اوعى تسيب مفتاح عربيتك لحد حتى لو تعرفه
من كام يوم رحت ارض اللوا مع ابن عمتى عشان نجيب طلب من هناك وكانت اول مرة اروحها بصراحة .نزلنا من شارع السودان على حتة مزلقان وكانت مزنوقة عليه العربيات والجرس عمال يرن و لاقيت الناس عادى ولا هاممها بتطلع فوق شريط القطر والطريق واقف و ولا هما هنا وده اللى خلانى اشك ان انذار المزلقان ده مبيبطلش تقريبا سواء قطر جاى او لأ
مش عايز اقول بعد كده على اللى شفته هناك من طرق و شوارع عجيبة وغريبة ...دانا كنت متعصب وانا راكب السرفيس بس اللى كان مصبرنى انى بفرح اوى كل مافتكر انى مجتش بالعربية وإلا كنت هاعمل حرب عالمية خصوصا مع سواقين التكتك:_Alshmokh08[1]:
بالصدفة البحتة كنا واقفين قدام التوحيد والنور هناك وكان فى عربيتين راكنين واحدة لانسر بوما سودا والتانية كورولا2005 نبيتى وكانوا راكنين عمودى على الرصيف بميل
و فجأة الاقى اللانسر بتتحرك لورا بغشوميةوخبطت من الاكصدام بتاعها الورانى من ناحية الشمال فى يمين الاكصدام الورانى بتاع الكورولا ... قعدت اخبط على شنطة اللانسر عشان صاحبها يحس اللى انا شكيت اساسا انه بيعرف يسوق..وطلعت واحدة ست وراحت بصة على مكان التصادم وشايفة العربيتين لازقين فى بعض وهى عاادى خالص راحت مكملة جايبة الرفرف الورانى ساعتها حسيت ان قلبى بيتقطع وقلت فى سرى ربنا ينتقم من اللى اداكى العربية دى واداكى رخصة سواقة وضميرى نقح عليا ومسكتلها الدركسيون عشان اطلعها من الكورولا و لاقيتها نازلة من العربية ولابسة بيجامة بمبى وعرفت انها السايسة...كان نفسى ساعتها اروح اتخانق معاها وابن عمتى هو اللى مسكنى ووشى كان قالب احمر وناوى اعجنها هى واللى مشغلنها:_Alshmokh08[1]:
رحنا مشورنا وواحنا راجعين مالاقيتش العربية اللانسر بس لاقيت صاحب الكورولا راكبها وراجع بيها لورا فقولت اروح ااقوله على البت التييييت دى بس ابن عمتى قعد يقولولى مالكش دعوة ووانت مالك والكلام ده
طبعا لما صاحب اللانسر اول ماشاف عربيته متدمرة اكيد البنت دى هاتقوله ان حد خبطها ومشى
بنى آدمين ماعندهمش دم..
دلوقتى انا بندم انى ماتخنقتش معاها او اضعف الايمان انى اعرف بتاع الكورولا
بالله عليكم اوعى حد يسيب مفاتيح عربيته للاشكال دى او حتى الميكانيكية لأن محدش هايقّدر العربية اللى هو راكبها غير اللى تعب فى فلوسها