صوت الماتريكس وارجو المساعدة
السلام عليكم ورحمة الله وبركاته
عندي سيارة ماتريكس موديل 2006 اوتوماتيك
شاريها من حوالى شهر
بعد تغير السيور والذي منه لاحظت حاجة مش عارف هي طبيعية ولا لأ
اول ما ادور العربية الصبح الاقي صوت العربية ناعم جدا وهاديه جدا وسحبها فل
وبعد ما العربية تسخن للحرارة الطبيعيه " حوالى تلت المؤشر " برضه الصوت عادي جدا
بعد ما امشي مسافة حوالى 20 كيلو تقريبا الاقي صوت العربية على وبقى خشن وخصوصا على الغيارين الاول والتاني ولما توصل السرعة حوالى 85 يعني الفتيس يبقى على غياره التالت الصوت يروح خالص يعني الصوت بيظهر لما اقف او اعدي مطب واجي ادوس للعربية اسمع الصوت دا
طبعا اتاكدت من تبريد زيت الفتيس فيي الردياتير
وغيرت زيت الفتيس والفلتر بتاعه
ونضفت حساس الانجيكشن اللى قدام مش اللى ورا الانجيكشن
الصوت بصراحة قل خالص بس لسه فيه صوت خفيف يعني اعلى من اول ما ادور العربية الصبح
ولاحظت اني لما الصوت دا يظهر لو وفقت دقيقة او اتنين بيروح وبعد فترة يرجع تاني
انا اول مرة اركب عربية كوري وفيه ناس قالتلي ان الكوري كله صوته بيعلى بعد فترة من المشي
هل دا عادي ولا فيه مشكلة في العربية
يا ريت لو حد عنده معلومة يفيدني بيها
وشكرا ليكم جميعا مقدما