الموضوع: فلتر بنزين البروتون ما له وما عليه

موضوع من المواضيع المهمه التعريفيه
قبل كده اتكلمنا وشفنا فاتر زيت الروتون واتكامنا عن شغله وشفناه من جوه وعرفنا ايه الي يركب مكانه
النهارده معانا ميعاد مع فلتر بنزين البروتون وبرضوا هندخل جوا الفلتر ونشوفه من جوه
تعالوا الاول نشوف مكانه فين
طبعا مكانه في الجين2 والبرسونا عند العجله الخلفيه من ناحيه الشمال وعشان اكون دقيق اكثر عند الباب الخلفي يمين
تعالوا نشوف مكانه وشكله في العربيه









طيب ايه فايده الفلتر ده
فايدته انه بينقي الشوائب من البنزين وتوصيا البنزين في انقي صوره للرشاشات وطبعا ده الفلتر الثاي لان في فلتر جوه التنك وراكب قبل طلمبه البنزين لاكن حجمه مش زي ده

وعلي فكره تركيبه الداخاي من الياف كرتونيه دقيقه جدا والتي لا تسمح بمرور اصغر الشوائب

تعالوا نشوف شكل الفلتر وهوا بره العربيه




شكل الفلتر من الامام والخلف لان ليه داخل وخارج وماينفعش خالص يركب معكوس









طيب ايه عيوبه
لو حصل والفلتر اتسد علطول لمبه الاتشك بتنور وكمان بيخلي العربيه ما تسحبش علي السرعات العاليه
لان السدد بيقلل كميه البنزين الي رايحه للرشاشات
علي فكره الفلتر المفروض بيتغير في صيانه ال 20000 وسعره 145 جنيه
تعالوا نشوف شكل الفلتر من جوه بس معلش الفلتر مش نيف خالص يعني هنلاقيه اسود تماما




ده شكل الفلتر من جوه بس يعتبر الجسم فقط لان الفلتر كان في ايدي التانيه




شكل الفلتر من جوه وهنلاقيه شبه مسدود






كده خلاص طيب تعالوا نعرف ايه الي يركب مكانه يعني انا مش هجيب الفلتر بتاع البنزين ب 145 بس عشان عليه اللوجو بتاع بروتون بس لان مفيش اي اختلاف بينه وبين فلتر بنزين النوبيرا والاوبترا لاكن الفرق 100 جنيه لان فلتر النوبيرا والاوبترا ب40 جنيه وعلي فكره هوا هوا الفلتر حتبي الكلبسات الفرق الوحيد ان فلتر الاوبتترا والنوبيرا عليه سلكه ارضي عشان الكهرباء الاستاتيكيه فقط دون اي اختلاف داخلي او اي شي تاني
اخر صوره افلتر النوبيرا وهوا راكب في حوض الموتور

في النهايه ارجوا اكون افدتكم واي استفسار انا في الخدمه وانتظروا المزيد قريبا