سمير باشا اهلاً بيك على ارض الواقع
سمير باشا اهلاً بيك على ارض الواقع
مش كنت تيجى المقابلة اسهل نتكلم فى الموضوع ده :F_eyeb1[1]:
انا يا دكتور متكلمتش عن اللى ماشى بياخد 70 غرزه فى الثانيه , ده اساسا الواحد يبعد عنه حقنا للدماء لكن انا بتكلم فى واحد ماشى على الشمال وعايز يعدى منك سواء كان على السرعة القانونيه او تخطاها
مش كل الناس عندهم ظروف , كلام جميل طيب هل انت وقفت كل اللى بيعدى منك سألته ظروفه ايه ولا عاطل فى باطل ويلا يا ولود التيت ومحدش هيعدى !!
اساسا ايه الفكره من ضم الحارة الشمال لممتلكات صاحب المزاج اللى راكب عليها ومش راضى يسيبها ؟
مازلت بؤكد ان مفيش اى قائد سياره زيه زى على الطريق من حقه يحاسبنى على سرعتى طالما انا لم اعرضه للخطر , وده لا ينطبق فى انه يقف فى طريقى وانا بجرى وفى الحاره اللى من حقى انا
يعنى مثلا اشمعنى الناس اللى بتمشى فى الشمال دى بتزعل قوى من مشى النقل فى الشمال , طيب ما النقل بيبقى معظم الطريق ماشى بسرعه هل معنى كدا ان الشمال من حقه ؟!! , هتقولى لا هقولك تمام علشان هو ليه حارة يمشى فيها وكذلك الملاكى اللى ماشى بسرعه الطريق وكذلك الملاكى اللى ماشى 300 وبيعدى من باقى الناس برده من حقه لما يضرب النور الكل يوسعله اذا كان يمينه فاضى لكن اذا انا شايف اللى قصادى يمينه مقفول او فى حد وراه او بأى حال صعب يجى يمين بكل أدب بديله تقليبه واحده بس اقوله انى مستنى وراه يعنى وعلى اقل من مهله لما ياخد يمينه
انما ابقى جاى مفيش فى الطريق غيرى وغيره وهو حالف ما يوسعلى الشمال وفاكر انه كدا بيهدينى انا شخصيا ببقى عدائى اوى معاه ومباخفش عليه وبعدى منه بأسلوب اللى خايف على نفسه يوسع , هو كدا مستفدش غير تعريضى وتعريض نفسه للخطر
اللى بيخاف من السواقه يا دكتور مع احترامى ميركبش عربيات , او بمعنى اصح ميطلعش طرق سريعه وده كلام لا تعدى فيه على حقوقه بالعكس كل دول العالم المحترمه شرط تجديد رخصه القياده فيها لأى حد خاصه كبار السن اختبار قدرتهم على التعامل مع الطرق السريعه
الخلاصه زى ما قولنا الحاره الشمال للتخطى فقط ومن حق الاسرع دايما طالما اللى ماشى فيها دلوقتى الظروف تسمح انه يوسع ده قانون ثابت فى المرور لا جدال فيه وللأسف علشان حال الرخص الزحلايقى اللى ماشى فى بلدنا محدش عارف قواعد المرور و دلوقتى بنتناقش فى قاعده رئيسيه زى دى
طيب انا نفسى اعرف هى الناس دى مبتوسعش ليه
سبب واحد بس اقتنع بيه ,
الناس دى يمينها فاضى ومبتوسعش ليه !!! , كسل ؟ , زهق ؟ , النور مش واصل عنده المقصوره الرئيسيه ؟ , مش فاضى مثلا !!!
انا بقى اكتر حاجة بتغيظني
اني اكون ماسك شمال و شايف واحد جاي بسرعة ورايا ... ادي اشارة يمين و ابدأ ادخل الحارة اليمين... الاقي الأفندي ورايا برضه !!.... (طب ما تصبر ... و الله هوسعلك!)
