بعد اذنكو يا جماعه
حد يقوللى بسرعه ازاى اروح ميدان المطرية
او ميدان المطريه ده مكانو فين عشان اروحو !!
عرض للطباعة
بعد اذنكو يا جماعه
حد يقوللى بسرعه ازاى اروح ميدان المطرية
او ميدان المطريه ده مكانو فين عشان اروحو !!
اولا ازيك وايه أخبار المنصورة ( : وأهلا بيك فى القاهرة نورتنا ياباشا
ثانيا : انت طبعا اكيد هتبقى جاى من الطريق الزراعى بعد ماتنزل من كوبرى قليوب خلاص انت كده داخل على القاهرة .. هتلاقى قدامك الطريق الدائرى هتطلع من المطلع التانى يعنى اول مطلع سيبه اللى بيوديك على الاهرامات والجيزة لا احنا عايزين تانى مطلع اللى بيودى على مدينة نصر و المطار و مصر الجديدة ..
بعد ماتطلع الطريق الدائرى هتفضل ماشى تقريبا 10كم طبعا هتعدى على كذا منزل زى مثلا منزل بهتيم و منزل مسطرد ومنزل المرج ومنزل مدينة السلام كل ده هتسيبه طبعا لغاية ماتلاقى قدامك نفق هتخرج من المخرج اللى جنب النفق على اليمين طبعا
هتلاقى مكتوب على اللوحة طريق مصر اسماعيلية الصحراوى و شارع جسر السويس المهم
هتخرج وتمشى فى طريق جسر السويس هتلاقى قدامك كوبرى ماتطلعوش وخليك ماشى زى مانت على جسر السويس وتفضل ماشى طوالى ولا تدخل لاشمال ولا يمين وانت ماشى هتعدى على موقف اسمه ألف مسكن ده مشهور جدا هتسيبه برضو وتفضل مكمل فى جسر السويس
بعد كده هتلاقى قدامك كوبرى اسمه كوبرى التجنيد ماتطلعوش وامشى من تحت وادخل يمين مع شريط الترماى انت كده خلاص قربت جدا من ميدان المطرية
هتمشى بعد مادخلت يمين من تحت كوبرى التجنيد هتلاقى قدامك ميدان ابن الحكم هتفضل برضو مكمل عالطول ممكن تلاقى الحتة دى زحمة شوية بس ماشية يعنى ماتخفش وبعد كده هتعدى تقاطع هتلاقى قدامك كوبرى المطرية بيعدى من فوق مترو الأنفاق هتطلعه وتنزل بعد ماتنزل من كوبرى المطرية ب 5 دقايق بس هتلاقى قدامك ميدان المطرية .. بس انت كده فى ميدان المطرية
أتمنى انى اكون قدرت أفيدك وتوصل بألف سلامة ان شاء الله ..
الف شكر يا باشا
لا شكر على واجب أنت تؤمر .
فى طريق اسهل من كدة انك وانت جاى من الزراعى تعدى موقف عبود وتدخل يمين فى اول شارع بعد الموقف اللى بيلف وراء الموقف وهتمشى على ترعة الاسماعلية مفيش 10 دقايق وتلف من جنب قصر الرئاسة وتلاقى نفسك فى ميدان المطرية الموضوع مفيش 10 دقايق من عبود للمطرية
هو حضرتك تقصد القصر الجمهورى اللى فى سراى القبة ولا قصر تانى عشان أعرف الطريق ده برضو