارى معاه لانسر شارك بقالة سنة ونصف ومفيم العربية ومش مركب نمر وحاطط مكان النمر طيارة الظاهر هوا طيار عموما هى مصر

**bakkarahmed** · 08-07-2010 04:24 AM

المحدثين واصحاب العقول التافهة كتييييييييييييييييييير
انا والله باشفق عليهم

**Amrrr** · 08-07-2010 05:11 AM

دا جامد اوي

**Mzeid** · 08-07-2010 05:15 AM

هههههه
و دي حاجة
في جنبي في طنطا عربية من 2002 لانوس معلقتش نمر بتاتا بتاتا بتاتا بتاتا

**aly_moh** · 08-07-2010 01:08 PM

بسم الله الرحمن الرحيم

السلام عليكم ورحمة الله وبركاته

انا شيف من تعليقاتكم ان معظم الناس مستائين من اللى بيشفوة
بس انا عندى اقتراح حلو
احنا مش هنتكلم عن السلبيات اللى احنا بنشوفها لانها هتبقى كتير لاكن هنتكلم عن الايجابيات اللى هى بقت قليلة
ويارت كل واحد شاف حاجة وحشة ميقلدهاش و يعمل زيها ويقول اشمعنى !!!!

كل واحد يارت يفكر فى حاجة ايجابية ويعملها لان لو استمرينا نعمل ايجابيات اللى بيعملوا السلبيات هيحسوا علي دمهم و هيبقوا قلة

**ahmed2y** · 08-07-2010 01:32 PM

المشاركة الأصلية كتبت بواسطة bakkarahmed

المحدثين واصحاب العقول التافهة كتييييييييييييييييييير
انا والله باشفق عليهم

فعلا لو واحد شبعان وابن ناس ميعملش كدة حتى لو هو مين

**MASERATI** · 08-07-2010 01:48 PM

السلام عليكم ورحمة الله وبركاته

و الله فكرتونى بواحد والده كان أستاد فى كلية التجارة عندنا هنا فى جامعة المنصورة و والده ده كان راجل طيب و محترم و اترقى لحد مابقى رئيس جامعة المنصورة و قبل ما يبقى رئيس الجامعة كان جارى هنا فى مساكن الجامعة .

الدكتور ده كان عنده ولدين , بديهى يعنى أكيد واحد منهم اتعين معيد فى كلية التجارة و بعد كده سلك الطريق المعروف الى المجد .

الابن التانى , كان غتييييييييييييييييت أوى , و دخل كلية الحقوق و اتعين وكيل نيابة, أومال يعنى والده هيسيبه يطلع محامى, المهم اشترى عربية لانوس سودا و أنا لازلت لحد النهاردة فاكر رقمها , ملاكى الدقهلية 1518 , المهم , أول ما رخص العربية , قام شايل النمر بتاعت المرور و عمل نمر عمولة لونها أسود , و كتب عليها , الأرقام بالأبيض فى النص و حوالين الأرقام كتب الآتى :

هيئة قضائية - مجلس الدولة - النيابة العامة - و كمان حاجتين كده , أنا مش فاكرهم.

بقت الناس بتضحك عليه و تقول ايه الأهبل محدث النعمة ده , الظاهر لحد ما واحد ابن حلال بيفهم , كلمه و قاله , عيب عليك , قام شايل الفرح اللى كان عامله , الموضوع ده أنا لسه فاكره لحد النهاردة رغم أنه عدى عليه بتاع 10 سنين .

مازيراتى كواتروبورتيه

**DR.M** · 08-07-2010 02:26 PM

حاجات تفرس

استر يارب

**amrseba** · 08-07-2010 02:35 PM

والله يا جماعه انتم فاهمين غلط خالص ديه عربيه معاقين والعربيه المعاقين على بال ما ورقها بيروح المرور بيقعد شهر تقريبا فعشان كده ماشى من غير نمر عادى ياعنى المهم ورق دفع الجمرك وررقها يكون معاه

بس انتم فاهمين غلط