اعمل اية مع دول بقى ؟؟
انا بعمل حاجه ظريفه لطيف حضرتك تضرب الزينون فى عينه وتديله كلاكس على طول ولو رخم بقى هعدى منه و وهمشى براااااااااااااحه واخلى الديك يبيض راح يمين هروح يمين راح شمال هروح شمال رخامه برخامه بقى
اللى بيخاف من السواقه يا دكتور مع احترامى ميركبش عربيات , او بمعنى اصح ميطلعش طرق سريعه وده كلام لا تعدى فيه على حقوقه بالعكس كل دول العالم المحترمه شرط تجديد رخصه القياده فيها لأى حد خاصه كبار السن اختبار قدرتهم على التعامل مع الطرق السريعه
+111111111111111111111111111111111111111111
و الله انت جبت من الاخر يا اساذ احمد الى يخاف من السواقع على الطرق السريعه يبقى ميطلعش و لو طلع يخليه فى اليمين الواحد كل يوم بيسافر و بيشوف حجات غريبه الى يطلع على طريق سفر يمشى على مهله على اليمين و شكرا عايز تمشى على الشمال يبقى تجرى لغايه ما يجى حد بيجرى اكتر منك توسعله هيا اصلا الطرق السرعه 3 حرات ( اسكندريه الزراعى و فى حتت منه حارتين كمان ! )
لان مش معنى انك تكون بتجرى على الشمال و حد جاى بيرعشلك من ورا و هوا شايف انو مفيش حته يمين يرحها تسيبه ماشى وراك و تنفضله و تديله اشاره يمين
معلش يا جماعه - رجاء - بلاش تلزق في اللي امامك - لو حانتكلم قانون دي أخطر مخالفه تم ذكرها في الموضوع دا كله -اعملوا بحث عن tag tailing - بره بيعتبروها قياده عدائيه و مخالفتها كبيره - مش من حقك تلزق في الل أمامك لو عامل مخالفات الدنيا و هو ماشي
طبعا مع اقراري ان "المفروض" الحارة الشمال تبقى للتخطي لكن ان الاقي واحد لازقلي لحد اما اعدي العربيات اللي على يميني و يرعش وكلاكسات مع ان باين زي الشمس ان انا فعلا ب أتجاوز الناس اللي على يميني فا دي مش بس مخالفه - دي حاجه تغيظ و فعلا أحيانا ب اتعمد ماعديهوش - مش بس من غيظي لكن عشان كتير اول ما تيجيلي فرصه اخد يمين عشان اعديه من استعجاله بيروح داخل هو كمان يمين و بتبقى خطيره الجدا الحركه دي
مع احترامى وتقديرى للأستاذ صاحب الموضوع ....
أنا أرفض هذا الأسلوب
ده ارهاب مش سواقة
ولما بتحصل معايا حاجة زى كده اديه اشارة شمال والزق شمال ... واشاور له بايدى اليمين لو عاوز يعدى من اليمين
انما واحد يلزق لى ويزمر ويضرب نور عالى بالطريقة الاستفزازية دى لا أقبلها
وخصوصا انى لو مشيت فى الحارة الشمال بديهيا حاكون ماشى بأقصى سرعة مسموح بها فى الطريق
عموماً اليومين دول .... وكما الحال فى مصر
أسرع حارة هى اليميىىىىىىىىىىىىىىىىىىىن .... وشوفوا بتوع الميكروباص وانتوا تصدقونى
وشوفوا سواقين باصات مصر للطيران Egypt Air بيتصرفوا ازاى
يا فندم انا اقصد هنا لو انا عاوز اتخطي واحد من الشمال وهو اليمن فاضي وبرده ماسك في الشمال لاكن لو واحد يمنه مشغولاقتباس:
طب بذمتك دي طريقة
نفترض هو معرفش يعديك لانه مش حريف سواقة زيك تقوم تعديه وتلزق فيه من ادام
نفترض واحد تاني من ورا بردو عمال يرعش له بالنور وعلشان ياخد يمين خبط فيك هايبقي الحال ايه؟؟؟؟؟؟؟
اعتقد اني حراعي ده بس هو لو واحد ابن تييييييييييييييييت مش حسيبه
انا مش حاخسر حاجة ... بس لازم آخد يمينى بطريقة آمنة
انا اعتراضى على الآسلوب فى طلب التخطى
اللى انا اعرفه برضه ان لو عربية عاوزة تعدى عربية امامها لازم ينتظر لغاية ما اللى قدام ياخد يمينه بعد ما يتأكد ان اليمين فاضى
انما الهجوم بالكلاكس والنور العالى والكبس ممكن يؤدى لارتباك السائق والله اعلم ممكن يحصل ايه ساعتها
اللى يعمل كده (يكافئنى ويرمى على شمال ويلبسنى فى الرصيف)
ده يبقى بلطجى زى معظم البلطجية اللى راكبين عربيات دلوقت
ولو حصلت معايا ربنا هو المعين على مثل هذه النوعية ...
تعالى نفترض موقف :
لو انت ماشى سريع فى الحارة الشمال
و سواق ميكروباص أو تريللا أو شاب مستهتر بلطجى عمل فيك الحركة دى
ولسوء حظك كان أمهر منك فى السواقة
ولبسك فى الرصيف .... حاتعمل ايه ؟
حتقول له Well Play .... Good Luck ؟
ممكن يكون راجل كبير سايق و انت كده بتخوفه
وومكن يتلخبط بسببك و يعمل حادثه
يبقى انتا كده قتلته
قال رسول الله صلى الله عليه و سلم ((لا يروع مؤمن مؤمنا)) او كما قال صلى الله عليه و سلم
مش معنى انه سايق بطيء انه مجرم و يستاهل عقابك
الطبيعي في دول العالم ان لما اكون ماشي في الشمال و المح عربيه ماشيه ورايا بسرعه اول فرصه اوسعلها الطريق
بدون ما يشغل النور العالى او كلاكسات او كبس
السواقه فن و ذوق و اخلاق
كنت ماشى على المحور,,,
بنت راكبه 128 حمرا وماشية على 70 تقريبا وضاربه الهاندفري فى ودنها وماسكة شمال طول الطريق....
