قيادة الابن عربية الوالد ؟!!!!!!!!!!

**ahf_vip** · 21-07-2010 10:15 AM

لو معاه رخصه يبقى عادى و حكاية التوكيل دى بتتعمل عادى لان انا عندى 19 سنه و معايا توكيل اداره بالعربيه و محدش يقدر يقول حاجه

**Eslam.Elrefaey** · 21-07-2010 11:43 AM

مش لازم توكيل عندنا فى المنصورة مادام معايا رخصة العربية لو حتى بتاعة صاحبى ومعايا رخصتى خلاص اما لو رخم فعلا دى بقا حته بخمسه تمشى الموقف ودماغك لازم تتفتح على راى سركن

**kh_talaat** · 21-07-2010 11:53 AM

بدام معاك رخصتك ورخصة العربية (ايا كان صاحبها ) محدش له عندك حاجة

إلا العربيات التريبتك لازم صاحبها فقط هو اللي يسوقها ... ومش كل الضباط بدقق على الحكاية دي

**John_Samy_1** · 21-07-2010 12:01 PM

المشاركة الأصلية كتبت بواسطة computerking

السلام عليكم يا جماعة

اردت ان اسأل

هل قيادة ابن قاصر ( اصغر من 21 سنه ) لعربية والده و معاه الرخصة بتاعتها ممنوع او يعتبر مخالف للقانون ؟ للعلم انه لايمكن للقاصر ان يتعمله توكيل

شكراً

إنت تقدر تسوق أي عربية رخصة القيادة بتتعتك تسمح بيها ( التالتة بتسمحلك باي ملاكي بس مش نقل أو أجرة ) طول مامعاك الرخصة بتاعتها, مش بتاعت والدك بس. ديه خطورة إنك تسيب رخصة العربية جوه العربية. التوكيل ده بيكون في حالة إنك عيز تبيعها أو تتعامل مع المرور بدل والدك مش عشان القيادة. فيه استثناءات بسيطة زي مينفعش تكون رخصة درجة تالتة وتسوق أي جرار زراعي لازم يكون بتاعك شخصيا.

المصدر مدرسة المرور لتعليم القيادة بمرور بين السريات

**Deshahcoka** · 23-07-2010 03:04 PM

الف شكر يا جماعة انتوا بجد ناس عالية قوي :) ربنا يخليكوا

**ashraf229** · 26-07-2010 01:03 PM

اللي يقولك فين التوكيل يبئى عايز فلوس!!!!!!!

أنا وقفني كمين طريق العلمين مارينا و اديتله رخصتي ورخصة العربية اللي بأسمي و الراجل مصر انه مفيش توكيل يا باشا!!!!!!

فين و فين لما فهمته انها عربيتي...........مسكين ما بيعرفش يقرا..............توب علينا يارب..............

أقترح يحطو صورة صاحب العربية على رخصة عربيته علشان هذا النوع من العباقرة..........

**Deshahcoka** · 27-07-2010 04:44 AM

بص انا مبدئي لو الواحد سليم مش حدفع الا بطلوع الروح لو فيها رخامة و تاخير اما لو كنت مخالف فلازم تدفع علشان تخلص نفسك و لا انا غلطان ؟

بس لو حطوا صورة على رصحة العربية الابن مش حيعرف يسوق ّ

**Ahmed Samy** · 27-07-2010 05:16 AM

المشاركة الأصلية كتبت بواسطة ashraf229

اللي يقولك فين التوكيل يبئى عايز فلوس!!!!!!!

أنا وقفني كمين طريق العلمين مارينا و اديتله رخصتي ورخصة العربية اللي بأسمي و الراجل مصر انه مفيش توكيل يا باشا!!!!!!

فين و فين لما فهمته انها عربيتي...........مسكين ما بيعرفش يقرا..............توب علينا يارب..............

أقترح يحطو صورة صاحب العربية على رخصة عربيته علشان هذا النوع من العباقرة..........

طب مانعمل توكيل يا أخي

انت غريب فعلا

ههههههههههههههه