السلام عليكم يا جماعة
اردت ان اسأل
هل قيادة ابن قاصر ( اصغر من 21 سنه ) لعربية والده و معاه الرخصة بتاعتها ممنوع او يعتبر مخالف للقانون ؟ للعلم انه لايمكن للقاصر ان يتعمله توكيل
شكراً
عرض للطباعة
السلام عليكم يا جماعة
اردت ان اسأل
هل قيادة ابن قاصر ( اصغر من 21 سنه ) لعربية والده و معاه الرخصة بتاعتها ممنوع او يعتبر مخالف للقانون ؟ للعلم انه لايمكن للقاصر ان يتعمله توكيل
شكراً
انا يا باشا عندى وبركب عربية والدى وعربيات البيت كلها وبعدى على المرور مفيش حد بيتكلم معايا مش عارف فى ايه
المهم هوا معاه رخصه ولا لا
اذا معاه رخصه مافيش مشكله
بس لو معهوش اكيد مشكله
طبعاً معاه رخصة :) بس مفيش موضوع التوكيل و الحوارات الي بسمعها!
مفيش حوارات ولا اى حاجه عادى خالص انو يسوق مدام معاه رخصه
ربنا يخليك يا باشا :)
اعتقد أقارب الدرجة الأولي ( طالما معاك رخصة ) مافيش مشكلة
في موضوع اتعمل قبل كده في المنتدي والناس قالت انه عادي تركب عربيه والدك لكن عربية والدتك لازم توكيل
وهي علي حسب مزاج الباشا الدكتور
الله ينور يا رجالة :) الف شكر
يا معلم بنسوقها من غير رخصه كمان
وياعنى مفيش لجنه كل 15 متر بس اهم حاجه يكون معاك بطاقه و رخصه السياره الى بأسم الوالد ورخصتك بدول مفيش امين ولا عسكرى يقدر يكلمك الا لو كان بيغلس وعايز فلوس 10 جنيه فى ايده ويقولك ربنا ينورلك طريقك
لو معاه رخصه يبقى عادى و حكاية التوكيل دى بتتعمل عادى لان انا عندى 19 سنه و معايا توكيل اداره بالعربيه و محدش يقدر يقول حاجه
مش لازم توكيل عندنا فى المنصورة مادام معايا رخصة العربية لو حتى بتاعة صاحبى ومعايا رخصتى خلاص اما لو رخم فعلا دى بقا حته بخمسه تمشى الموقف ودماغك لازم تتفتح على راى سركن
بدام معاك رخصتك ورخصة العربية (ايا كان صاحبها ) محدش له عندك حاجة
إلا العربيات التريبتك لازم صاحبها فقط هو اللي يسوقها ... ومش كل الضباط بدقق على الحكاية دي
إنت تقدر تسوق أي عربية رخصة القيادة بتتعتك تسمح بيها ( التالتة بتسمحلك باي ملاكي بس مش نقل أو أجرة ) طول مامعاك الرخصة بتاعتها, مش بتاعت والدك بس. ديه خطورة إنك تسيب رخصة العربية جوه العربية. التوكيل ده بيكون في حالة إنك عيز تبيعها أو تتعامل مع المرور بدل والدك مش عشان القيادة. فيه استثناءات بسيطة زي مينفعش تكون رخصة درجة تالتة وتسوق أي جرار زراعي لازم يكون بتاعك شخصيا.
المصدر مدرسة المرور لتعليم القيادة بمرور بين السريات
الف شكر يا جماعة انتوا بجد ناس عالية قوي :) ربنا يخليكوا
اللي يقولك فين التوكيل يبئى عايز فلوس!!!!!!!
أنا وقفني كمين طريق العلمين مارينا و اديتله رخصتي ورخصة العربية اللي بأسمي و الراجل مصر انه مفيش توكيل يا باشا!!!!!!
فين و فين لما فهمته انها عربيتي...........مسكين ما بيعرفش يقرا..............توب علينا يارب..............
أقترح يحطو صورة صاحب العربية على رخصة عربيته علشان هذا النوع من العباقرة..........
بص انا مبدئي لو الواحد سليم مش حدفع الا بطلوع الروح لو فيها رخامة و تاخير اما لو كنت مخالف فلازم تدفع علشان تخلص نفسك و لا انا غلطان ؟
بس لو حطوا صورة على رصحة العربية الابن مش حيعرف يسوق ّ