عادى جدا....
طاب انا نص السنة اللي فاتت كنت علي الصحراوي وماسك شمال علي 160
و ألاقي لانسر شارك ورايا وبيقلب نور وبيرخم
طاب هيعدييني ازااااااااااااااااااااااا اااااي فوق ال160 ؟؟؟؟؟؟؟؟
طبعا انا رخمت وخصوصا ان الوقت ده كان في تحويلات علي الطريق
وكنت مابصدق ألاقي الطريق وسع وكبر عشان أجري
هو بقي أتبع نفس السياسة بتاعة تقليب النور والكلاكس وكمان زينون
كبرت في دماغي واديته شمال
برده مفهمش
قمت مطلع cd وعكست الزينون في وشه
فلقيته هدييييي ومرديش يعدي خالص
حتي كمان انا هديت كذا مرة وبلاقيه برده ورا
طاب أشمعني كان عايز يعديني ؟؟؟؟
طبعا الظروف اللي انا كنت فيها غير بتاعة صاحب الموضوع
بس أبقي خد بالك عشان برده الحركة ده مثيرة للعند
أبقي أدي كلاكس علي تقليبة في الأول
:Ka_che1[1]:
لما لقيت انه فاتح الزينون
قلت لازم أعكسة في وشه
بصيت حولايا عشان حاجة تعكس زي المراية بدل ما أفك مراية الصالون
لقيت cd
http://no0oly96.files.wordpress.com/2008/11/cd.jpg
قمت حاطت الحته اللي شبه المرايا ده عشان أعكس النور عليه
وكنت باصص في مرايتي عشان أعرف أنشنها في عينه :Oc_sun1[1]:
بس لازم تنشن بسرعة عشان مايلحقش يقفل الزينون
وهو أول ما هتيجي في عينه هيقفله علي طول:dzey:
:khd:
بس الكلام ده بحرص جداااا
وخصوصا اني كنت ماشي 160
يا لعييييييييييييييييييييييي ييب
يعنى مسكت ال cd بايدك وسقت بيد واحدة وقعدت تنشن عليه باليد الثانية ؟؟؟
لعييييييييييييييييب :B4_388:
يا جماعة تصميم الشوارع عندنا وسلوك السائقين لا يطبق عليه ده... ده كوبري أكتوبر اللي هو حارتين بس الناس خلتوا 3 حارات ده غير التزنيق وعدم الالتزام بحارة واحده... ومع احترامي السياسة اللي بيقولها الأخ بتتسبب في حوادث كتير علشان حتى لو اللي ماشي في الحارة الشمال ماشي على 120 اللي وراه بيبقى عاوز يعديه وخلاص وتقليب النور والكلاكسات ممكن يخلي واحد لسه جديد في السواقه يزود سرعته ويعمل حادثه
القياده بدون توتر ولا عصبيه هى افضل وسيله للوصول بسلام
الحارة الشمال انا اعرف انها للتخطي فقط بس يا بشمهندس سمير رجاء خاااااااااااااص بلاش حركة النور دي الله يكرمك
لان في ناس بتجبر علي الشمال..انا بحب امشي فلنص بصراحة بس النهاردة مثلا كانوا بيسفلتوا الحارة اليمين فكان اليمين ماشي فلنص واللي فلنص ماشي شمال
ونا ماشية لقيت واحد بشاهين ورايا عامل كدا بظبط وضارب النور العالي وناسي ايده علكلاكس..انا مش برخم والله بس فعلا مش عارفة اعدية انا ماشية بسرعة الطريق واللي علي يميني كمان كدا واللي ورايا كابس عليه من ورا مش هينفع اهدي واخد يمين
النور فعلا عماني لدرجة اني كنت هطلع علرصيف فعلا عشان كان في منحني مكنتش شايفاه... بس الحمدلله ربنا ستر فآخر لحظة وكان معايا ابن اخويا فلعربية طفل صغير لبس فضهر الكرسي بتاعي من ورا ياعيني
كل دا بسبب البيه اللي ورايا بصراحة قفلت مراية الصالون لتحت وهديت سرعتي وفضلت ممشياه ورايا كدا 2 كيلو..مش رخامة بس مش مقدر ظروف الطريق.. ولا مقدر ظروف اللي حواليه وكأنه بيقول
أنا وبعدي الطوفان
أنا نفسى كل الناس تروح أوروبا وتشوف الذوق فى السواقه
ههههههههههههه
و اي ضحيه اان بخشها بالزق
و عمري ما فكرت اعمل فيها اي نشاط مفيد زي ميكا و الكلام ده من كتر قرفي من دخولها
الكليه بنسبالي سكشني و كشك عم حسني بره
خصوصا لاسنادي احنا كنا 3 مدني
واتعلم علينا جامد جامد جامد و اتعمل معانا احلي واجب في الامتحانات و اعمال السنه